- एस्तेर 3:8 - Bundeli Holy Bible

⁸ तब हामान ने राजा क्षयर्ष सें कई, “तोरे राज्‍य के सब प्रान्‍तन में रैबेवारे देस देस के मान्‍सन के मजारें तितर बितर और छिटकी भई एक जात आय, जीके नियम और सब लोगन के नियमों सें अलग आंय; और बे राजा के कानून पै नईं चलत, ई लाने उनहों रैन देबो राजा हों फायदेमन्‍द नईंयां।

- एस्तेर 3:8 ပူးပေါင်းရင်းမြစ်များ

- नहेम्याह 1:8

ऊ बचन हों याद कर, जो तेंनें अपने दास मूसा सें कय हते, ‘तुमोंरें बिसवासघात करौ, तौ मैं तुमोंरन हों देस देस के मान्‍सन में तितर-बितर करहों।

- एस्तेर 3:9

जदि राजा ईहों मानै तौ उनहों नास करबे कौ हुकम लिखो जाए, और मैं राजा के भंडारियन के हाथ में राजभंडार में पोंचाबे के लाने, दस हजार किक्‍कार (आठ हजार पांच सौ मन) चांदी दैहों।”

- एस्तेर 4:1

जब मोर्दकै ने जान लओ कि का का करो गओ आय तब मोर्दकै अपने उन्‍ना फाड़ कें, टाट पैरें, राख डालकें, नगर के मजारें जाकें ऊंचे और दुखभरे सब्‍द सें चिल्‍यान लगो;

- यूहन्‍ना 7:35

यहूदियन ने आपस में कई, जौ किते जाहै, कि हम ऊहां न पाहैं? का बो उन के ऐंगर जाहै, जो यूनानियन में तितर-बितर होकें रहत आंय, और का यूनानियन हां भी सीख दै है?

- प्रेरितन के काम 24:5

बात जा आय की जौ मान्स सांची में बदमास आय, और जगत भर के सारे यहूदियन में फूट डालत आय, और नासरियन के बुरई चाल कौ मुखिया आय।

- प्रेरितन के काम 28:22

पर हम तोरे बारे में तोरे विचार सुनबे की मनसा धरत आंय, कायसे हम जानत आंय, की सब जांगा लोग ईके बिरोध में बतकाव करत आंय।

- याकूब 1:1

परमेसुर और पिरभु यीशु मसीह के चाकर याकूब की कोद से उन बारहों कुलों हां, जौन फैल फुट होकें रैत आंय, नमस्कार पोंचे।

- 1 पतरस 1:1

पतरस की कोद से जौन यीशु मसीह कौ चेला आय, उन परदेसियन के नाओं, जौन पुन्तुस, गलतिया, कप्पदुकिया, आसिया और बिथुनिया में तितर बितर होकें रैत आंय।