- एस्तेर 3:2 - Bundeli Holy Bible

² राजा के सब करमचारी जो राजभवन के फाटक पै रैत हते, बे हामान के सामूं झुककें परनाम करत हते कायसे राजा ने ऊके बारे में ऐसो हुकम दओ हतो; परन्‍त मोर्दकै नें तौ झुकत हतो और नें ऊको परनाम करत हतो।

- एस्तेर 3:2 ပူးပေါင်းရင်းမြစ်များ

- उत्पत्ति 41:43

और ऊहों अपने दूसरे रथ पै चढ़वाओ; और मान्‍सन ऊके आंगू-आंगू जा मुनादी करत चले कि “घुटनें टेककें दंडवत करो”, और ऊने ऊहों मिस्र के पूरे देस के ऊपर परधान अधकारी ठैराओ।

- एस्तेर 2:19

जब कुंवारियां दूसरी बेर इकट्ठी करी गईं, तब मोर्दकै राजभवन के फाटक में बैठो हतो।

- एस्तेर 2:21

उनईं दिनन में जब मोर्दकै राजभवन के फाटक में बैठो करत हतो, तब राजा के खोजे जौन ऊके रक्छक सोई हते, उन में सें बिकतान और तेरेस नाओं दो जनों नें राजा क्षयर्ष सें रूठकें ऊपै हाथ चलाबे की जुगत करी।

- एस्तेर 2:5

शूशन गढ़ में मोर्दकै नाओं एक यहूदी रैत हतो, जौन कीश नाओं के एक बिन्‍यामीनी कौ परपोता, शिमी कौ पोता, और याईर कौ मोंड़ा हतो।

- एस्तेर 3:1

ई बातन के पाछें राजा क्षयर्ष ने अगागी हम्‍मदाता के मोंड़ा हामान हों ऊंचो पद दओ, और ऊकौ मान देकें ऊके लाने ऊके साथी हाकिमन के सिंहासनों सें ऊंचो सिंहासन ठैराओ।

- एस्तेर 3:3

तब राजा के करमचारी जो राजभवन के फाटक पै रैत हते, उनोंरन ने मोर्दकै सें पूंछो, “तें राजा के आदेस हों काय नईं मानत?”

- एस्तेर 3:5

जब हामान ने हेरो, कि मोर्दकै नईं झुकत, और नें मोहों परनाम करत आय, तब हामान बिलात गुस्‍सा भओ।

- एस्तेर 5:9

ऊ दिना हामान मगन और हिया में खुस होकें बायरें गओ। परन्‍त जब ऊने मोर्दकै हों राजभवन के फाटक में हेरो, कि ऊ नें तौ ऊके सामूं ठांड़ो भओ, और नें हटो, तब ऊ मोर्दकै के बिरूद्ध गुस्‍सा सें भर गओ।

- फिलिप्पियों 2:10

कि यीशु मसीह के नाओं से एक एक मान्स अपने घुटने पै होकें उन हां मानें, सरग में, धरती पै, और धरती के नेंचें सोई।