- इफिसियों 5:25 - Bundeli Holy Bible

²⁵ मुन्स अपनी बईयर से प्रेम राखो, जैसो मसीह ने मण्डली से करो और अपनो प्राण ऊके काजें दे दओ।

- इफिसियों 5:25 ပူးပေါင်းရင်းမြစ်များ

- उत्पत्ति 2:24

ई कारन मान्‍स अपने मताई-बाप हों छोड़कें अपनी घरवारी सें मिलो रैहै, और बे एकई तन बने रैहें।

- उत्पत्ति 24:67

तब इसहाक रिबका हों अपनी मताई सारा के तम्‍बू में ल्‍याओ, और ऊहों ब्‍याहकें ऊसें प्रेम करो। ई तरहां इसहाक हों मताई के मरबे के बाद सान्‍ति मिली।

- मत्ती 20:28

जी तरहां मान्स कौ पूत अपनी चाकरी कराबे नईं, बल्कि चाकर बनके और बिलातन के तरन तारन के लाने अपनो प्राण देबे आओ।

- यूहन्‍ना 6:51

जीवन की रोटी जौन सरग से उतरी बो मैं आंव। जो कोऊ ई रोटी में से खा है, तो बो सदा लौ जीयत रै है, और जौन रोटी मैं जगत के जीवन के लाने दै हों, बो मोरो मांस आय।

- प्रेरितन के काम 20:28

ई लाने अपनी और अपने सबरे गुट की रखनवारी करो; जीके बीच पवित्र आत्मा ने तुमहां मुखिया ठहराओ आय; की तुम परमेसुर की मण्डली की रखनवारी करो, जीहां ऊ ने अपने खून से मोल लओ आय।

- गलतियों 1:4

उनईं ने अपने हां हमाए पापन के काजें दे दओ, किहमाए परमेसुर पिता की मरजी से हमें ई बुरए संसार के बन्धन से छुड़ाबै।

- गलतियों 2:20

मैं मसीह के संग्गै क्रूस पै चढाओ गओ हों, अब मैं जीयत नईंयां, अकेले मसीह मोय मैं जीयत आय: और मैं जौन देह में जीयत हों तो ऊ बिसवास से जीयत हों, जौन परमेसुर के पुत्र पै आय, जीनें मोय से प्रेम करो, और अपने प्रान मोरे लाने दे दए।

- इफिसियों 5:2

प्रेम से चलो; जैसो मसीह ने तुम से प्रेम करो; और हमाए काजें जैसो अगरबत्ती की सुगन्ध परमेसुर के आगे भेंट चढ़ाई।

- इफिसियों 5:24

अकेले जैसे मण्डली मसीह की कई करत, ऊं सई बईयरें एक एक बात में अपने मुन्स की बात मानें।

- इफिसियों 5:28

सो मुन्स अपनी घरबारी से अपने जैसो प्रेम करे, जौन अपनी घरबारी से प्रेम करत आय, मानो बो अपनी देह से प्रेम करत आय।

- इफिसियों 5:33

तुम सबरे जनें अपनी अपनी बईयरन से अपने घांई प्रेम राखो, और बईयर अपने मुन्स से डरें।

- कुलुस्सियों 3:19

ऐ घरवारे जनो, अपनी घरवालियों से प्रेम राखो, और उन हां परेसान न करो।

- 1 तीमुथियुस 2:6

जीने अपने प्राणन हां सबके तरन तारन के लाने दे दओ; जी की गवाह ठीक बेरा पै दई गई।

- 1 पतरस 3:7

ऊंसई हे मन्सेलू हरौ, तुम सोई समजदारी से बईयरन के संग्गै जीवन बिताओ और बईयर हां अबला जान के ऊकौ मान करौ, और जौ समज के, कि तुम दोई जीवन के बरदान के हक्कदार आव, जीसे तुमाई बिन्तवाई रुक न जाबै।

- यूहन्‍ना के दरसन कौ खुलासा 1:5

और यीशु मसीह की कोद से, जौन सच्चे गवाह और मरे भयन में से जी जाबेवाले में पहलौठा, और संसार के राजन के स्वामी आंय, तुम हां सान्ति और दया मिलत रए: जो हम से प्रेम रखत आय, और जीने अपने खून के द्वारा हम हां पापन से छुड़ाओ आय।

- यूहन्‍ना के दरसन कौ खुलासा 5:9

और बे सबरे जौ नओ गाना गान लगे, कि तें ई किताब हां लैबे और ऊ की मुहरें खोलबे जोग आय; कायसे तेंने अपने बलदान के रकत से सबरे कुल, और बोली, और लोगन, और जातियन में से परमेसुर के लाने मान्सन हां मोल ले लओ आय।