- इफिसियों 5:2 - Bundeli Holy Bible

² प्रेम से चलो; जैसो मसीह ने तुम से प्रेम करो; और हमाए काजें जैसो अगरबत्ती की सुगन्ध परमेसुर के आगे भेंट चढ़ाई।

- इफिसियों 5:2 ပူးပေါင်းရင်းမြစ်များ

- उत्पत्ति 8:21

ईपै यहोवा परमेसुर ने सुख दैबेवारी सुगन्‍ध पाकें सोचो, “कि मान्‍स के कारन मैं फिन कभऊं धरती हों स्राप नें दैहों, जबकि मान्‍स के मन में बचपन सें जो कछु पैदा होत आय ऊ बुरओ ही होत आय; तब भी जैसो मैंने सबरे जीवों हों अब मारो आय, बैसो उनहों फिन कभऊं नें मारहों।

- मत्ती 20:28

जी तरहां मान्स कौ पूत अपनी चाकरी कराबे नईं, बल्कि चाकर बनके और बिलातन के तरन तारन के लाने अपनो प्राण देबे आओ।

- यूहन्‍ना 13:34

मैं तुम हां एक नओ हुकम देत आंव, कि तुम एक दूसरे से प्रेम करो: जैसो मैंने तुम से प्रेम करो आय, वैसई तुम भी एक दूसरे से प्रेम करो।

- यूहन्‍ना 6:51

जीवन की रोटी जौन सरग से उतरी बो मैं आंव। जो कोऊ ई रोटी में से खा है, तो बो सदा लौ जीयत रै है, और जौन रोटी मैं जगत के जीवन के लाने दै हों, बो मोरो मांस आय।

- रोमियों 15:16

कि मैं दूसरी जातवारन के लाने मसीह यीशु कौ चाकर होकें परमेसुर के भले सन्देसे की सेवा याजक घांई करों; जीसे दूसरी जातवारन कौ मानो दओ जाबो, पवित्तर आत्मा से पवित्तर बनके अपनाओ जाबे।

- रोमियों 4:25

बो हमारे पापन के काजें पकड़वाओ गओ और हम हां धरमी बनाबे के लाने जिलाओ सोई गओ।

- रोमियों 8:3

कायसे जौन काज नैम व्यवस्था देयां के काजें कमजोर होकें न कर सकी, ऊहां परमेसुर ने करो, जाने कि अपने पूत हां पापवारी देयां कौ रूप देके, पापबलि होबे के लाने पठैओ, देयां में पाप पे दण्ड कौ हुकम दओ।

- रोमियों 8:37

पर इन सबरी बातन में हम ऊके द्वारा जीने हम से प्रेम करो आय, जीत पाबेवारे से बढ़के आंय।

- पैली कुरिन्थियों 16:14

जो कछु करत आव प्रेम से करो।

- पैली कुरिन्थियों 5:7

पुराने खमीर हां काड़ डालो, और तुम साजे कड़ आओ: और साजो मड़ो भओ चून बनो: कि तुम में खमीर न रैबे, कायसे हमाओ फसह जौन मसीह आय, हमाए लाने बलदान भओ आय।

- दूसरी कुरिन्थियों 2:14

अकेले परमेसुर को धन्न मानत आंव, जौन मसीह में हम हां सबरी जीत देत आय, और अपनी बातन की बास हम में हो सबरी जांगा फैलत आय।

- दूसरी कुरिन्थियों 2:15

कायसे हम परमेसुर के लाने तरन तारन पाबेवारे, और नरककुण्ड जाबेवारे, दोई के काजें मसीह की सुगन्ध आंय।

- दूसरी कुरिन्थियों 8:9

तुम हमाए पिरभू यीशु की दया जानत आव, कि बे धनी होकें तुमाए लाने कंगाल बने कि उनके कंगाल होबे से हम धनी हो जाबें।

- गलतियों 1:4

उनईं ने अपने हां हमाए पापन के काजें दे दओ, किहमाए परमेसुर पिता की मरजी से हमें ई बुरए संसार के बन्धन से छुड़ाबै।

- गलतियों 2:20

मैं मसीह के संग्गै क्रूस पै चढाओ गओ हों, अब मैं जीयत नईंयां, अकेले मसीह मोय मैं जीयत आय: और मैं जौन देह में जीयत हों तो ऊ बिसवास से जीयत हों, जौन परमेसुर के पुत्र पै आय, जीनें मोय से प्रेम करो, और अपने प्रान मोरे लाने दे दए।

- इफिसियों 1:4

जैसे उन ने हम हां संसार के बने से पेंला नबेर लओ, कि हम उन लौ प्रेम, पवित्तर और बेखोट कड़ें।

- इफिसियों 3:17

और बिसवास करे से मसीह तुमाए हिये में रैबे, कि तुम प्रेम में जड़ पकड़ के और नीं डाल के।

- इफिसियों 3:19

और मसीह के ऊ प्रेम हां जान सकौ, जौन ज्ञान से बायरे आय, कि तुम परमेसुर की सबरी बातन में पक्के हो जाओ।

- इफिसियों 4:15

अकेले प्रेम में सूदे चलत, सबरी बातन में जौन मुखिया आय, जानो मसीह में बढत जाओ।

- इफिसियों 4:2

मानो नरम होकें धीरत और प्रेम से, एक दूजे की बात सै लेओ।

- इफिसियों 5:15

ईसे ध्यान धरो, कि कौन सी गैल निंगत आव; मूरखन जैसो नईं अकेले बुद्धमान जैसे निंगो।

- इफिसियों 5:25

मुन्स अपनी बईयर से प्रेम राखो, जैसो मसीह ने मण्डली से करो और अपनो प्राण ऊके काजें दे दओ।

- फिलिप्पियों 4:18

मोरे लौ सब कछु आय, और बिलात सोई आय: जौन बस्तें तुम ने इपफ्रुदीतुस के हाथन पठैई हतीं बे मोहां बहुतई साजी लगीं, बे मानो ऊ बली जैसे आय, जी की गन्ध और बलदान से परमेसुर खुस होत आय।

- कुलुस्सियों 3:14

प्रेम सब में बढ़के आय और प्रेम में सबरी बातें जुड़ी रैत आंय।

- 1 थिस्सलुनीकियों 4:9

और भईयन में प्रेम के काजें मैं का लिखों; कायसे एक दूजे से प्रेम के लाने तुम ने परमेसुर से सीखो आय।

- 1 तीमुथियुस 2:6

जीने अपने प्राणन हां सबके तरन तारन के लाने दे दओ; जी की गवाह ठीक बेरा पै दई गई।

- 1 तीमुथियुस 4:12

कोई तोरी जुआनी हां नेंचो नईं लेखे; परन्त बातचीत, और चाल चलन, प्रेम, और बिसवास करबे में, और पवित्तर जीवन धरबे में मान्सन के काजें नमूना बनो रै।

- तीतुस 2:14

उन ने अपने आप अपनो बलदान करो, कि हम हां सबरे पापन से दूर करबें, और हम हां साजो कर के ऐसे बनाबें जौन धरम के काज में लगे होबें।

- इब्रानियों 8:3

कायसे याजक भेंट और बलिदान करत हते, ईसे पिरभू यीशु मसीह लौ सोई कछु चढाबे हां होबो चईये।

- इब्रानियों 9:14

तो पिरभू यीशु मसीह को रकत जौन बिलकुल बिन पाप हते, परमेसुर के सामूं निषपाप बलदान चढाओ, तो बो तुम हां बुरय काज से पूरे मन से काय न पवित्तर कर है, कि तुम जीयत परमेसुर की सेवा करो।

- इब्रानियों 9:23

जे बस्तें, सरग पै की छाया आंय उन हां इन बलदान से पवित्तर करो जात आय; परन्त सरग की बस्तें और अच्छे बलदान चईये।

- इब्रानियों 9:26

ऐसो तो उन हां संसार के बने से बेर बेर बलदान होने होतो; परन्त अबई जुग के खतम होबे पै बे एक बेर जगत मैं आके, और अपने बलदान से पाप हां दूर कर दओ।

- 1 पतरस 4:8

सब से ऊं ची बात जा आय कि एक दूजे से अधक से अधक प्रेम करो; कायसे प्रेम सबरे पापन हां ढांक देत आय।

- 1 यूहन्‍ना 3:16

हम ने प्रेम ईमें तको, कि पिरभु यीशु मसीह ने हमाए काजें अपनो जीवन बलदान कर दओ; हम हां सोई भईयन के काजें अपनो बलदान करो चईये।

- 1 यूहन्‍ना 3:23

उनकी अग्या जा आय कि हम उनके बेटा यीशु मसीह हां मानें और जैसो उन ने कई आय सो एक दूजे से प्रेम करें।

- यूहन्‍ना के दरसन कौ खुलासा 1:5

और यीशु मसीह की कोद से, जौन सच्चे गवाह और मरे भयन में से जी जाबेवाले में पहलौठा, और संसार के राजन के स्वामी आंय, तुम हां सान्ति और दया मिलत रए: जो हम से प्रेम रखत आय, और जीने अपने खून के द्वारा हम हां पापन से छुड़ाओ आय।

- यूहन्‍ना के दरसन कौ खुलासा 5:9

और बे सबरे जौ नओ गाना गान लगे, कि तें ई किताब हां लैबे और ऊ की मुहरें खोलबे जोग आय; कायसे तेंने अपने बलदान के रकत से सबरे कुल, और बोली, और लोगन, और जातियन में से परमेसुर के लाने मान्सन हां मोल ले लओ आय।