- इफिसियों 4:31 - Bundeli Holy Bible

³¹ सबरी कड़वाहट और खुन्स, और न्याओ, और बुराई और दूसरन से बैर तुम न करो।

- इफिसियों 4:31 ပူးပေါင်းရင်းမြစ်များ

- उत्पत्ति 27:41

एसाव ने तौ याकूब सें अपने बाप के दए भए आसीरवाद के कारन बैर रखो; और ऊने सोचो, “मोरे बाप के अन्‍तकाल की बेरा लिगां आय, फिन मैं अपने भईया याकूब हों मार दैहों।”

- उत्पत्ति 37:21

जौ सुनकें रूबेन ने ऊहों उनके हाथ सें बचाबे की इच्‍छा सें कई, “हम ऊहों जान सें तौ नें मारें।”

- उत्पत्ति 37:4

परन्‍त जब ऊके भईयों ने तको कि हमाओ बाप हम सबरे भईयों सें ज्‍यादा ऊसें प्रीत रखत आय, तब बे ऊसें बैर रखन लगे और ऊके संगै ठीक सें बात भी नें करत हते।

- उत्पत्ति 4:8

तब कैन ने अपने भईया हाबिल सें कछु कई; और जब बे मैंदना में हते, तब कैन ने अपने भईया हाबिल पै चढ़कें ऊहों मार डालो;

- प्रेरितन के काम 21:30

पूरो नगर भड़क उठो, और सब लोग गदबद दैके जुड़ गए, और बे पौलुस हां पकड़ के मन्दर से बायरें घसीट लाए, और तुरतईं किवाड़ बन्द कर दए गए।

- रोमियों 3:14

उन के मों श्राप और कड़वाहट से भरे आंय।

- पैली कुरिन्थियों 14:20

हे भईया हरौ, तुम समज में हलके बच्चा न बनो: जानें कि बुराई में तो हलके बच्चा रओ, परन्त समज में सियाने बनो।

- पैली कुरिन्थियों 5:8

सो आओ, हम त्यौहार में खुसी मनाबें, न पुराने खमीर से न बुराई से न दुष्टता के खमीर से, परन्त सांचे हिये और सच्चाई की बनी खमीर की रोटी संग्गै।

- दूसरी कुरिन्थियों 12:20

कायसे मोहां डर आय, कहूं ऐसो न होबे, कि मैं आके जैसो चाहत आंव, और जैसो तुम हां नईंर् चाहत ऊंसई पाओं; और मोय सोई जैसो तुम नईं चाहत वैसो पाओ, कि तुमाए भीतरै लड़ाई, बैर, गुस्‍सा करबो, दूसरन को बिरोध, जलन, चुगली करबो, अभमान और बखेड़े होबें।

- गलतियों 5:20

मूरतन की पूजा, गुनयाई, बैर, न्याओ, जलन, विरोध, फूट और बुरय काम।

- इफिसियों 4:22

कि तुम पेंला की बातन हां जौन पुरानो मान्स जौन धोखा भरी बातें करत आय, ऊहां उतार डालो।

- इफिसियों 4:25

ईसे लाबरी कैबे छोड़ के सबरे जनें एक दूजे से सांची कओ, कायसे हम एक दूसरे के अंग आंय।

- इफिसियों 4:26

खुन्सयाओ, अकेले पाप न कर बैठो: दिन डूबे लौ तुमाओ खुन्सयाबो न रैबे।

- कुलुस्सियों 3:19

ऐ घरवारे जनो, अपनी घरवालियों से प्रेम राखो, और उन हां परेसान न करो।

- कुलुस्सियों 3:8

सो अब तुम सोई खुनसियाबो, रौब दिखाबो, बैर करबो, दूसरन को बुरओ सोचबो और गाली देबो छोड़ दो।

- 1 तीमुथियुस 3:11

ऐसई बईयरन हां सोई गंभीर होओ चईये; दूसरन पै दोष मड़बेवारी न होबें परन्त होशियार और बिसवास करबे लाक होबें।

- 1 तीमुथियुस 3:3

पीबेवारो और मारपीट करबेवारो न होबै; बात करबे में अच्छो, झगड़ा करबेवारो, और लोभ करबेवारो न होबै।

- 1 तीमुथियुस 5:13

बे घर घर फिरती आंय, और आलसी हो गई आंय, और ऊके संग्गै फालतू बातें करतीं और जौन बातें नईं करो चईये।

- 2 तीमुथियुस 2:23

मूरख और अनपढ़ मान्सन की बातन से दूर रओ; कायसे तें जानत आय, कि ऐसी बातन से झगड़ा होत आंय।

- 2 तीमुथियुस 3:3

ऊमें प्रेम न रै है, और दूसरन हां क्षिमा नईं कर हैं, दूसरन में दोस लगाबेवारो हुईये, और अपने मन की करके कठोर, और भलो न चाहें।

- तीतुस 1:7

कायसे मुखिया हां परमेसुर के काम करने आंय; बो बिनखोट, हटी और खुन्सयाबेवारो, न पीबेवारो और न मारपीट करबेवारो और घूस लैबेवारो न होबै।

- तीतुस 2:3

ऐसई सियानी बईयरन की चाल साजी होबै, बे नसा न करें और दूसरन पै दोस न लगाबें; परन्त साजी बातें सिखाबें।

- याकूब 1:19

हे मोरे प्यारे भईया हरौ, जा बात तुम जानत आव: ई लाने सबरे मान्स सुनबे के लाने एकदम तईयार और बोलवे में धीरजवारे, और खुन्स में गम्म खाबेवारे होबें।

- याकूब 3:14

जदि तुम अपने हियन में जलत आव और बुराई धरत आव, तो सत्त के बिरोद में घमण्ड न करियो, और न लबरी बात कईयो।

- याकूब 4:11

हे भईया हरौ, एक दूजे पे दोस न मढ़ो, जौन अपने भाईया की बदनामी करत आय, ऊ भाई पे दोष मढ़त आय, बो कानून धरम पे दोस लगात आय; और जदि तें कानून धरम पे दोस लगात आय, तो तें कानून धरम पे चलबेवारो नईंयां, पर ऊ पे हाकम ठैरो।

- 1 पतरस 2:1

ई लाने सब भांत कौ बैरभाव और छल और कपट और जरुआपन और बदनामी हां अलग कर के।

- 1 यूहन्‍ना 3:12

कैन घांई नईं करियो जौन दुष्ट हतो, जीने अपने भईया हां मार डालो: और काय हां मार डालो? कायसे ऊ को भईया धरम की गैल चलत हतो, और ऊ दुष्टी हतो।

- 1 यूहन्‍ना 3:15

जो कोनऊ अपने भईया से अदावट धरत आय, बो हत्यारा आय; तुम हां तो पता आय, कि कोई हत्यारे को तरन तारन नईं होत।

- यूहन्‍ना के दरसन कौ खुलासा 12:10

फिन मैंने सरग से एक बड़ो बोल सुनो, कि अब हमाए परमेसुर को तरन तारन, और बल, और राज, और ईसा मसीह को जस दिखानो आय; कायसे जो रात दिन परमेसुर के सामूं हमाए भईयन पै दोष लगात हतो, गिरा दओ गओ।