- इफिसियों 4:25 - Bundeli Holy Bible

²⁵ ईसे लाबरी कैबे छोड़ के सबरे जनें एक दूजे से सांची कओ, कायसे हम एक दूसरे के अंग आंय।

- इफिसियों 4:25 ပူးပေါင်းရင်းမြစ်များ

- यूहन्‍ना 8:44

तुम अपने बाप शैतान से आव, और अपने बाप की मनकी बात हां पूरो करबो चाहत आव। बो तो शुरु से हत्यारो आय, और सत्य पे टिको नईं रओ, कायसे सत्य ऊ में हैई नईंयां: जब बो झूट बोलत आय, तो अपने गुन से बोलत आय; कायसे बो झूटो आय, और झूट कौ बाप आय।

- रोमियों 12:5

ऊंसई हम जौन बिलात आंय, मसीह में एक देयां होकें आपस में एक दूसरे के अंग आंय।

- पैली कुरिन्थियों 10:17

ई लाने कि एकई रोटी आय, सो हम सोई जौन बिलात आंय, एक देयां आंय: कायसे हम सबरे ओई रोटी में से खात आंय।

- दूसरी कुरिन्थियों 7:14

कायसे मैंने ऊके सामूं तुमाए लाने बड़वाई करी, तो ऊहां लाज नईं आई, अकेले जैसे हम ने सबरी बातें सांची सांची कै दईं, ऊंसई हमाई बड़वाई करबो तीतुस के सामूं सांची कड़ी।

- इफिसियों 4:15

अकेले प्रेम में सूदे चलत, सबरी बातन में जौन मुखिया आय, जानो मसीह में बढत जाओ।

- इफिसियों 4:22

कि तुम पेंला की बातन हां जौन पुरानो मान्स जौन धोखा भरी बातें करत आय, ऊहां उतार डालो।

- इफिसियों 4:31

सबरी कड़वाहट और खुन्स, और न्याओ, और बुराई और दूसरन से बैर तुम न करो।

- इफिसियों 5:30

कायसे हम उनकी देह जाने मण्डली के भाग आंय।

- कुलुस्सियों 3:8

सो अब तुम सोई खुनसियाबो, रौब दिखाबो, बैर करबो, दूसरन को बुरओ सोचबो और गाली देबो छोड़ दो।

- कुलुस्सियों 3:9

दूसरन से झूटो न बोलो, कायसे तुम ने पेंला जैसे काम छोड़ और उनकी अभलाखा छोड़ दई आय।

- 1 तीमुथियुस 1:10

परतिरिया संगत करबेवारे, पुरुष के संग्गै भोग करबेवारे, मान्सन हां बेंचबेवारे, लबरा, लाबरी गवा दैबेवारे, और जौन सांचे परचार को बिरोध करत आंय उनके लाने नैम बने आंय।

- 1 तीमुथियुस 4:2

ऐसी सीख उन झूठे मान्सन से आहें, मानो जिन को जी तांते लोहे से दागो गओ होबै।

- तीतुस 1:12

उनईं में के एक जनें ने जौन उनको आगमवकता आय, ऐसो कैत आय, क्रेते के जनें पेंला से लाबरी कैत आंय, और पशुअन जैसे बिलात खैबेवारे और आलसी जनें आंय।

- तीतुस 1:2

अनन्‍तकाल लौ जीयत रैबे की आस से करी, जीके लाने परमेसुर ने कई जौन लाबरी नईं कैत।

- इब्रानियों 12:1

ई लाने जब इतने सबरे जनों की गवाह हम जानत आंय, तो अब सबरी रोकबेवारी बस्तन और उलझाबेवारे पाप और बुरई बातन हां छोड़ के, जैसी दौड़ हम हां दौड़ने आय ऊहां संभल के दौड़ें।

- याकूब 1:21

ई लाने सबरी गन्दगी और सबरी दुष्टता दूर कर के, ऊ बचन हां दीनता से अपना लेओ, जौन हिये में बोओ गओ और जौन तुमाए प्रानन कौ तारन कर सकत आय।

- 1 पतरस 2:1

ई लाने सब भांत कौ बैरभाव और छल और कपट और जरुआपन और बदनामी हां अलग कर के।

- यूहन्‍ना के दरसन कौ खुलासा 21:8

परन्त जो डरपोकों, और बिसवास नईं करबेवारे, और मलिच्छ, और हत्यारे, और परतिरिया संगत करबेवारो, और टोना टोटका करबेवारो, और मूरत हां पूजबेवारो, और सब झूठ कौ भाग ऊ झील में मिल है, जो आग और गंधक से जलत रैत आय: जा दूसरी मौत आय।

- यूहन्‍ना के दरसन कौ खुलासा 22:15

परन्त कुत्ता, और टोना टोटका करबेवारे, परतिरिया संगत करबेवारे, हत्या करबेवारे, मूर्ती पूजा करबेवारे, और झूठ बोलबे की चाहना करबेवारे और झूट बनाबेवारे बायरें रै हैं।