- कुलुस्सियों 3:9 - Bundeli Holy Bible

⁹ दूसरन से झूटो न बोलो, कायसे तुम ने पेंला जैसे काम छोड़ और उनकी अभलाखा छोड़ दई आय।

- कुलुस्सियों 3:9 ပူးပေါင်းရင်းမြစ်များ

- यूहन्‍ना 8:44

तुम अपने बाप शैतान से आव, और अपने बाप की मनकी बात हां पूरो करबो चाहत आव। बो तो शुरु से हत्यारो आय, और सत्य पे टिको नईं रओ, कायसे सत्य ऊ में हैई नईंयां: जब बो झूट बोलत आय, तो अपने गुन से बोलत आय; कायसे बो झूटो आय, और झूट कौ बाप आय।

- रोमियों 6:6

कायसे हम जानत आंय, कि हमाओ पापी जीवन ऊके संग्गै क्रूस पे चढ़ाओ गओ, जीसे पाप की देयां खतम हो जाबै, और आंगू हां हम पाप के बस में न रैबें।

- इफिसियों 4:22

कि तुम पेंला की बातन हां जौन पुरानो मान्स जौन धोखा भरी बातें करत आय, ऊहां उतार डालो।

- इफिसियों 4:25

ईसे लाबरी कैबे छोड़ के सबरे जनें एक दूजे से सांची कओ, कायसे हम एक दूसरे के अंग आंय।

- कुलुस्सियों 3:8

सो अब तुम सोई खुनसियाबो, रौब दिखाबो, बैर करबो, दूसरन को बुरओ सोचबो और गाली देबो छोड़ दो।

- 1 तीमुथियुस 1:10

परतिरिया संगत करबेवारे, पुरुष के संग्गै भोग करबेवारे, मान्सन हां बेंचबेवारे, लबरा, लाबरी गवा दैबेवारे, और जौन सांचे परचार को बिरोध करत आंय उनके लाने नैम बने आंय।

- यूहन्‍ना के दरसन कौ खुलासा 21:27

और उते कोऊ गन्दी बस्त और गन्दो काम करबेवारो, और झूठ बनाबेवारो कैसऊ न घुस पाहै; परन्त बे जनें जिन के नाओं जीवन की पोथी में लिखे आंय।

- यूहन्‍ना के दरसन कौ खुलासा 21:8

परन्त जो डरपोकों, और बिसवास नईं करबेवारे, और मलिच्छ, और हत्यारे, और परतिरिया संगत करबेवारो, और टोना टोटका करबेवारो, और मूरत हां पूजबेवारो, और सब झूठ कौ भाग ऊ झील में मिल है, जो आग और गंधक से जलत रैत आय: जा दूसरी मौत आय।

- यूहन्‍ना के दरसन कौ खुलासा 22:15

परन्त कुत्ता, और टोना टोटका करबेवारे, परतिरिया संगत करबेवारे, हत्या करबेवारे, मूर्ती पूजा करबेवारे, और झूठ बोलबे की चाहना करबेवारे और झूट बनाबेवारे बायरें रै हैं।