- कुलुस्सियों 3:3 - Bundeli Holy Bible

³ कायसे तुम तो मानो मर गए, और अब तुमाओ जी पिरभू यीशु मसीह में बनो आय।

- कुलुस्सियों 3:3 ပူးပေါင်းရင်းမြစ်များ

- मत्ती 11:25

ओई बेरा यीशु ने कई, हे बाप, सरग और धरती के पिरभू; मैं तोरो धन्न मानत हों, कि तेंने इन बातन हां पंडितन और शास्त्रियन से लुका के धरीं, और हलकन पे दरसाई आंय।

- यूहन्‍ना 14:19

तनक देर पाछें संसार मोय फिन नईं तक है, परन्त तुम मोय तक हौ, ई लाने की मैं जीयत आंव, और तुम भी जीयत रै हौ।

- यूहन्‍ना 3:16

कायसे परमेसुर ने जगत से ऐसो प्रेम करो, कि ऊ ने अपनो एकलौतो पूत हां दे दओ, कि जो कोऊ ऊ पै भरोसा करे, बो नास न होय, बरन अनन्त जीवन पाबै।

- यूहन्‍ना 4:14

पर जो कोनऊं ऊ पानू में से पी है, जौन मैं ऊहां दै हों, बौ कभऊं प्यासो नईं हुईये, कायसे बो पानू ऐसो दैहों, ऊ में सदा लौ जीबे के लाने उमड़बे वालो पानू कौ सोता बन जै है।

- यूहन्‍ना 5:21

कायसे जी तरहां बाप मरे भयन हां जिला देत आय, ऊं सई पूत जिन हां चाहत आय उन हां जिलात आय।

- यूहन्‍ना 5:24

मैं तुम से सांची सांची कहत आंव, जौन मोरो बचन सुनके मोरे पठैबेवाले पे भरोसा करत आय, अनन्त जीवन ऊ को आय, और ऊ पे दण्ड कौ हुकुम नईं हुईये, परन्त बो मृत्यु से पार होकें जीवन में पिड़ चुको आय।

- यूहन्‍ना 5:40

और तुम मोरे ऐंगर आबो नईं चाहत कि जीवन पाओ।

- रोमियों 5:10

कायसे बैरी होबे की दसा में ऊके पुत्र की मौत के द्वारा हमाओ मेल मिलाप परमेसुर से भओ, सो फिन मेल हो जाबे पे ऊके जीवन से हम तरन तारन काय न पा हैं?

- रोमियों 5:21

कि जैसो पाप ने मौत फैलात भए राज करो, ऊंसई हमारे पिरभु यीशु मसीह के द्वारा दया सोई अनन्त जीवन के लाने धर्मी ठैरात भए राज करे।

- रोमियों 6:11

ऊं सई तुम सोई अपने आप हां पाप के लाने तो मरो, परन्त परमेसुर के लाने मसीह यीशु में जीयत समजो।

- रोमियों 6:2

कभऊं नईं, हम जब पाप के लाने मानो मर गए तो फिन आंगू ऊ में जीवन कैसे बिताएं?

- रोमियों 8:2

कायसे जीवन की आत्मा के नैम व्यवस्था ने मसीह यीशु में मोय पाप की, और मौत की नैम व्यवस्था से स्वतन्त्र कर दओ आय।

- पैली कुरिन्थियों 15:45

ऐसई लिखो सोई आय, कि पैलो मान्स, आदम जीबेवारो प्रानी बनो, और आखरी आदम, जीवन देबेवारो आत्मा बनो।

- पैली कुरिन्थियों 2:14

परन्त सारीरिक मान्स परमेसुर की आत्मा की बातें नईं अपनात, कायसे बे बातें ऊ की समझ सें मूरखता की बातें आंय, और बो उन हां समज नईं सकत कायसे उनकी परख आत्मिक रूप से होत आय।

- दूसरी कुरिन्थियों 5:14

कायसे मसीह को प्रेम हम हां बिवस कर देत आय; ईसे हम समझत आंय, कि एक जनों सबरन के काजें मरो तो सबरे मानो मर गए।

- दूसरी कुरिन्थियों 5:7

कायसे हम कोऊ रूप हां तक के नईं, अकेले बिसवास से चलत आंय।

- गलतियों 2:20

मैं मसीह के संग्गै क्रूस पै चढाओ गओ हों, अब मैं जीयत नईंयां, अकेले मसीह मोय मैं जीयत आय: और मैं जौन देह में जीयत हों तो ऊ बिसवास से जीयत हों, जौन परमेसुर के पुत्र पै आय, जीनें मोय से प्रेम करो, और अपने प्रान मोरे लाने दे दए।

- इफिसियों 3:9

और सबरन पै जा बात उजागर करों, कि ऊ भेद कैसो आय, जौन सबके रचबेवारे परमेसुर ने पेंला से लुका के धरो हतो।

- फिलिप्पियों 4:7

अब परमेसुर की सान्ति, जौन मान्स की समझ के बायरें आय, तुमाए मन और तुमाए सोच हां पिरभू यीशु मसीह में बचाए राख है।

- कुलुस्सियों 1:5

कि जी बस्त की तुम आस लगाए आव जौन तुमाए लाने सरग में धरी आय, जीके लाने तुम ने सुसमाचार में सोई सुनो हतो।

- कुलुस्सियों 2:20

तुम यीशु मसीह के संग्गै मर गए, अब संसार को जोर तुम पे नईं चलत, अब तुम ऐसी बात हां काय मानत आव।

- कुलुस्सियों 2:3

कायसे उन में ज्ञान और समझ बहुत भरो आय।

- कुलुस्सियों 3:4

अब यीशु मसीह में तुमाओ जी लग गओ आय, सो जब बे परगट हुईयें, तो तुम सोई उनके संग्गै जस पाहौ।

- इब्रानियों 7:25

सो जौन पिरभू यीशु मसीह पै बिसवास धरके परमेसुर लौ पोंच हैं; बे उनको पूरो पूरो तरन तारन करत आय, और परमेसुर के सामूं उनके लाने बिन्तबारी करत आंय।

- 1 पतरस 3:4

पर तुमाओ लुको भओ और गुप्त मनुष्यत्व, नरमता और हिये की दीनता की न मिटबेवारी सजावट से सजो रैबे, कायसे परमेसुर के लेखे में ईकौ बड़ो मोल आय।

- 1 पतरस 4:2

आगे हां अपनो रै गओ संसारी जीवन मान्सन की मरजी से नईं, परन्त परमेसुर की मन्सा के अनसार गुजारो।

- 1 यूहन्‍ना 3:2

प्यारे भईया हरौ, अबै तो हम परमेसुर के लड़का बिटिया कहात आंय, और अबै जौ पता नईंयां, कि हम और का हुईयें! इतनो पता आय, कि जब बे फिन के आहें तो हम सोई उन घांई हो जै हैं, और उन हां उनके सांचे रूप में तक हैं।

- यूहन्‍ना के दरसन कौ खुलासा 2:17

जीके कान होबें, बो सुन लेबें कि आत्मा मण्डलियन से का कैत आय; जौन इन बातन हां मान है, ऊहां मैं गुप्त मन्ना में से दै हों; और ऊहां एक सफेद पथरा सोई दै हों, और ऊ पथरा पै एक नाओं लिखो हुईये, जीहां केवल बे जान हैं जीहां बो मिल है।