- कुलुस्सियों 2:8 - Bundeli Holy Bible

⁸ चौकन्ने रओ कि कोई तुम हां बेकार बतकाओ में न फंसा लेबे, जौन मान्स की बातें आंय बे सब संसार कौ छल आय, परन्त जे बातें पिरभू की नईंयां।

- कुलुस्सियों 2:8 ပူးပေါင်းရင်းမြစ်များ

- मत्ती 10:17

मगर मान्सन से होसियार रहियो, कायसे बे तुम हां कचहरियन में सौंप हैं, और अपनी कचहरियन में कोड़े लगवा हैं।

- मत्ती 16:6

यीशु ने उन से कई, हेरो; फरीसी और सदूकियन के खमीर से चौकन्ने रहियो।

- मत्ती 7:15

लबरे आगमवकतन से चौकन्ने रहियो, जौन गाड़रन के भेष धरके तुमाए ऐंगर आत आंय, पर भीतरै से बे भूखे फाड़खाबे वारे बिगना आंय।

- प्रेरितन के काम 17:18

और कछु इपीकूरी और स्तोईकी ज्योतिषियन भी ऊसे बहस करन लगे, कछु कहत हते, जौ बकवासी कहबो का चाहत आय? पर दूसरन ने कई; जौ तो अद्भुत देवता कौ परचार करबेवालो जान पड़त आय, कायसे बो यीशु और मरे भयन के जी जाबे कौ परचार कर रओ हतो।

- प्रेरितन के काम 17:32

जब उन ने मरे भयन में से जी जाबे की बात सुनी तो कछु लोग ठट्ठा करन लगे, पर दूसरन ने कई, हम ई बारे में तोय से फिन कभऊं सुन हैं।

- रोमियों 16:17

सो हे भईया हरौ, मैं तुम से बिन्तवाई करत आंव, कि जौन मान्स ऊ सीख के बिरुद्ध जौन तुम ने सीखी आय, फूट डालबे और ठोकर खिलाबे के काजें कछु करें, उन हां ताड़ लए करे; और उन से दूर रओ।

- पैली कुरिन्थियों 10:12

ई लाने जौन समजत आय, कि मैं पक्को आंव, ऊ हुंसयार रैबे; कि क ऊं गिर न पड़े।

- पैली कुरिन्थियों 8:9

परन्त हुंसयार रओ, ऐसो न होबे, कि तुमाई जा छूट कऊं कमजोर जन के लाने उपटा लगबे कौ कारण बने।

- दूसरी कुरिन्थियों 10:5

सो जौन विचार और बड़ी बड़ी बातें, जौन परमेसुर हां नईं चीनत आय, उन हां आड़े हाथ लेत आंय, और सब विचारन हां बस में करके मसीह की अग्यां मानबेवारे बना देत आंय।

- गलतियों 1:14

अपनी जात भईयन जौन मोरी उमर के हते उनसे आगे बढ़ो भओ हतो, और अपने बाप दादन की रीत हां मानबे में बहुत आगे हतो।

- गलतियों 4:3

ऊंसई हम, जब लौ हल्के हते, संसार की बातन के सिखाय में हते।

- गलतियों 4:9

अकेले अब तो तुम ने परमेसुर हां चीन लओ आय, तो बे छोटी और नेंची पेंला की बातन में काय फिरत आव, का तुम उनई के पाछें फिन के चलो चाहत आव।

- गलतियों 5:15

अकेले तुम एक दूजे हां दांत से काटत आव और फाड़बे हां फिरत आव, सूदे रओ, कि एक दूजे हां सत्यानास न कर देओ।

- इफिसियों 2:2

तुम पेंला ई संसार की रीत पै, और आकास के हाकम शैतान और ऊ आत्मा से चलत हते, जौन अबै सोई कई न करबे वारन में काम करत आय।

- इफिसियों 4:20

अकेले तुम ने मसीह से ऐसो नईं सीखो।

- इफिसियों 5:6

कोई तुम हां ऊं सई बातन से धोखा न देबे; कायसे ऐसे कामन से परमेसुर को श्राप अग्या न मानबेवारन पै होत आय।

- फिलिप्पियों 3:2

उन कुत्तन से संभले रईयो, उन बुरय काम करबेवारन से बच के रईयो, जौन काट कूट करत आंय उनसे बचियो।

- कुलुस्सियों 2:18

उन से धोका न खाईयो जौन ऐसे दिखात आंय कि बड़े कोंरे मन के आंय, जौन सरगदूतन की पूजा करत आंय परन्त तुम हां ऊ इनाम से जौन तुम हां मिलो चईये ऊ में बिलोरा डालत आंय। ऐसो मान्स बेसमझी की बातें करत आय और स्वारथी आय।

- कुलुस्सियों 2:20

तुम यीशु मसीह के संग्गै मर गए, अब संसार को जोर तुम पे नईं चलत, अब तुम ऐसी बात हां काय मानत आव।

- कुलुस्सियों 2:22

(कायसे जे सबरी बस्तें काम में लात लात खतम हो जै हैं)।

- कुलुस्सियों 2:23

जब लौ जे बस्तें काम में आत आंय, तब लौ ठीक आय परन्त फिन बे काम की नईं रैत, सो अपन काय हां उन बातन हां मानें, जौन मांस ने बनाई आंय इन नेम हां मानबो अपन हां अच्छो लगे, इनसे ऐसो लगे कि तुम परमेसुर से बहुतई प्रेम करत भय नरम पड़े आव, और अपनी देह हां बस में राखें आव परन्त इन से तुमाई इच्छा हां रोकबे में कछु नहीं होत।

- 1 तीमुथियुस 6:20

हे तीमुथियुस ई बात की रखनवारी कर और जी समज हां समज कहबो भूल आय, ऊके असुद्ध बतकाव और बिरोध की बातन से दूर रह।

- 2 तीमुथियुस 3:13

और दुष्ट जनें जो बहकात आंय और धोका देत आंय, बे धोका खाके और बिगड़त जै हैं।

- इब्रानियों 13:9

दूसरे परचार की बातन से नईं बिलुरियो, और अपने मन हां पक्को बनाए रखियो, खाबे की बस्तन पै भौत ध्यान न धरियो, कायसे खाबे से जादा कछु नईं होत।

- इब्रानियों 3:12

सो भईया हरौ, चेतो और बुरई बातन में न लगो, जीसे तुम परमेसुर से भटक जाओ।

- 1 पतरस 1:18

कायसे तुम जानत आव, कि तुमाओ निकम्मा चाल चलन जौन पुरखन से चलो आत आय, ऊसे तुमाओ तारण चान्दी सोने जाने के नास होबेवारी बस्तन से नईं भओ।

- 2 पतरस 3:17

ई लाने हे प्यारे भईया हरौ, तुम और पेंलई से इन बात हां जान के हुसयार रओ, कि अधरम जन की गलती में फंस के अपने पक्के बिसवास हां कऊं हिरा न दो।

- 2 यूहन्‍ना 1:8

तुम चौकन्नें रओ; कायसे जौन काम हमने करो आय, ऊहां न बिलोरियो, जीसे ऊको पूरो मजा तुम हां मिले।