- कुलुस्सियों 2:23 - Bundeli Holy Bible

²³ जब लौ जे बस्तें काम में आत आंय, तब लौ ठीक आय परन्त फिन बे काम की नईं रैत, सो अपन काय हां उन बातन हां मानें, जौन मांस ने बनाई आंय इन नेम हां मानबो अपन हां अच्छो लगे, इनसे ऐसो लगे कि तुम परमेसुर से बहुतई प्रेम करत भय नरम पड़े आव, और अपनी देह हां बस में राखें आव परन्त इन से तुमाई इच्छा हां रोकबे में कछु नहीं होत।

- कुलुस्सियों 2:23 ပူးပေါင်းရင်းမြစ်များ

- रोमियों 13:14

परन्त पिरभु यीशु मसीह की लीक पै चलो, और देयां की अभलाखा हां पूरो करबे कौ जतन न करो।

- इफिसियों 5:29

कायसे कोई अपने सरीर से कभऊं बैर नईं रखत और देह की देखभाल करत आय, जैसे पिरभू यीशु मसीह अपनी कलीसिया से करत आय।

- कुलुस्सियों 2:18

उन से धोका न खाईयो जौन ऐसे दिखात आंय कि बड़े कोंरे मन के आंय, जौन सरगदूतन की पूजा करत आंय परन्त तुम हां ऊ इनाम से जौन तुम हां मिलो चईये ऊ में बिलोरा डालत आंय। ऐसो मान्स बेसमझी की बातें करत आय और स्वारथी आय।

- कुलुस्सियों 2:22

(कायसे जे सबरी बस्तें काम में लात लात खतम हो जै हैं)।

- कुलुस्सियों 2:8

चौकन्ने रओ कि कोई तुम हां बेकार बतकाओ में न फंसा लेबे, जौन मान्स की बातें आंय बे सब संसार कौ छल आय, परन्त जे बातें पिरभू की नईंयां।

- 1 तीमुथियुस 4:3

जे ब्याव करबे से रोक हैं, और कह हैं कि खैबे की कछु बस्तन से दूर रओ, परन्त परमेसुर ने उन बस्तन हां ई लाने बनाई आंय कि बिसवासी जनें, और सांचे हां चीनबेवारे उन हां परमेसुर को धन्न मानके खाबें।

- 1 तीमुथियुस 4:8

कायसे दैहिक कसरत ज्यादा फायदा नईं करत आय, परन्त भक्ति सबरी बातन में फायदे की होत आय, ई बेरा में, और आबेवारे दिना में सोई।