- कुलुस्सियों 2:18 - Bundeli Holy Bible

¹⁸ उन से धोका न खाईयो जौन ऐसे दिखात आंय कि बड़े कोंरे मन के आंय, जौन सरगदूतन की पूजा करत आंय परन्त तुम हां ऊ इनाम से जौन तुम हां मिलो चईये ऊ में बिलोरा डालत आंय। ऐसो मान्स बेसमझी की बातें करत आय और स्वारथी आय।

- कुलुस्सियों 2:18 ပူးပေါင်းရင်းမြစ်များ

- उत्पत्ति 3:13

तब यहोवा परमेसुर ने बईयर सें कई, “तेंने जौ का करो आय?” बईयर ने कई, “सांप ने मोए बहका दओ, तब मैंने खाओ।”

- मत्ती 24:24

कायसे लबरे मसीह और लबरे आगमवकता उठ ठांड़े हुईयें, और बड़े चिन्ह, और अचम्भे के काम दिखा हैं, इते लौ कि अगर उन कौ बस चलो तो चुने भयन हां भरमा दें हैं।

- रोमियों 1:25

कायसे उन ने परमेसुर की सच्चाई हां बदल के झूठ बना डालो, और संसार की बस्तन की सेवा और उपासना करी, न कि ऊ करतार की जौन जुग जुग धन्य आय। आमीन।

- रोमियों 16:18

कायसे ऐसे मान्स हमाए पिरभु यीशु मसीह की नईं, पर अपने पेट की सेवा करत आंय; और चिकनी चुपड़ी बातन से सूदे सादे मन के मान्सन हां बहका देत आंय।

- पैली कुरिन्थियों 13:4

प्रेम धीरज धरत आय, दया करबेवारो आय; प्रेम बैर की गांठ नईं बाधें रैत; प्रेम अपनी बड़वाई नईं करत, और घमण्ड में नईं बनो रैत।

- पैली कुरिन्थियों 3:3

कायसे तुन अब लौ सारीरिक आव, कि जब तुम में जलन और झगड़ा आय, तो का तुम सारीरिक नईंयां? और मान्सन जैसी गैल नईं निंगत?

- पैली कुरिन्थियों 4:18

कछु मान्स घमण्ड से ऐसे भर गए आंय, जौ सोच के, कि जानो मैं तुमाए ऐंगर न आ हों।

- पैली कुरिन्थियों 4:6

हे भईया हरौ, मैंने इन बातन में अपनी और अपुल्लोस की कनौत सी कई, कि तुम हम से जौ सीखो, कि जैसो लिखो आय ऊसे आंगू न बढ़ियो, एक हां बड़ो और दूसरे हां ओछो न जानियो।

- पैली कुरिन्थियों 8:1

अब मूरतों के सामूं बलि करी भई बस्तों के बारे में - हम जानत आंय, कि हम सबई हां ज्ञान आय: ज्ञान घमण्ड पैदा करत आय, परन्त प्रेम से बढ़ती होत आय।

- पैली कुरिन्थियों 9:24

काय तुम हां पता नईंयां, कि दौड़ में बिलात जनें दौड़त आंय, अकेले इनाम एकई को मिलत आय, तुम ऊंसई दौड़ो कि इनाम पा जाओ।

- दूसरी कुरिन्थियों 11:3

अकेले मोहां डर आय कि जैसे सरप ने होसियारी से हव्वा हां बिलोर दओ, ऊंसई तुमाओ मन को सीधोपन और साजोपन जौन मसीह के संग्गै होबो चईये कहूं बिगड़ न जाबै।

- दूसरी कुरिन्थियों 12:20

कायसे मोहां डर आय, कहूं ऐसो न होबे, कि मैं आके जैसो चाहत आंव, और जैसो तुम हां नईंर् चाहत ऊंसई पाओं; और मोय सोई जैसो तुम नईं चाहत वैसो पाओ, कि तुमाए भीतरै लड़ाई, बैर, गुस्‍सा करबो, दूसरन को बिरोध, जलन, चुगली करबो, अभमान और बखेड़े होबें।

- इफिसियों 4:17

ईसे मैं जौ कैत आंव, और पिरभू में तुम हां चिताय देत आंव, कि जैसे अन्यजाति लोग अपने मन की बुरई बातन पै चलत आंय, तुमअब से ऐसे नईं चलो।

- इफिसियों 5:6

कोई तुम हां ऊं सई बातन से धोखा न देबे; कायसे ऐसे कामन से परमेसुर को श्राप अग्या न मानबेवारन पै होत आय।

- फिलिप्पियों 3:14

मैं आगे हां निसाने पै पहुंचबे हां बढ़ो चलो जात आंव, कि ऊ इनाम पाओं, जीके काजें पिरभू ने मोहां बुलाओ आय कि मोहां सरग पौचाबे।

- कुलुस्सियों 2:23

जब लौ जे बस्तें काम में आत आंय, तब लौ ठीक आय परन्त फिन बे काम की नईं रैत, सो अपन काय हां उन बातन हां मानें, जौन मांस ने बनाई आंय इन नेम हां मानबो अपन हां अच्छो लगे, इनसे ऐसो लगे कि तुम परमेसुर से बहुतई प्रेम करत भय नरम पड़े आव, और अपनी देह हां बस में राखें आव परन्त इन से तुमाई इच्छा हां रोकबे में कछु नहीं होत।

- कुलुस्सियों 2:4

मैं जे बातें तुम हां ईसे कैत आंव, कि कोई मान्स तुम हां भटका न देबे।

- कुलुस्सियों 2:8

चौकन्ने रओ कि कोई तुम हां बेकार बतकाओ में न फंसा लेबे, जौन मान्स की बातें आंय बे सब संसार कौ छल आय, परन्त जे बातें पिरभू की नईंयां।

- 1 तीमुथियुस 1:7

बे मूसा को नैम सिखाबेवारे तो बनो चाहत आंय, परन्त जौन बातन पै जोर देत आंय, उन हां समझत लौ नईंयां।

- 1 तीमुथियुस 4:1

आत्मा कैत आय, की आबेवारे दिना में कितेक मान्स बिलोरबेवारी आत्मा, और बुरई आत्मा की बातन मैं मन लगा के सांचे बिसवास की बातन से भटक जै हैं।

- 2 पतरस 2:14

उन की आंखें व्यभिचार से भरी आंय, बे अधरम करे बिना रै नईं सकत, बे चंचल मन वारन हां फुसला लेत आंय; उनके हिये लालच करबे की लत में पड़े आंय, बे सन्ताप के लरका बच्चा आंय।

- 1 यूहन्‍ना 2:26

जे बातें मैंने उनके लाने कई आंय, जौन तुम हां सांची गैल से बिलोरत आंय।

- यूहन्‍ना के दरसन कौ खुलासा 12:9

और बो बड़ो अजगर जो इबलीस और शैतान छलिया कहात आय, और सबरे संसार हां बहकाबे वालो आय, धरती पै ऊ को और ऊके दूतन हां गिरा दओ गओ।

- यूहन्‍ना के दरसन कौ खुलासा 13:14

जौ जनावर धरती पै रैबेवारन हां मूरख बनात हतो, और उन बेजा काम हां जौ ऊ जनावर के बल से करत हतो, और संसार के मान्सन से कैत हतो, कि बो जनावर जीहां घाव हो गओ हतो बो अच्छो हो गओ आय, सो तुम ऊ की मूरत बनाओ, और ऊ की पूजा करो।

- यूहन्‍ना के दरसन कौ खुलासा 13:8

और धरती के बे सब रैबेवारे जिन के नाओं ऊ मेमने की जीवन की पोथी में नईं गए, जो संसार की रचना की बेरा से घात भओ आय, ऊ जनावर की पूजा कर हैं।

- यूहन्‍ना के दरसन कौ खुलासा 19:10

और मैं दण्डवत करबे के लाने ऊके गोड़ों पै गिरो; ऊ ने मोय से कई; हेर, ऐसो न कर, कायसे मैं जो पिरभू को परचार करत आंव उनईं में से एक आंव, केवल परमेसुर के सामूं झुको; कायसे ईसा मसीह कौ परचार आगमवानी की आत्मा आय।

- यूहन्‍ना के दरसन कौ खुलासा 3:11

मैं जल्दी आबेवारो आंव; जो कछु तोरे ऐंगर आय, ऊहां पकड़े रै, कि कोऊ तोरो मुकट छीन न लैबे।