- कुलुस्सियों 1:28 - Bundeli Holy Bible

²⁸ जी को परचार करके हम सबरे मान्सन हां चितात आंय, और पूरे ज्ञान से सब हां सिखात आंय, कि सबरे जनें जौन यीशु मसीह पै बिसवास धरे बे पक्के बन जाबें।

- कुलुस्सियों 1:28 ပူးပေါင်းရင်းမြစ်များ

- मत्ती 28:20

और जौन जौन हुकुम मैं ने तुम हां दए आंय, ऊको पालन करबो सिखाओ, और तको, मैं संसारी के आखिर लौ सदा तुमाए संग्गै आंव।

- मत्ती 3:7

जब ऊने बिलात फरीसियन और सदूकियन हां बपतिस्मा लेबे आत तको, तो उन से कई, हे सांप की लड़ेर, तुम हां कीने चिता दओ, कि आबेवारे कोप से भगो?

- मत्ती 5:48

ई लाने तुम सिद्ध बनो, जैसो कि तुमाओ स्वर्गीय बाप सिद्ध आय।

- मरकुस 6:34

ऊ ने निकल के भारी भीड़ तकी, और उनपै तरस खाओ, कायसे कि बे ऊ भेड़न कैसे हते, जिनकौ कोऊ रखवारौ न होबै, और ऊ उने भौत सी बातें सिखान लगो।

- लूका 21:15

कायसे मैं तुम हां सोच और समज देंहों, कि तुमाए सबरे बिरोधी तुमाओ सामना या वादविवाद न कर सक हैं।

- प्रेरितन के काम 10:36

जौन सन्देसो ऊ ने इस्राएलियन के ऐंगर पठैओ, जब ऊ ने यीशु मसीह के द्वारा (जौन सबई कौ पिरभु आय) सान्ति कौ भलो सन्देसो सुनाओ।

- प्रेरितन के काम 11:20

पर उन में से कछु क्रुप्रुस और कुरेनी हते, जौन अन्ताकिया पोंच के यूनानियन हां भी प्रभु यीशु कौ सन्देसो सुनाउन लगे।

- प्रेरितन के काम 13:38

ई लाने हे भईया हरौ; तुम जौ जान लईयो कि ऐई के द्वारा पापन की क्षमा कौ सन्देस तुम हां सुनाओ जात आय।

- प्रेरितन के काम 17:18

और कछु इपीकूरी और स्तोईकी ज्योतिषियन भी ऊसे बहस करन लगे, कछु कहत हते, जौ बकवासी कहबो का चाहत आय? पर दूसरन ने कई; जौ तो अद्भुत देवता कौ परचार करबेवालो जान पड़त आय, कायसे बो यीशु और मरे भयन के जी जाबे कौ परचार कर रओ हतो।

- प्रेरितन के काम 17:3

और ई बात कौ मतलब साफ करके जौ साबित करत रओ, की मसीह हां दुख उठाबो, और मरे भयन में से जी जाबो, जरूरी हतो; और बो कहत हतो, जौई यीशु जीको मैं तुमाए सामूं परचार करत आंव, मसीह आय।

- प्रेरितन के काम 20:31

ई लाने चौकन्ने रहियो; और खबर राखियो; की मैंने तीन बरस लौ रात दिना अंसुआ बहा बहा के, एक एक हां समझाबो नईं छोड़ो।

- प्रेरितन के काम 3:20

और बो यीशु हां पठैए, जौन तुमाए लाने पैलईं से मसीह ठैराओ गओ आय।

- प्रेरितन के काम 5:42

बे रोजीना मन्दर में और घर घर में बचन सुनात, और ई बात कौ भलो सन्देसो सुनाबे से, कि यीशु ही मसीह आय न रुके।

- प्रेरितन के काम 8:35

तब फिलिप्पुस ने बोल समजाबो शुरू करो, और पवित्तर पोथी के इनई बातन से शुरू कर के ऊहां यीशु कौ भलो सन्देसो सुनाओ।

- प्रेरितन के काम 8:5

और फिलिप्पुस सामरिया नगर में जाके मान्सन के मजारें मसीह कौ परचार करन लगो।

- प्रेरितन के काम 9:20

और ऊ तुरतऊं आराधनालयों में यीशु कौ परचार करन लगो, कि बो परमेसुर कौ पूत आय।

- रोमियों 16:25

अब जौन तुम हां मोरे भले सन्देसे मानो कि यीशु मसीह के सन्देसे के परचार के अनसार पक्को कर सकत आय, ऊ भेद के प्रकाश के अनसार जौन हमेसा से लुको रओ।

- पैली कुरिन्थियों 1:23

परन्त हम तो ऊ क्रूस पे टांगे गए मसीह कौ परचार करत आंय, जौन यहूदियन हां उपटा कौ काज, और दूसरी जातवारन हां मूरखता आय।

- पैली कुरिन्थियों 1:30

परन्त ओई कुदाऊं से तुम मसीह यीशु में आव, जौन परमेसुर कुदाऊं से हमाए लाने ज्ञान ठैरो जाने कि धरम, और पवित्तरता, और छुटकारो।

- पैली कुरिन्थियों 12:8

कायसे एक हां आत्मा से समज की बातें दईं जात आंय; और दूजे हां ओई आत्मा से ज्ञान की बातें।

- पैली कुरिन्थियों 15:12

सो जब मसीह कौ जौ परचार करो जात आय, कि बो मरे भयन में से जी उठो, तो तुम में से कैऊ काय हां कैत आंय, कि मरे भयन कौ जी उठबो हैई नईंयां।

- पैली कुरिन्थियों 2:15

आत्मिक जन सबई कछु परखत आय, परन्त बो खुद कोई और मान्स से परखो नईं जात।

- पैली कुरिन्थियों 2:6

फिन हम समजदारों में ज्ञान की बातें सोई सुनात आंय: परन्त जौ ज्ञान न तो ई संसार कौ, और न ही हाकमन कौ आय जौन नास होबेवारे आंय।

- पैली कुरिन्थियों 4:14

मैं जे बातें तुमहां लजाबे हां नईं लिखत, अकेले अपनो प्यारो लड़का जान के समझात आंव।

- दूसरी कुरिन्थियों 10:14

कायसे हम अपनी हद्द से बाहर अपने हां नईं उठाओ चाहत, जैसो तुम लौ न पोंचबे की दसा में होतो, अकेले मसीह के बचन सुनात तुम लौ आ चुके आंय।

- दूसरी कुरिन्थियों 11:2

कायसे में तुमाए काजें ईश्वरीय धुन में लगो रैत आंव, कायसे मैंने एकई जनें से तुमाई बात चलाई आय, कि तुम हां साजी कुंआरी जैसी मसीह के हाथ दे देओं।

- दूसरी कुरिन्थियों 4:5

कायसे हम अपने नईं, अकेले हम पिरभू यीशु को परचार करत आंय, कि बो पिरभू आय; अपने लाने तो हम कैत आंय, कि यीशु के कारण मानो तुमाए चाकर आंय।

- इफिसियों 3:8

मो पै जौन सबरे परित्तर लोगन में सबसे लौरो आंव, जा दया भई, कि मैं अन्यजातियन हां मसीह में मिलबेवारे महा धन के बचन सुनाओं।

- इफिसियों 5:27

पिरभू यीशु मसीह ने मण्डली हां एक बढ़िया मण्डली करो, और ऊहां सबरे दोस से दूर करके अपने लौ खड़ी होबे लाक बनाओ।

- कुलुस्सियों 1:22

जीसे तुम हां अब पवित्तर बनाके, बिन खोट करो कि तुम परमेसुर के सामूं ठांड़े हो सको।

- कुलुस्सियों 2:10

और तुम उनईं में बढ़ रए आव, कायसे तुम उनईं के आओ जौन सबरे ज्ञान और अधकार से बढ़के ऊंचे आंय।

- कुलुस्सियों 2:3

कायसे उन में ज्ञान और समझ बहुत भरो आय।

- कुलुस्सियों 3:16

यीशु मसीह के बचन हां अपने हिये में बसा लेओ; और दूसरन हां पूरे ज्ञान से सिखाओ, और चिताओ, और परमेसुर हां धन्न मानो, और अपने से परमेसुर के भजन गाओ और उन हां धन्न कहो।

- कुलुस्सियों 4:12

इपफ्रास जौन तुम में से आय, और पिरभू यीशु मसीह को सेवक आय, तुम हां नमस्कार कैत आय और तुमाए काजें बिन्तवारी में लगो रैत आय, कि तुम पक्के होकें ई सीख पै चलत रओ।

- 1 थिस्सलुनीकियों 4:6

ई बात में कोई अपने भईया हां न ठगे, और न ऊ की भली मंसा को गलत फायदा उठाए, परमेसुर ऐसे मान्स हां उनके पापन के लाने दण्ड दै है; जैसो हम ने पेंला बता के चिता दओ हतो।

- 1 तीमुथियुस 3:16

धरम को भेद बड़ो आय ईको ध्यान धरियो; बो सरीर में होकें संसार में आओ जा बात आत्मा ने बताई, और सरगदूतन ने संसार मैं ईको परचार करो, मान्सन ने ऊ पै बिसवास करो और बो सरग पै उठा लओ गओ।

- 1 तीमुथियुस 3:2

सो मुखिया बिन दोसवारो एकई बईयर को मुन्स, संयमी, अपने हां बस में रखबेवारो, सीधो, अच्छो, पहुनाई करबेवारो, और सिखाबे में अच्छो होबै।

- इब्रानियों 10:14

कायसे उन ने एकई बलदान से उन हां पापन से छुड़ाके परमेसुर के जनें बना दओ।

- इब्रानियों 13:21

बे तुम हां उनकी अज्ञा मानबे और जौन अच्छो होबे, ऊहां करबे को मन हमाए भीतरे बनाबे, कि उनको मान सम्मान होत रैबे। आमीन।

- 2 पतरस 3:15

हमाए पिरभु यीशु के धीरज हां तारन समजो, जैसो हमाए प्यारे भईया पौलुस ने सोई ऊ समज के अनसार जौन ऊ ए मिली आय, तुम हां लिखो आय।