- कुलुस्सियों 1:23 - Bundeli Holy Bible

²³ सो तुम अपने बिसवास जौन तुम ने करो आय ऊ में पक्के बने रओ, और सुसमाचार सुने पै जौन आस तुमाई बढ़ी हती, जी को परचार ई संसार में भओ; जीहां मैं पौलुस ने तुम हां सुनाओ।

- कुलुस्सियों 1:23 ပူးပေါင်းရင်းမြစ်များ

- मरकुस 16:15

और यीशु ने चेलन से कओ, तुम पूरी दुनिया में जाके, सबरे संसार के लोगन हां भलो संदेसो परचार करो।

- लूका 22:32

पर मैं ने तोरे लाने बिन्तवाई करी, कि तोरो बिसवास जात न रैबे: और जब तें फिरे तब अपने भईयन हां पक्को करिए।

- लूका 6:48

बो ऊ मान्स के समान आय, जी ने घर बनाती बेरा माटी गैरी खोद के चट्टान पे खचव डाली, और जब बाढ़ आई और हिलोर कौ पानू ऊसे टकराओ, पर ऊहां हला न सकी; कायसे बो पक्को बनो हतो।

- यूहन्‍ना 15:6

जदि कोई मोय में बनो नईं रै है, तो बो डाली की घांईं मेंक दओ जै है, और सूख जै है; और मान्स ऊहां जमा करके आगी में बार दें हैं, और बे बर जै हैं।

- प्रेरितन के काम 1:17

कायसे बो हम में गिनो गओ, और ई सेवकाई में सामिल भओ।

- प्रेरितन के काम 1:25

कि बौ सेवकाई और प्रेरिताई कौ पद ले, जीहां यहूदा छोड़ के अपने स्थान हां गओ आय।

- प्रेरितन के काम 1:8

पर जब पवित्तर आत्मा तुम पे आ है तब तुम बल पा हौ; और यरूशलेम और सबरे यहूदिया और सामरिया में, और धरती के छोर लौ मोरे गवाह हुईयो।

- प्रेरितन के काम 11:23

ऊ ने उते पोंच के, परमेसुर के अनुग्रह हां हेरो तो बो खुस भओ; और उन सबई हां हिम्मत देन लगो कि बे पूरे मन से प्रभु के भरोसे में बने रएं।

- प्रेरितन के काम 14:22

और चेलन के मन पक्को करत रए कि पक्के बने राबें, जौ कह के हिम्मत बंधात रए; हम हां बिलात दुख पीड़ा उठाके परमेसुर के राज में जाने आय।

- प्रेरितन के काम 2:5

और आकास के नेंचें की हर एक जाति में से भक्त यहूदी यरूशलेम में रैत हते।

- प्रेरितन के काम 20:24

मैं अपने प्राण हां कोऊ भी तरहां अपने लाने प्यारो नईं समझत आंव, अगर समझत आंव, तो केवल ई लाने की में जीवन हां और ऊ काज हां, जौन मोय प्रभु यीशु मसीह से मिली आय, पूरी करों, यानि मैं परमेसुर के आसीस के सन्देसे की चित्त लगा के गवाही देओं।

- प्रेरितन के काम 26:16

पर उठ, और अपने गोड़न पे ठांड़ो हो जा; मैंने ई लाने से तोय दरसन दओ आय, की तोय भक्त ठहराओं और न केवल इन बातन कौ, जौन तेंने हेरी आंय गवाह ठहराओं, पर उन बातन कौ भी जौन के लाने मैं तोय दरसन दें हों।

- प्रेरितन के काम 4:12

कोऊ दूसरे के द्वारा उद्धार नईंयां; कायसे सरग के नेंचें मान्सन में और कोऊ नाओं नईंयां जीसे मान्स तरन तारन पा सके।

- रोमियों 10:18

परन्त मैं कैत आंव, का उन ने नईं सुनो? सुनो तो जरूर आय कायसे लिखो आय, उन के बोल सबरे संसार में, और उन के बचन जगत के छोर लौ पोंच गए आंय।

- रोमियों 15:16

कि मैं दूसरी जातवारन के लाने मसीह यीशु कौ चाकर होकें परमेसुर के भले सन्देसे की सेवा याजक घांई करों; जीसे दूसरी जातवारन कौ मानो दओ जाबो, पवित्तर आत्मा से पवित्तर बनके अपनाओ जाबे।

- रोमियों 2:7

जौन साजे काम कर के मईमा, और आदर, और अमरता की खोज में आंय, उन हां बो अनन्त जीवन दै है।

- रोमियों 5:5

और आसा से लज्जा नईं होत, कायसे पवित्तर आत्मा जौन हम हां दओ गओ आय, ऊके द्वारा परमेसुर कौ प्रेम हमाए हियन में डालो गओ आय।

- पैली कुरिन्थियों 15:58

सो हे मोरे प्यारे भईया हरौ, पक्के बने रओ, और पिरभु के काम में बढ़त जाओ, कायसे कि जानत आव, कि तुमाई मैनत पिरभु में अकारथ नईंयां।

- पैली कुरिन्थियों 3:5

अपुल्लोस का और पौलुस का आंय? बस चाकर, जिनके द्वारा तुम ने बिसवास करो, जैसो हर एक हां पिरभु ने दओ।

- दूसरी कुरिन्थियों 10:1

मैं ओई पौलुस जौन तुमाए सामूं दीन आंव, अकेले तुमाए पीठ पाछें तुम पै कैबे की हिम्मत करत आंव; कि तुम हां मसीह जैसी दीनता, और सादे मन से समझात आंव।

- दूसरी कुरिन्थियों 11:23

(मैं पगला घांई कैत आंव) मैं उनसे बढ़के आंव! बिलात मैनत करे में; बेर बेर जेहल जाबे में; कोड़ा घले में; बेर बेर मरत मरत बचो।

- दूसरी कुरिन्थियों 3:6

जिन ने हम हां नये नियम के चाकर लाक बनाओ, अक्षरन के चाकर नईं केबल आत्मा के चाकर; कायसे अक्षर तो मारत आय, पे आत्मा जिलात आय।

- दूसरी कुरिन्थियों 4:1

सो जब हम पै ऐसी दया भई, कि ऐसो काज हम हां मिलो, तो हम हिम्मत नईं हारत।

- दूसरी कुरिन्थियों 6:1

हम जौन उनके संग्गै काम करत आंय ऐसो समझात आंय, कि परमेसुर ने जौन दया तुमाए ऊ परै करी आय, ऊहां ऐसई न जानो।

- गलतियों 4:11

मोहां तुमाए लाने जौ भय आय, कि कहूं ऐसो न होबै, जैसी मैनत मैंने तुम में करी, बा बेकार न चली जाबै।

- गलतियों 5:5

कायसे आत्मा के कारन हम बिसवास से, आबेवारी धरम की गैल हेरत आंय।

- गलतियों 5:7

तुम तो बढ़िया दौड़ रय हते, फिन कीने तुम हां बिलोर दओ, कि सांची बातन हां न मानो।

- गलतियों 6:9

भलो करबे में हिम्मत न हारो, कायसे हम ढिलयाए न, तो अपनी बेरा पे कटनी काट हैं।

- इफिसियों 1:18

तुमाई आंखें खुलें कि तुम जानो, कि उनके देखे से तुम हां बड़ी आसा मिली आय, और उनके पवित्तर लोगन में ऊ की जायजाद को मान बड़ो आय।

- इफिसियों 2:21

जी में सबरो घर एक संग्गै मिलके, पिरभू में एक पवित्तर मन्दर बनत जात आय।

- इफिसियों 3:17

और बिसवास करे से मसीह तुमाए हिये में रैबे, कि तुम प्रेम में जड़ पकड़ के और नीं डाल के।

- इफिसियों 4:16

जीसे पूरो सरीर एक एक जोड़ से मिलके, और गसके ऊ तौर पै जाने सबरे जनों हां अलग अलग होत आय, अपने में बढ़त जात आय, कि बो प्रेम में बढ़त चली जाबै।

- कुलुस्सियों 1:25

परमेसुर की मन्सा से मोहां उनकी कलीसिया को काम करबेवारो धरो, और मोहां तुम लौ पठैओ, कि मैं तुम हां उनको पूरो ज्ञान बताओं।

- कुलुस्सियों 2:7

और उन में तुमाई जड़ मजबूत होबे और तुम आगे बढत चलो; और जैसो तुम ने सीखो और समझो आय वैसई बिसवास में पक्के होत जाओ, और मन से पिरभू को धन्न मानो।

- 1 थिस्सलुनीकियों 3:3

कि कोई इन परेसानी से बिसवास में डगमगा न जाबै; कायसे तुम जानत आव, कि हमाओ जौई काज आय।

- 1 थिस्सलुनीकियों 3:5

ऐई से हम से रओ न गओ, और हम ने तुमाई खबर लैबे हां पठैव, कि जब परेसानी आई तो तुम लौट तो नईं गए, कि हमाओ करो कराओ मिट जाबै।

- 1 थिस्सलुनीकियों 5:8

परन्त हम जो उजयारेवारे आंय, सो हम बिसवास और प्रेम धरें, जौन मानो हमाओ बचाबेवारो झिलम आय और तरन तारन की आस, जौन मानो मूड़ ढांकबे की टोपी आय।

- 2 थिस्सलुनीकियों 2:16

और हमाओ पिरभू यीशु मसीह और पिता परमेसुर जीने हम से प्रेम करो, और अपनी दया से ऐसी सान्ति जौन हमेसा रै है और बढ़िया आस दई आय।

- 1 तीमुथियुस 1:12

मैं अपने प्रभु यीशु मसीह को, धन्न मानत आंव जीने मोहां ऐसो बल दओ; कि उन ने मोपै बिसवास करके अपनी सेवा के लाने धरो।

- 1 तीमुथियुस 2:7

मैं सांची कैत आंव, ईमें तनकई झूठ नईयां, कि मैं ऐई के लाने परचारक और प्रेरित बनो, कि यहूदीयन हां छोड़ दूसरी जात वारन के बीच जाई सांची बात बताबेवारो होओं।

- 1 तीमुथियुस 3:16

धरम को भेद बड़ो आय ईको ध्यान धरियो; बो सरीर में होकें संसार में आओ जा बात आत्मा ने बताई, और सरगदूतन ने संसार मैं ईको परचार करो, मान्सन ने ऊ पै बिसवास करो और बो सरग पै उठा लओ गओ।

- तीतुस 3:7

जीसे हम उनकी किरपा सें धरमी भए, और मरे के पाछें जीवन के हक्कदार भए।

- इब्रानियों 10:38

मोरो नाओं लैबेवारो अपने बिसवास से जी है, परन्त जौन पिछल जात आय उन से परमेसुर खुस नईं हुईयें।

- इब्रानियों 3:14

जब से हम ने पिरभू यीशु मसीह से मन लगाओ, उनईं बातन पै बने रओ चईये।

- इब्रानियों 3:6

परन्त यीशु मसीह परमेसुर के घर के मान्सन के ऊ परे आंय, और उनके घर तो हम आंय, हम हां अब लौ पक्के बने रओ चईये।

- इब्रानियों 4:14

हमाओ ऐसो बड़ो महायाजक आय, जौन सरग चलो गओ, बे आंय पिरभू यीशु मसीह; जौन परमेसुर के पुत्तर आंय, सो अपन ने जिन बातन पै चित्त लगाओ आय उन में पक्के होत जाबें।

- इब्रानियों 6:19

ओई आस पे हम कर्रे के बिसवास धरें आय, कायसे बा आस अबै मानो परदा के पांछे होबे।

- 1 पतरस 1:3

हमाए पिरभु यीशु मसीह के परमेसुर और बाप कौ धन्नबाद होबै, जीने यीशु मसीह के मरे भयन में से जी उठबे के द्वारा, अपनी बड़ी किरपा से हम हां जीयत आसा के लाने नओ जनम दओ।

- 1 पतरस 1:5

जी की रक्षा परमेसुर की सकती से, बिसवास से ऊ तारण के लाने, जौन आबेवारे टैम में उजागर होबेवारी आय, करी जात आय।

- 1 यूहन्‍ना 2:27

जैसे उन ने तुम हां अपनाओ, और जिन में तुम बने आव; सो अब कोई हां तुम हां और नईं चिताने, कायसे बे तो आपऊ तुम हां सबरी बातें बतात आंय; कोऊ सांचो आय लबरा नईंयां, सो जौन बातें उन ने बताई उन हां मानो।

- यूहन्‍ना के दरसन कौ खुलासा 2:10

जौन दुख तोहां झेलबे पड़ हैं, उन से न डरा: कायसे शैतान छलिया तुम में से कछु लोगन हां जेहल में डलवा है कि तुमाओ बिसवास परखो जाबै; और तुम हां दस दिना लौ दुख उठाने पड़ है: मरबे लौ बिसवास धर; तो मैं तुम हां सरग को जीवन दै हों।