- प्रेरितन के काम 8:25 - Bundeli Holy Bible

²⁵ पतरस और यूहन्ना गवाई देके और पिरभु कौ बचन सुना के यरूशलेम हां वापस लौट गए, बे औरें लौटती बेरा, सामरियन के केऊ गांवन में भलो सन्देसो सुनात गए।

- प्रेरितन के काम 8:25 ပူးပေါင်းရင်းမြစ်များ

- मत्ती 10:5

इन बारह हां यीशु ने जौ हुकुम दैके पठैव कि अन्यजातियन के ऐंगर न जईयो, और न सामरियन के नगर में पिड़ियो।

- लूका 16:28

कायसे मोरे पांच भईया आंय, बो इन बातन की गवाई उन के सामूं देबे, ऐसो न होय कि बे सोई ई पीड़ा की जांगा में आएं।

- यूहन्‍ना 15:27

और तुम भी गवाही आव कायसे तुम शुरू से मोरे संग्गै रए आव।

- प्रेरितन के काम 1:8

पर जब पवित्तर आत्मा तुम पे आ है तब तुम बल पा हौ; और यरूशलेम और सबरे यहूदिया और सामरिया में, और धरती के छोर लौ मोरे गवाह हुईयो।

- प्रेरितन के काम 13:12

तब राज्यपाल ने ई घटना हां देख के और प्रभु के बोल हां सुनके अचरज करके भरोसा करो।

- प्रेरितन के काम 18:5

पर जब सीलास और तीमुथियुस मकिदुनिया से आए, तो पौलुस बचन सुनाबे की धुन में लग के यहूदियन के आंगू गवाही देन लगो, कि यीशु ही मसीह आय।

- प्रेरितन के काम 20:21

मैं यहूदी और यूनानी दोई हां कड़ाई से गवाही देत रओ, की परमेसुर की कोद मन फिराव, और प्रभु यीशु मसीह पे भरोसा करो।

- प्रेरितन के काम 28:23

तब ऊके लाने एक दिना ठहराओ गओ, और बिलात जनें ऊ की रहबे की जांगा पे आए, ऊ ने परमेसुर के राज्य के बारे में सोचत भए, गवाही देके उनहां समझाओ, और भुनसारे से संजा लौ मूसा की रीति और आगमवक्तन की पोथियन से यीशु के बारे में उनहां समझाबे की कोसिस करत रहो।

- प्रेरितन के काम 28:28

ई लाने तुम जान लईयो, की परमेसुर कौ जौ उद्धार अन्यजातियन के ऐंगर पठैव गओ आय, और बे सुन हैं।

- प्रेरितन के काम 28:31

और जौन ऊके ऐंगर आत हते, उन सब कौ सत्कार करत हतो और बिना डराए परमेसुर के राज्य कौ परचार करत, और प्रभु यीशु मसीह के बारे में सीख देत हतो।

- प्रेरितन के काम 8:40

फिलिप्पुस अशदोद नगर में आ कड़ो, जब लौ बो कैसरिया नगर में न पोंचो, तब लौ नगर नगर सन्देसो सुनात रओ।

- 1 पतरस 5:12

मैं ने सिलवानुस के हाथ, जिये मैं बिसवास जोग भाई मानत आंव, तनक में लिख के तुम हां समजाओ आय और जा गवाय दई आय, कि परमेसुर की सांची दया जाई आय, ऐई में पक्के बने रओ।