- प्रेरितन के काम 7:10 - Bundeli Holy Bible

¹⁰ और ऊहां ऊ की सबरी परेसानियों से छुड़ा के मिसर के राजा फिरौन के आंगू दया और बुद्धि से भर दओ, और ऊ ने ऊहां मिसर पे और अपने घर पर अधकारी ठैराओ।

- प्रेरितन के काम 7:10 ပူးပေါင်းရင်းမြစ်များ

- उत्पत्ति 39:21

परन्‍त यहोवा परमेसुर यूसुफ के संगै-संगै रओ और ऊपै दया करी, और जेलखाने के दरोगा की किरपादृस्‍टि ऊपै भई।

- उत्पत्ति 42:6

यूसुफ तौ मिस्र देस कौ परधान अधकारी हतो, और ऊ देस के सबरे मान्‍सन के हाथ ओई अन्‍न बेंचत हतो; ई लाने जब यूसुफ के भईया आए तब जमीन पै मों के बल गिरकें ऊहों दंडवत करो।

- उत्पत्ति 44:18

तब यहूदा, यूसुफ के लिगां जाकें कैन लगो, “हे मोरे पिरभु, तोरे दास हों पिरभु सें एक बात कैबे कौ हुकम होए, और तोरो गुस्‍सा तोरे दास पै नें भड़के; कायसे तें तौ राजा फिरौन के बरोबर आय।

- उत्पत्ति 48:16

और ओई दूत मोहों सबरी बुराई सें छुड़ात आओ आय, ओई अब इन मोंड़ों हों आसीस दे; और जे मोरे और मोरे बाप-दादा अब्राहम और इसहाक के कैलाएं; और पृथ्‍वी में बिलात बढ़ें।”

- 2 तीमुथियुस 4:18

मोहां भरोसा आय कि प्रभु मोहां बुरई बातन से बचा है, और मोरो तरन तारन करके मोहां अपने सरग धाम में लै जै है: उनईं की जय होबै। आमीन।

- याकूब 5:11

तको, हम धीरज धरबेवारन हां धन्न कैत आंय; तुम ने अय्यूब के धीरज के बारे में तो सुनो आय, और पिरभु कुदाऊं से ऊहां फल मिलो बो सोई जान गए आव, जीसे हम जानत आंय कि पिरभु कितेक दयावारो है जौ पता पड़त आय।

- यूहन्‍ना के दरसन कौ खुलासा 7:14

मैंने उन से कई; हे मालक, तुम तो जानत आव: ऊ ने मोसे कई; कि जे बे आंय, जो ऊ बड़े दुख उठा के निकले आंय; और इन ने अपने उन्ना मेमने के रकत से धोके उजरे करे आंय।