- प्रेरितन के काम 6:7 - Bundeli Holy Bible

⁷ और परमेसुर कौ बचन फैलत गओ और यरूशलेम में चेलन की गिनती बिलात बढ़त गई; और याजकों कौ एक बड़ो समाज ई मत कौ मानबेवारो हो गओ।

- प्रेरितन के काम 6:7 ပူးပေါင်းရင်းမြစ်များ

- मत्ती 19:30

पर जौन पेंला आंय, पाछें हुईंयें; और जौन पाछें आंय बे पेंला हुईंयें।

- लूका 2:34

तब शमौन ने ऊहां आशीष देके, ऊ की मताई मरियम से कई; तक, बो तो इस्राएल में बिलात जनन के गिरबे, और उठबे के लाने, और एक ऐसो चिन्ह होबे हां ठैराओ गओ आय, जी के बिरोद में बातें कई जै हैं।

- यूहन्‍ना 12:42

फिन भी हाकिमन में से बिलात ने ऊ पे भरोसा करो, परन्त फरीसियन के डर से बे ऊ की नईं मान रए हते, कहूं ऐसो न होय कि बे प्रार्थना घरन से काड़े जाबें।

- प्रेरितन के काम 12:24

पर परमेसुर कौ बोल बढ़त और फैलत गओ।

- प्रेरितन के काम 13:8

पर इलीमास जादूगर ने, ऊके नाओं कौ जौई मतलब आय, उन कौ विरोध करके, राज्यपाल हां भरोसा करबे से बहकाबे की कोसिस करीे।

- प्रेरितन के काम 14:22

और चेलन के मन पक्को करत रए कि पक्के बने राबें, जौ कह के हिम्मत बंधात रए; हम हां बिलात दुख पीड़ा उठाके परमेसुर के राज में जाने आय।

- प्रेरितन के काम 19:20

ई तरहां प्रभु कौ बचन बल के संग्गै फैलत और बली होत गओ।

- प्रेरितन के काम 2:47

और परमेसुर की भक्ति करत हते, और सब जने उन से खुस हते: और जो उद्धार पात हते, उनको प्रभु रोजीना उन में मिला देत हतो।

- प्रेरितन के काम 21:20

जौ सुनके उन ने परमेसुर की बढ़वाई करी, और कई; भईया तें तो हेरत आय, की यहूदियन में हजारन आंय, जिन ने भरोसा करो आय; बे सब रीतियन के लाने उमंग से भरे आंय।

- प्रेरितन के काम 6:1

उन दिना में जब चेलन की गिनती कुल्ल बढ़न लगी, तब यूनानी भाषा बोलबेवारे इब्रानी भाषा बोलबेवारन पे कुड़कुड़ऊन लगे, कि रोज रोज की सेवकाई में हमाई बिधवाओं की सुधि नईं लई जात।

- रोमियों 1:5

ओई से हम हां दया और भले सन्देस प्रचार करबे मिलो; कि ऊके नाओं से सबरी जातन के मान्स बिसवास कर के ऊ की मानें।

- रोमियों 16:26

परन्त अब उजागर होकें जुग जुग जीबेवारे परमेसुर के हुकम से अगमवकतन की पोथियन से सबरी जातन हां बताओ गओ आय, कि बे बिसवास करके हुकम मानबेवारे हो जाबें।

- गलतियों 1:23

अकेले जौ सुनत हतीं, कि जौन पेंला हम हां सतात हतो, अब ओई धरम कौ बचन सुनात आय, जीहां पेंला नास करत हतो।

- गलतियों 6:10

ईसे जां तक मौका मिलै हम सबरन के संग्गै भलो करें, मानके भईयन के संग्गै।

- कुलुस्सियों 1:6

जौन सुसमाचार तुम ने सुनो और जीहां संसार के मान्सन ने मानो, और ऊ पै चित्त लगाओ मानो कि जी दिना से तुम ने ऊ सुसमाचार हां सुनो, और पूरे मन से बिसवास करो, और परमेसुर की दया जौन उन ने करी ऊहां चीनो आय, और ऊहां मन में बसाओ आय।

- 2 थिस्सलुनीकियों 1:8

और जौन जनें परमेसुर हां नईं चीनत, और पिरभू यीशु मसीह की बातें नईं मानत उन से बदला लै है।

- 2 तीमुथियुस 2:9

उनईं बातन पै मैं बुरय मान्सन जैसो दुख उठा रओ आंव, इते लौ कि जेहल में आंव; परन्त परमेसुर कौ बचन खुलो आय।

- इब्रानियों 11:8

बिसवास से इब्राहीम हां जब परमेसुर ने टेरो तो ऊ जांगा निकल गओ जौन ऊहां मिलबेवारी हती, बो जौ न जानत हतो, कि बा कैसी जांगा आय; परन्त चलो गओ।

- इब्रानियों 5:9

और सबरे दुख हां सह के, अपने सबरे मानबेवारन को तरन तारन करो।

- यहूदा 1:20

प्यारे भईया हरौ, तुम ने जौन बिसवास धरो आय ऊ में पक्के बनो और मन से बिन्तवारी करत रओ।

- यहूदा 1:3

प्यारे जनो, मैंने जब तुम हां मुक्ति जौन हम सबन हां मिली ईके बारे में खुलके लिखो, तो मैंने सोची के जिन बातन पै तुमने बिसवास करो आय खुल के लिखो, कि तुम ऊ बिसवास की बातन हां मानो।