- प्रेरितन के काम 5:2 - Bundeli Holy Bible

² और ऊके दाम में से कछु रख लओ; और जा बात ऊ की औरत सोई जानत हती, और ऊकौ एक हींसा प्रेरितन के गोड़न के आंगू धर दओ।

- प्रेरितन के काम 5:2 ပူးပေါင်းရင်းမြစ်များ

- मत्ती 23:5

बे अपने सब काम मान्सन हां दिखाबे के लाने करत आंय: बे अपने ताबीजन हां चौंड़ो करत, और अपने उन्ना की कोरे लम्बी करत आंय।

- यूहन्‍ना 12:6

ऊ ने जा ई लाने नईं कई, कि ऊहां कंगालन की चिन्ता हती, परन्त ई लाने कि बो भड़या हतो और ऊके ऐंगर रुपईयन कौ थैला रैत हतो, और जौन कछु ऊ में डालो जात हतो, बो ऊहां निकाल लेत हतो।

- प्रेरितन के काम 2:44

और बे सब बिसवास करबेवाले संग्गै रहत हते, और उन की सब बस्तें सोंजयाई की हतीं।

- प्रेरितन के काम 4:37

ऊ लौ कछु भूमि हती, जीहां ऊ ने बेचो, और दाम के रुपैया लाके प्रेरितन के गोड़न पे धर दए।

- प्रेरितन के काम 5:1

हनन्याह नाओं को एक मान्स, और ऊ की औरत सफीरा ने कछु भूमि बेची।

- प्रेरितन के काम 5:3

पतरस ने कओ; हे हनन्याह! शैतान छलिया ने तोरे हिए में जा बात काय डाली, कि तें पवित्तर आत्मा से लाबरी काबे, और भूमि के दाम में से कछु रख लैबे।

- प्रेरितन के काम 5:8

तब पतरस ने ऊसे कओ; मोय बता का तुम ने बा भूमि इत्तेई में बेंची हती? ऊ ने उत्तर दओ; हओ इत्तेई में।

- फिलिप्पियों 2:3

अपनी बड़वाई के लाने और कोई के बिरोध में कछु न करो परन्त दूसरन हां अपने से अच्छो सोचो।

- 1 तीमुथियुस 6:10

कायसे रुपईया कौ लोभ सब परकार की बुराईयन की जड़ आय, जीहां पाबे की कोसिस करत भए कितेक जनें बिसवास की गैल से भटक के अपने आप हां बिलात परकार के दुखों से छलनी कर लओ आय।