- प्रेरितन के काम 3:16 - Bundeli Holy Bible

¹⁶ और ओई के नाओं से, ऊ बिसवास के द्वारा जौन ऊके नाओं पे आय, ई मान्स हां जीहां तुम तकत आव और चीनत सोई आव, बल सक्ति दई आय; ओई बिसवास ने जौन ऊके द्वारा आय, ईहां तुम सबरन के सामूं पूरो पूरो साजो भलो कर दओ आय।

- प्रेरितन के काम 3:16 ပူးပေါင်းရင်းမြစ်များ

- मत्ती 14:29

यीशु ने कई, आ: तब पतरस नाव पे से उतर के पानू पे निगत भओ यीशु की कोद बढ़ो।

- मत्ती 9:22

यीशु ने मुड़के पाछें ऊहां हेरो, और कई; बिटिया हिम्मत धर; तोरे भरोसे ने तोय साजो कर दओ आय; बा बईयर ओई घड़ी साजी हो गई।

- यूहन्‍ना 14:12

मैं तुम से सांची सांची कहत आंव, कि जौन मोय में भरोसा करत आय, बे काज जौन मैं करत आंव बो भी कर है, और ईसे भी बड़े काज कर है, कायसे मैं बाप के ऐंगर जात आंव।

- यूहन्‍ना 7:23

ई लाने सब्त के दिना मान्स कौ खतना करो जात आय, कि मूसा की रीत कौ उलंघन न होबै, ई लाने मैंने सब्त के दिना एक मान्स हां साजो कर दओ, तुम मोपै काय खुनसियात हौ?

- प्रेरितन के काम 14:9

बो पौलुस हां बतकाव करत सुन रओ हतो, पौलुस ने ऊ की कोद घूर के हेरो और जौ जान के कि ऊहां साजो हो जाबे कौ भरोसा आय।

- प्रेरितन के काम 16:18

बो बिलात दिना लौ ऐंसई करत रई, पर पौलुस बिलात गुस्‍सा भओ, और ऊ ने मुड़के ऊ आत्मा से कई, मैं तोय यीशु मसीह के नाओं से हुकम देत आंव, की ऊ में से कड़ जा और बो ओई बेरा ऊ में से कड़ गई।

- प्रेरितन के काम 3:6

तब पतरस ने कओ, चांदी और सोना तो मोरे लौ नईंयां; पर जौन कछु मोरे ऐंगर आय, बो तोय देत आंव: यीशु मसीह नासरी के नाओं से चल फिर।

- प्रेरितन के काम 3:8

ऊ उठ के ठांड़ो हो गओ, और निंगन फिरन लगो और निंगत; और कू दत और परमेसुर की बड़ाई करत भओ उन के संग्गै मन्दर में गओ।

- प्रेरितन के काम 4:10

तो तुम सब और सारे इस्राएली जान लें कि यीशु मसीह नासरी के नाओं से जीहां तुम ने क्रूस पे चढाओ, और परमेसुर ने मरे भयन में से जिलाओ, जौ मान्स तुमाए सामूं भलो चंगो ठांड़ो आय।

- प्रेरितन के काम 4:30

साजो करबे के लाने तें अपने हाथ हां बढ़ा; कि चिन्ह और अद्भुत काम तोरे पवित्र चाकर यीशु के नाओं से करे जाबें।

- प्रेरितन के काम 4:7

बे उन हां महापंचयात के बीच ठांड़ो कर के पूछन लगे, कि तुम ने जौ काम की सामर्थ से और की नाओं से करो आय?

- रोमियों 3:22

जाने के परमेसुर की बो धार्मिकता, जौन यीशु मसीह पे बिसवास करबे से सबरे बिसवास करबेवारन के लाने आय; बात पूरी उजागर आय लुकी छिपी नईंयां।

- पैली कुरिन्थियों 13:2

और जदि मैं अगमवानी कर सकों, और सब भेदों और ज्ञान को समजों, और मोय इते लौ पक्को बिसवास होबे, कि मैं पहारवन हां हटा देओं, परन्त प्रेम न धरों, तो मैं कछु लौ नईंयां।