- प्रेरितन के काम 3:14 - Bundeli Holy Bible

¹⁴ तुम ने ऊ पवित्तर और धरमी हां नकार दओ, और बिन्तवाई करी, कि एक हत्यारे हां तुमाए लाने छोड़ दओ जाबै।

- प्रेरितन के काम 3:14 ပူးပေါင်းရင်းမြစ်များ

- मत्ती 27:20

मगर महायाजकन और पुरनियन ने भीड़ हां भड़काओ, कि बे बरअब्बा हां छोड़बे और यीशु हां मार डारबे की मांग करें।

- मरकुस 1:24

ऊ ने चिल्ला के कओ, हे यीशु नासरी, हमें तोय से का काम? काय तें हमें नास करबे आओ आय? मैं तोहां जानत आंव, तें को आय? परमेसुर कौ शुद्ध मान्स!

- मरकुस 15:11

लेकिन बड़े पुजारियन ने लोगन हां उसकाओ, कि ऊ बरअब्बा हां उनके लाने छोड़ दे।

- मरकुस 15:7

और बरअब्बा नाओं कौ एक मान्स उन दंगा मचाबे वालन के संग्गै बंधुआ हतो, जिन ने दंगा में हत्या करी हती।

- लूका 1:35

सरगदूत ने ऊसे कई; पवित्तर आत्मा तोपे उतर है, और परमप्रधान की बल सक्ति तोपे छाया कर है, ई लाने बो पवित्तर जौन जन्म लेबेवालो आय, परमेसुर कौ पूत कहा है।

- लूका 23:25

पीलातुस ने ऊ मान्स हां जौन हुड़दंग और हत्या के काजें जेहल में डालो गओ हतो, और जिए बे चाहत हते, छोड़ दओ; और मान्सन की मनसा अनसार क्रूस पर टांगे जाबे के लाने यीशु हां सौंप दओ।

- यूहन्‍ना 16:10

धर्म के बारे में ई लाने कि मैं बाप के ऐंगर जात आंव।

- यूहन्‍ना 18:40

तब उन ने फिन चिल्या के कई, ई मान्स हां नईं परन्त हमाए लाने बरअब्बा हां छोड़ दे; और बरअब्बा एक डाकू हतो।

- प्रेरितन के काम 13:28

कायसे उन के ऐंगर ऊहां मार डालबे के लाने कोऊ पक्को सबूत नईं हतो, फिन भी उन ने पीलातुस से मांग करी, कि बो मार डालो जाबै।

- प्रेरितन के काम 2:27

कायसे तें मोरे प्रानन हां अधोलोक में न छोड़ है; और न अपने पवित्तर जन हां सड़ने दै है।

- प्रेरितन के काम 22:14

और ऊ ने कई; हमाए पुरखन के परमेसुर ने तोय ई लाने ठहराओ आय, की तें ऊ की मनसा हां जाने, ऊ धर्मी हां हेरे, और ऊके मों से बतकाव सुने।

- प्रेरितन के काम 4:27

कायसे कि सांची में तोरे चाकर यीशु के विरोद में, जौन को तेंने अभिषेक करो, हेरोदेस और पुन्तियुस पिलातुस सोई दूसरी जातवारन और इस्राएलियन के संग्गै ई नगर में जुड़े।

- प्रेरितन के काम 5:28

का हम ने तुम हां हटक के हुकम न दओ हतो, कि तुम ई नाओं से परचार न करियो? पर तको, तुम ने सबरे यरूशलेम हां अपने सन्देसे से भर दओ आए और ऊ जने कौ रकत हमाई घींच पे लाओ चाहत आव।

- प्रेरितन के काम 7:52

अगमवकतन में से कीहां तुमाए बाप दादन ने नईं सताओ, उन ने ऊ धर्मी के आबे कौ सन्देसो देबेवारन हां मार डालो, और अब तुम सोई ऊके पकड़बेवारे और मार डालबेवारे भए।

- दूसरी कुरिन्थियों 5:21

जौन पाप जानत लौ न हते, उनईं के ऊ परै उन ने हमाए पाप डाल दए, कि उन से हम सबरे जनें परमेसुर के लाने धरमी हो जाबें।

- याकूब 5:6

तुम ने सांचे हां पापी ठैरा के मार डालो; और बो तुमाओ सामना नईं करत।

- 1 पतरस 3:18

ई लाने कि मसीह ने सोई, जाने कि अधरमी जन के लाने धरमी ने पापन के काजें एक बेर पीड़ा भोगी, जीसे हम हां परमेसुर के ऐंगर पोंचाबें: बो देयां के लेखे से मार डालो गओ, पर आत्मा के लेखे से जिलाओ गओ।

- 1 यूहन्‍ना 2:1

हे मोरे लड़को, मैंने जे बातें तुम हां ईसे लिखी आंय, कि तुम ठैकें पाप न करो; और तुम से कछु पाप हो जाबै, तो ध्यान धरो कि परमेसुर लौ हमाओ एक ध्यान धरबेवारो यीशु मसीह आय।

- यूहन्‍ना के दरसन कौ खुलासा 3:7

और फिलेदिलफिया की मण्डली के दूत हां ऐसो लिखो, कि, जो पवित्तर और सांचो आय, और जौन दाऊद की कुंजी धरत आय, जीके खोले भय हां कोऊ बन्द नईं कर सकत और बन्द हां खोल नईं सकत, बो ऐसो कैत आय।