- प्रेरितन के काम 3:13 - Bundeli Holy Bible

¹³ इब्राहीम और इसहाक और याकूब के परमेसुर, हमाए पुरखन के परमेसुर ने अपने सेवक यीशु की मईमा करी, जीहां तुम ने पकड़वा दओ, और जब पीलातुस ने ऊहां छोड़ देबे कौ विचार करो, तब तुम ने ऊके सामूं ऊकौ इन्कार कर दओ।

- प्रेरितन के काम 3:13 ပူးပေါင်းရင်းမြစ်များ

- मत्ती 11:27

मोरे बाप ने मोय सब कछु सौंपो आय, और अकेले पूत हां कोऊ नईं चीनत, अकेले बाप; और कोऊ बाप हां नईं चीनत, अकेले पूत; यानि ओई जीए पूत ऊहां दरसाओ चाहत आय।

- मत्ती 20:19

बे ऊहां गैर जातन के हाथन में सौंप हैं, और ऊको ठठ्ठा उड़ा हैं, कोड़ा मार हैं, और ऊहां क्रूस पे चढ़ा हैं और तीसरे दिना बो जी जै है।

- मत्ती 22:32

कि मैं इब्राहीम कौ परमेसुर, और इसहाक कौ परमेसुर, और याकूब कौ परमेसुर आंव? बो तो मरे भयन कौ नईं, परन्त जियत वारन कौ परमेसुर आय।

- मत्ती 27:2

फिन उन ने ऊहां बांधो और लै जाके राज्यपाल पिलातुस के हाथन में सौंप दओ।

- मत्ती 28:18

तब यीशु ने उन के ऐंगर आके कई, कि सरग और धरती कौ पूरो अधकार मोय दओ गओ आय।

- मरकुस 15:11

लेकिन बड़े पुजारियन ने लोगन हां उसकाओ, कि ऊ बरअब्बा हां उनके लाने छोड़ दे।

- लूका 22:57

पर पतरस ने जौ कै कें मैट दओ, कि हे बईयर, मैं ऊहां नईं जानत।

- लूका 23:4

तब पीलातुस ने महायाजकन और मान्सन से कओ, मैं ई मान्स में कछु दोष नईं पात आंव।

- लूका 6:37

लांछन न लगाओ; तो तुम पे सोई लांछन न लगाओ जै है: अपराधी न ठैराओ, तो तुम सोई अपराधी न ठैराए जै हौ: छिमा करो, तो तुम हां सोई छिमा करो जै है।

- यूहन्‍ना 12:16

ऊके चेले, पेंला तो जे बातें नईं जाने; परन्त यीशु के महिमामय होबे के पाछें, उन हां खबर आई, कि जे बातें ऊके बारे में लिखीं भईं हतीं; और लोग ने ऊके संग्गै ऐसो ही व्यवहार करो हतो।

- यूहन्‍ना 18:40

तब उन ने फिन चिल्या के कई, ई मान्स हां नईं परन्त हमाए लाने बरअब्बा हां छोड़ दे; और बरअब्बा एक डाकू हतो।

- यूहन्‍ना 19:11

यीशु ने कई, अगर तोय ऊ परै से नईं दओ जातो, तो तोरो मोय पे कोऊ हक नईं होतो; ई लाने जीने मोय तोरे हाथन सौंपो आय, ऊ को पाप बिलात आय।

- यूहन्‍ना 19:12

ईसे पीलातुस ने ऊहां छोड़ देबे की कोसिस करी, पर यहूदियन ने चिल्ला चिल्ला के कई, जदि तें ई मान्स हां छोड़ दै है तो तें कैसर के राज्य कौ भक्त नईंया; जो कोई अपने हां राजा कैत आय बो कैसर कौ सामना करत आय।

- यूहन्‍ना 19:15

ईपे बे चिल्या के बोले ले जा! ले जा! ईहां क्रूस पे चढ़ाओ: पीलातुस ने उन से कई, का मैं तुमाए राजा हां क्रूस पे चढ़ाओं? महापुरोहितन ने ऊसे कई, कैसर हां छोड़ हमाओ कोऊ राजा नईंयां।

- यूहन्‍ना 7:39

ऊ ने पवित्र आत्मा के बारे में कई, जीहां ऊ पे भरोसा करबेवाले पाबे पे हते; कायसे पवित्र आत्मा अबै लौ नईं उतरो हतो, कायसे यीशु अबै लौ महिमा में नईं पहुंचो हतो।

- प्रेरितन के काम 22:14

और ऊ ने कई; हमाए पुरखन के परमेसुर ने तोय ई लाने ठहराओ आय, की तें ऊ की मनसा हां जाने, ऊ धर्मी हां हेरे, और ऊके मों से बतकाव सुने।

- प्रेरितन के काम 24:14

पर मैं तोरे आंगू जौ मान लेत आंव, की जी चाल हां जे बुरई चाल कहत आंय, ओई के अनसार मैं अपने पुरखन के परमेसुर कौ काज करत आंव: और जौन बातें रीत के अनसार आंय मानत हों, और जौन कछु आगमवक्तन के शास्त्रन में लिखी आंय, उन सब हां मानत हों।

- प्रेरितन के काम 3:12

जौ तक के पतरस ने मान्सन से कओ; हे इस्राएलियो, तुम ई मान्स पे काय चकित होत आव, और हमाई कोद ई भांत काय तक रय आव, कि मानो हमईं ने अपने बल या भक्ति से ईहां निंगबे जोग बना दओ आय।

- प्रेरितन के काम 3:26

परमेसुर ने अपने चाकर हां उठाके पेंला तुमाए ऐंगर पठैओ, कि तुम में से हर एक हां ऊ की बुराईयन से फेर के आसीस देबे।

- प्रेरितन के काम 4:27

कायसे कि सांची में तोरे चाकर यीशु के विरोद में, जौन को तेंने अभिषेक करो, हेरोदेस और पुन्तियुस पिलातुस सोई दूसरी जातवारन और इस्राएलियन के संग्गै ई नगर में जुड़े।

- प्रेरितन के काम 4:30

साजो करबे के लाने तें अपने हाथ हां बढ़ा; कि चिन्ह और अद्भुत काम तोरे पवित्र चाकर यीशु के नाओं से करे जाबें।

- प्रेरितन के काम 7:32

मैं तोरे बापदादों, इब्राहीम, इसहाक और याकूब कौ परमेसुर आंव: तब तो मूसा कांप उठो, इते लौ कि उए तकबे की हिम्मत न रई।

- रोमियों 9:5

पुरखा सोई उन में से आंय, और मसीह सोई आदम रूप में उन में से भओ, सब के ऊ परै परम परमेसुर जुग जुग धन्न होबै। आमीन।

- इब्रानियों 2:9

यीशु मसीह हां सरगदूतन के तनकई कम करो गओ हतो, पर मृत्यु कौ दुख उठाबे के कारन मइमा और आदर कौ मुकुट पहने देखत आंय; परन्त परमेसुर की दया से हरएक मान्स के लाने मौत कौ स्वाद चीखे।

- यूहन्‍ना के दरसन कौ खुलासा 1:18

मैं मर गओ हतो, और अब हेर; मैं जुगजुग लौ जीयत आंव; और मृत्यु और अधोलोक जिते मरे भय रैत आंय ऊ की कुंजी मोरे ऐंगर आंय।

- यूहन्‍ना के दरसन कौ खुलासा 1:5

और यीशु मसीह की कोद से, जौन सच्चे गवाह और मरे भयन में से जी जाबेवाले में पहलौठा, और संसार के राजन के स्वामी आंय, तुम हां सान्ति और दया मिलत रए: जो हम से प्रेम रखत आय, और जीने अपने खून के द्वारा हम हां पापन से छुड़ाओ आय।