- प्रेरितन के काम 28:2 - Bundeli Holy Bible

² उतईं के आदिवासियन ने हम पे बड़ी दया करी; बरसा होबे से जाड़ो पड़न लगो हतो, ई लाने उन ने आगी बार के हम सब कौ सत्कार करो।

- प्रेरितन के काम 28:2 ပူးပေါင်းရင်းမြစ်များ

- मत्ती 10:42

जौन कोऊ इन हल्कन में से एक हां चेला जानके ठंड़ो पानू पीबे हां दै है, मैं तुम से सांची कैत आंव, कि बो अपनो जस कभऊं नईं खो है।

- यूहन्‍ना 18:18

उतईं पे चाकर और सिपाही कोयला की सिगड़ी बारके ठांड़े ताप रए हते, कायसे जाड़ो हतो और पतरस भी उन के संग्गै ठांड़ो ताप रओ हतो।

- प्रेरितन के काम 27:3

दूसरे दिना हम सैदा में उतर गए, और यूलियुस ने दया करके पौलुस हां ऊके संगियन के इते जान दओ की सत्कार पाए।

- प्रेरितन के काम 28:3

जब पौलुस ने लकड़ियों कौ गट्ठा जमा करके आगी पे धरो, तो आंच पाके एक सांप कड़ो और ऊके हाथ से लिपड़ गओ।

- प्रेरितन के काम 28:4

जब आदिवासियन ने सांप हां ऊके हाथ में लटके भओ तको, तो एक दूसरे से कैन लगे; सही में जौ मान्स हत्यारो आय, जौ समुन्दर से बच गओ, फिन भी न्याव ने ईहां जीयत रहन नईं दओ।

- रोमियों 1:14

मैं यूनानियों और दूसरी भाषावारन कौ और समजदार और जौन समझत नईंयां उनकौ करजदार आंव।

- रोमियों 14:1

जौन बिसवास में कमजोर होबै, उन हां अपनी संगत में ले लेओ; परन्त उन के सक सन्देह पर बतकाओ के लाने नईं।

- रोमियों 14:3

और खाबेवारो न खाबेवारे हां नीचो न जाने, और जौन नईं खात आय बो खाबेवारे पे दोस न लगाबै, कायसे परमेसुर ने ऊ ए अपना लओ आय।

- रोमियों 2:27

और जौन मान्स जाति के कारन बिन खतना के रओ, जदि बो नैम व्यवस्था हां पूरो करै, तो का तोय जौन लिखित नैम व्यवस्था आय और खतना करे जाबे पे लौ नैम व्यवस्था हां नई मानत आय, तोहां दोसी न ठैरा है?

- पैली कुरिन्थियों 14:11

ई लाने जदि मैं कोऊ भाषा कौ मतलब न समझों, तो बोलबेवारे की समज में मैं परदेसी ठैर हों; और बोलबेवारो मोरी समज में परदेसी ठैर है।

- दूसरी कुरिन्थियों 11:27

मैनत करत दुख में; बेर बेर जागत रैबे में; भूखे पियासे में; बेर बेर उपासे रैबे में; जड़कारे में; खुले में रैबे में।

- कुलुस्सियों 3:11

उन में कोई यूनानी, यहूदी, खतना करो और बिना खतना करो, और न जंगल में रैबेवारो, स्कूती, न बन्धुआ मजूर, और न छूटो मान्स न्यारे नईंयां, कायसे यीशु मसीह सब के लाने आय और सबरन के हिये में रैत आंय।

- इब्रानियों 13:2

कोऊ बाहर से आबै तो अपने घर में रोटी खिलाईयो, कायसे ऐसो करके कछु जन ने बिना जाने सरगदूतन हां खिलाओ आय।