- प्रेरितन के काम 27:23 - Bundeli Holy Bible

²³ कायसे परमेसुर जीको मैं आंव, और जीको काज करत आंव, ऊ को एक सरगदूत आज रात मोरे ऐंगर आके ठांड़ो भओ।

- प्रेरितन के काम 27:23 ပူးပေါင်းရင်းမြစ်များ

- यूहन्‍ना 12:26

जदि कोऊ मोरी सेवा करबो चाहे, तो मोरे पाछें चलै; और जिते मैं आंव, उते मोरो सेवक भी हुईये; अगर कोऊ मोरी सेवा कर है, तो बाप ऊ को मान कर है।

- प्रेरितन के काम 12:23

ओई बेरा प्रभु के एक दूत ने ऊहां मारो, कायसे ऊ ने परमेसुर हां महिमा नईं दई, ऊके सरीर में कीड़ा पड़ गए और ऊ ने दम तोड़ दओ।

- प्रेरितन के काम 16:17

बो पौलुस और हमाए पाछें आके बेर बेर चिलाऊन लगी, जे मान्स परमप्रधान परमेसुर के भक्त आंय, जौन तुम हां उद्धार की गैल कौ सन्देस सुनात आंय।

- प्रेरितन के काम 18:9

रात में प्रभु ने दर्शन में पौलुस से कई, मत डरा, परचार करत जा, और सान्त न रहिए।

- प्रेरितन के काम 23:11

पर ओई रात प्रभु ने ऊके ऐंगर ठांड़े होकें कई; हिम्मत धर; कायसे जैसे तेंने यरूशलेम में हिम्मत से मोरी गवाही दई आय, ओई तरहां तोय रोम में भी गवाही देने पर है।

- प्रेरितन के काम 5:19

और रात को पिरभु के एक सरगदूत ने कैदखाने के दोरे खोल के उन हां बायरें लाके कओ।

- प्रेरितन के काम 8:26

पिरभु के एक सरगदूत ने फिलिप्पुस से कओ; उठ और दक्खिन कोद ऊ गैल पे जा, जौन यरूशलेम से अज्जाह हां जात आय, और जौन जंगल में आय।

- रोमियों 1:1

पौलुस कुदाऊं से जौन यीशु मसीह कौ चाकर आय, और प्रेरित होबे हां बुलाओ गओ, और परमेसुर के ऊ भले सन्देसे के परचार के लाने नबेरो गओ आय।

- रोमियों 1:9

परमेसुर जी की सेवा मैं अपने मन से ऊके पुत्र के भले सन्देसे के लाने करत आंव, ओई मोरो गवाह आय; कि मैं तुम हां लगातार याद करत रैत आंव।

- रोमियों 6:22

कायसे ऊकौ दूसरो छोर तो मौत आय, परन्त अब पाप से स्वतन्त्र होकें और परमेसुर के चाकर बन के तुम हां फल मिलो जीसे पवित्रता मिलत आय, और ऊके दूसरे छोर पै अनन्त जीवन आय।

- पैली कुरिन्थियों 6:20

कायसे टका देके खरीद लए गए आव, ई लाने अपनी देयां से परमेसुर की बड़वाई करो।

- 2 तीमुथियुस 1:3

मैं अपने परमेसुर की सेवा अपने बड़े बूढ़न की रीत से साजे विवेक से करत आंव, और उनकी दया से तुमाए काजें बिन्तवारी करत आंव।

- 2 तीमुथियुस 2:24

प्रभु के दास हां झगड़ा करबेवारो नईं भओ चईये, परन्त सबरन के संग्गै मीठो बोलबेवारो, और सबरी बातन में होसयार और दूसरन की बात सैबेवारो होबै।

- 2 तीमुथियुस 4:17

प्रभु ने मोरी सहायता करी, और मोहां हिम्मत दई: कि मैं सबरे हार प्रचार करों, की सबरे जनें सुन लेबें; मैं तो मानो नाहर के मों से छूट आओ।

- तीतुस 1:1

पौलुस ने लिखी जा चिठिया जौन परमेसुर को चाकर और यीशु मसीह कौ प्रेरित आय, जीहां परमेसुर नबेरे जनन के बिसवास, और जीने सांची बातन हां चीनो आय।

- तीतुस 2:14

उन ने अपने आप अपनो बलदान करो, कि हम हां सबरे पापन से दूर करबें, और हम हां साजो कर के ऐसे बनाबें जौन धरम के काज में लगे होबें।

- इब्रानियों 1:14

सरगदूत जौन को तरन तारन हो गओ; उनकी सेवा खुसामद को आंय।

- यूहन्‍ना के दरसन कौ खुलासा 22:16

ईसा मसीह ने अपने मोहां सरग से ईसे पठैव, कि तुमाए पेंला मण्डलियन के बारे में बताबें: मैं तो दाऊद की जड़ और ऊके वंस से आंव, और भुनसारे निकलबेवारो चमचमात भओ तारा आओं।