- प्रेरितन के काम 27:1 - Bundeli Holy Bible

¹ जब जौ ठहराओ गओ, की हम जहाज से इतालिया जाबें, तो उन ने पौलुस और दूसरे कैदियन हां राजसी सैनिक दल के संग्गै यूलियुस नाओं के एक सूबेदार हां सौंप दओ।

- प्रेरितन के काम 27:1 ပူးပေါင်းရင်းမြစ်များ

- उत्पत्ति 50:20

जबकि तुमोंरों ने मोरे लाने बुराई कौ बिचार करो हतो; परन्‍त यहोवा परमेसुर ने ओई बात में भलाई कौ बिचार करो, जीसें ऊ एैसो करे, जैसो आज के दिना परगट आय, कि मुतके मान्‍सन के प्रान बचे आंय।

- मत्ती 27:54

तब दरोगा और जौन लोग ऊके संग्गै पहरा दै रए हते, जब उन ने भूंडोल और इन घटना हां देखो, तो बिलात डराके कई, सांची में “जौ परमेसुर कौ पूत हतो”।

- लूका 23:47

सेना के अधकारी ने, जौन कछु भओ हतो तक के, परमेसुर हां धन्न कओ, और ऊ ने कओ; सांचई में जौ मान्स धरमी हतो।

- लूका 7:2

और कोऊ सूबेदार कौ एक बिलात प्यारो चाकर हतो, और रोग से मरबे पे हतो।

- प्रेरितन के काम 10:1

कैसरिया में कुरनेलियुस नाओं कौ एक मान्स हतो, जौन इतालियानी नाओं की पलटन कौ सूबेदार हतो।

- प्रेरितन के काम 10:22

उन ने उत्तर दओ; कुरनेलियुस सूबेदार जौन धरमी और परमेसुर से डराबेवारो आय और सबरी यहूदी जात में सुनाम मान्स आय, ऊ ने पवित्तर सरगदूत से जौ हुकम पाओ आय, कि तोय अपने घर बुला के तोसे बचन सुने।

- प्रेरितन के काम 16:10

जब ऊ ने जौ दर्शन हेरो, तो जौ समझ के की परमेसुर ने उन लोगन में सन्देसो सुनाबे के लाने हमें टेरो आय, हम ने तुरतईं मकिदुनिया जाबे की सोची।

- प्रेरितन के काम 18:2

और ऊहां अक्विला नाओं एक यहूदी मिलो, जौन हालई में अपनी घरवाली प्रिस्किल्ला के संग्गै इतालिया से आओ हतो, कायसे क्लोदियुस ने सब यहूदियन हां रोम से कड़ जाबे कौ हुकम दओ हतो।

- प्रेरितन के काम 19:21

जब जे बातें हो चुकीं, तो पौलुस ने अपनी आत्मा में मकिदुनिया और अखाया से होत भओ, यरूशलेम जाबे की ठानी, और कई, उते पोंचबे के पाछें मोय रोम हां भी जाबो जरूरी आय।

- प्रेरितन के काम 21:32

बो तुरतईं सिपाहियन और सूबेदारन हां लैके उन की कोद गदबद दई; और जब मान्सन ने सेनापति और सिपाहियन हां हेरो तो पौलुस हां पीटबो बन्द कर दओ।

- प्रेरितन के काम 22:26

जब सूबेदार ने जा सुनी तो ऊ ने सेनापति से कई; तें जौ का करत आय? जौ तो रोमी मान्स आय।

- प्रेरितन के काम 23:11

पर ओई रात प्रभु ने ऊके ऐंगर ठांड़े होकें कई; हिम्मत धर; कायसे जैसे तेंने यरूशलेम में हिम्मत से मोरी गवाही दई आय, ओई तरहां तोय रोम में भी गवाही देने पर है।

- प्रेरितन के काम 23:17

तब पौलुस ने सूबेदारन में से एक हां ऐंगर टेरके सब बात बता दई; ई जुवान हां सेनापति के ऐंगर लै जाओ, कायसे जौ ऊहां कछु बताओ चाहत आय।

- प्रेरितन के काम 24:23

तब ऊ ने सूबेदार हां हुकम दओ, की पौलुस हां कछु ढील देके हिरासत में धरो जाबै, और ऊके संगियन में से कोऊहां भी ऊ की खुसामद करबे से नईं रोको जाबै।

- प्रेरितन के काम 25:12

तब फेस्तुस ने अपनी पंचायत से सलाह कर के कई, तेंने कैसर से अपील करी आय, तें कैसर के आंगू ठांड़ो हुईये।

- प्रेरितन के काम 25:25

पर मैंने जान लओ, कि ईने मृत्यु दण्ड के लाक कछु नईं करो हतो; और ई लाने की ईने खुद महाराजाधिराज से अपील करी आय, तो मैंने ईहां पठैय देबे कौ फैसला करो।

- प्रेरितन के काम 27:11

पर सूबेदार ने पौलुस के कहबे की जांगा जहाज के चलाबेवाले और मुखिया की बातन की कोद ज्यादा ध्यान दओ।

- प्रेरितन के काम 27:43

पर सूबेदार ने पौलुस हां बचाबे की मनसा से उन हां ऐसो करबे से रोको, और हुकम दओ, की जौन तैर सकत आंय, बे पेंला कूद के धरती पे कड़ जाबें।

- प्रेरितन के काम 27:6

उते सूबेदार हां इतालिया जाबे वालो सिकन्दरिया कौ जहाज मिलो, और ऊ ने हम हां ऊ पे चढ़ा दओ।

- प्रेरितन के काम 28:1

जब हम सब बच कड़े, तब हम हां पता चलो की जौ टापू मिलिते कहाऊ त है।

- प्रेरितन के काम 28:16

जब हम रोम में पोंचे, तब पौलुस हां एक सिपाही के संग्गै, जौन ऊ की चौकीदारी करत हतो, अलग रहबे की मंजूरी दई गई।

- इब्रानियों 13:24

अपने सबरे गुरु जनों और सबरे बिसवासियन हां नमस्कार कईयो, इतालियावारे तुम हां नमस्कार कैत आंय।