- प्रेरितन के काम 26:3 - Bundeli Holy Bible

³ खासकर ई लाने की तें यहूदियन के सब रीत रिवाज और बतकाव हां जानत आय, ई लाने मैं बिनती करत आंव, की गम खाके मोरी सुन ले।

- प्रेरितन के काम 26:3 ပူးပေါင်းရင်းမြစ်များ

- प्रेरितन के काम 21:21

और उनहां तोरे बारे में बताओ गओ आय, की तें गैर यहूदियन के बीच रहबेवालो, यहूदियन हां जौ सिखात आय, की मूसा की सीख हां छोड़ दो, और कहत आय की न अपने बच्चन कौ खतना कराओ, और बनाई भई रीतियन हां मानो।

- प्रेरितन के काम 24:10

जब राज्यपाल ने पौलुस हां बोलबे कौ इसारा करो तो पौलुस ने बोलबो शुरू करो, जौ जानके की तें बिलात बरसन से ई जात कौ न्याव करत आओ आय, मैं खुसी से अपने बचाव में बोलत आंव।

- प्रेरितन के काम 24:4

अब मैं तोरो और बिलात बेरा नास नईं करके तोय से बिनती करत आंव, की दया करके हम हां तनक सुनवाई कौ मौका दे।

- प्रेरितन के काम 25:26

फिन भी मोरे ऐंगर ईके बारे में अपने महाराज हां लिखबे के लाने कोई सही बात नईंयां, ई लाने मैं ऊहां तुम सब के आंगू खास के हे राजा अग्रिप्पा तोरे आंगू लाओ आंव, की जांच खतम होबे पे मोय कछु लिखबे हां मिल जाबै।

- प्रेरितन के काम 26:2

हे राजा अग्रिप्पा, यहूदियन ने मोपे कई एक दोस लगाए आंय, मैं अपने हां धन्य मानत आंव, की आज तोरे आंगू अपने बचाव में उन सब कौ बखान करबे जा रओ आंव।

- प्रेरितन के काम 26:26

इन बातन हां राजा खुद जानत आय, जीके आंगू मैं बिना हिचक के बोल रओ आंव, मोय पूरो भरोसा आय, की इन में से कोई बात नईंयां, जौन उन से छुपी होबै, कायसे जा बात कोऊ कोने में नईं भई।

- प्रेरितन के काम 26:7

हमाए बारह गोत्र ई प्रतिज्ञा कौ फल पाबे की आस लगाए भए, जोस के संग रात दिना परमेसुर कौ काज करत आंय, और हे राजन, ऐई आस के बारे में यहूदी मोय पे दोस लगात आंय।

- प्रेरितन के काम 28:17

फिन ऐसो भओ, की तीन दिना के बाद ऊ ने यहूदियन के मुखिया लोगन हां टेरो, जब बे जमा भए, तो ऊ ने उन से कई; भईया हरौ, मैंने अपनी जात या अपने पुरखन के रीति रिवाज के बिरुद्ध कछु नईं करो, फिन भी मैं यरूशलेम से कैदी बनाके रोमियन के हाथन सौंप दओ गओ आंव।

- प्रेरितन के काम 6:14

कायसे हम ने ईहां जौ कैत सुनो आय, कि जौई यीशु नासरी ई जांगा हां ढ़ा दै है, और उन रीतियन हां बदल दै है जौन मूसा ने हम हां दई आय।

- पैली कुरिन्थियों 13:2

और जदि मैं अगमवानी कर सकों, और सब भेदों और ज्ञान को समजों, और मोय इते लौ पक्को बिसवास होबे, कि मैं पहारवन हां हटा देओं, परन्त प्रेम न धरों, तो मैं कछु लौ नईंयां।