- प्रेरितन के काम 26:23 - Bundeli Holy Bible

²³ यानि मसीह हां दुख उठाने पड़ है, और ओई मरे भयन में से जी जाबे वालन में पैलो होकें, यहूदी परजा और गैर यहूदियन दोई हां ज्योत कौ सन्देसो दै है।

- प्रेरितन के काम 26:23 ပူးပေါင်းရင်းမြစ်များ

- उत्पत्ति 3:15

मैं तोरे और ई बईयर के मजारें, और तोरे बंस और ईके बंस के मजारें बैर पैदा कराहों; ऊ तोरी मूंड़ हों कुचल डालहै, और तें ऊकी ऐड़ी हों डसहै।”

- मत्ती 26:24

मान्स के पूत हां तो जैसो ऊके लाने लिखो गओ है, जातई है; पर हाय ऊपै, जी के द्वारा मान्स कौ पूत पकड़वाओ जै है: ऊ मान्स के लाने भलो होतो, कि ऊ को जन्म नईं होतो।

- मत्ती 27:53

और ऊके फिन के जी जाबे के बाद बे कबरन में से कड़के पवित्र नगर में गए, और बिलातन हां दिखाई पड़े।

- लूका 2:32

कि बो दूसरी जात वारन हां उजारो दैबे हां ज्योत, और तोरे निज मान्स इस्राएल कौ जस होबे।

- लूका 24:26

का जौ जरूरी नईं हतो, कि मसीह जा पीड़ा झेलतो और तब अपनी मईमा में जातो।

- लूका 24:46

और उन से कओ, ऐसो लिखो आय; कि मसीह पीड़ा झेल है; और तीसरे दिना मरे भयन में से जी उठ है।

- यूहन्‍ना 10:18

कोई ऊहां मोय से नईं छीनत, पर मैं ऊहां अपने आपई देत आंव: मोय ऊहां देबे को हक भी आय, और फिन ले लेबे कौ भी हक आय: जौ हुकुम मोय अपने बाप से मिलो आय।

- यूहन्‍ना 11:25

यीशु ने ऊसे कई, फिन जी जाबो और जीवन मैं ही आंव, जौन मोय पे भरोसा करत आय बो जदि मर भी जाए, तो भी जी जै है।

- प्रेरितन के काम 13:34

ऊ ने ऊहां मरे भयन में से जिलाओ, की बो कभऊं नईं सड़ है, ऊ ने ई तरहां कई; मैं दाऊद की पवित्र और अटल आसीस तोय दै हों।

- प्रेरितन के काम 26:18

कि तें उन की आंखन हां खोले, जीसे की बे अंधयारे से उजयारे की कोद, और शैतान के राज्य से परमेसुर की कोद फिरें; जीसे की बे पापन की क्षिमा, और उन लोगन के संग्गै पदवी पाबें, जौन मोय पे भरोसा करबे के द्वारा पवित्र भए आंय।

- प्रेरितन के काम 26:8

जा बात तुम लोगन हां भरोसेमन्द काय नईं लगात आय, की परमेसुर मरे भयन हां जिलात आय?

- प्रेरितन के काम 3:18

पर जिन बातन हां परमेसुर ने सबरे अगमवकतन के मों से पहलेई बता दओ हतो, कि ऊकौ मसीह पीड़ा झेल है; और उन हां ऊ ने ई भांत पूरो करो।

- प्रेरितन के काम 3:24

और सामुएल से लेके ऊके पाछूंवारन लौ जित्ते अगमवकता बोले, उन सबरन ने इन दिना कौ सन्देसो दओ आय।

- पैली कुरिन्थियों 15:3

ऐई से मैंने सब से पेंला तुम हां ओई बात पोंचा दई, जौन मोहां मिली हती, कि पवित्तर धर्मपोथी के बचन के अनसार यीशु मसीह हमाए पापों के लाने मर गओ।

- दूसरी कुरिन्थियों 4:4

और जौन मान्सन ने बिसवास नईं करो, कायसे उन की बुद्धि हां ई संसार के ईसुर-शैतान छलिया ने अंधरया दओ आय, कि मसीह जौन परमेसुर आय, उनकी बातन को तेज उन पे अबै न पड़े।

- कुलुस्सियों 1:18

बेई अपनी देह, जानो बिरादरी के मुखिया आंय; उनईं से संसार चलो और मरे भयन में से जी उठबेवारन में पैले हते जीसे बे सबरन में ऊंचे रैबें।

- इब्रानियों 2:10

कायसे सबरो ऊ को आय और ओई ने रचो आय, सो ऊ ने बहुत से मान्सन हां परमेसुर के लड़का बिटिया बनाबे हां यीशु मसीह के द्वारा बचा के, उनके बचाबेवारे हां सिद्ध करे।

- यूहन्‍ना के दरसन कौ खुलासा 1:5

और यीशु मसीह की कोद से, जौन सच्चे गवाह और मरे भयन में से जी जाबेवाले में पहलौठा, और संसार के राजन के स्वामी आंय, तुम हां सान्ति और दया मिलत रए: जो हम से प्रेम रखत आय, और जीने अपने खून के द्वारा हम हां पापन से छुड़ाओ आय।