- प्रेरितन के काम 26:16 - Bundeli Holy Bible

¹⁶ पर उठ, और अपने गोड़न पे ठांड़ो हो जा; मैंने ई लाने से तोय दरसन दओ आय, की तोय भक्त ठहराओं और न केवल इन बातन कौ, जौन तेंने हेरी आंय गवाह ठहराओं, पर उन बातन कौ भी जौन के लाने मैं तोय दरसन दें हों।

- प्रेरितन के काम 26:16 ပူးပေါင်းရင်းမြစ်များ

- लूका 1:2

जैसो कि उन ने जौन पेंलई से इन बातन के तकबेवारे और बचन के सेवक हते हम तक पोंचाओ।

- प्रेरितन के काम 1:17

कायसे बो हम में गिनो गओ, और ई सेवकाई में सामिल भओ।

- प्रेरितन के काम 1:25

कि बौ सेवकाई और प्रेरिताई कौ पद ले, जीहां यहूदा छोड़ के अपने स्थान हां गओ आय।

- प्रेरितन के काम 20:24

मैं अपने प्राण हां कोऊ भी तरहां अपने लाने प्यारो नईं समझत आंव, अगर समझत आंव, तो केवल ई लाने की में जीवन हां और ऊ काज हां, जौन मोय प्रभु यीशु मसीह से मिली आय, पूरी करों, यानि मैं परमेसुर के आसीस के सन्देसे की चित्त लगा के गवाही देओं।

- प्रेरितन के काम 21:19

उन कौ सत्कार करके, ऊ ने एक एक करके बे काज बताए, जौन परमेसुर ने ऊ की सेवा से गैर यहूदियन में करे हते।

- प्रेरितन के काम 22:10

तब मैंने कई; प्रभु मैं का करों? प्रभु ने मोसे कई; उठके दमिश्क हां जा, और उते तोय बो सब जौन तोरे करबे के लाने ठहराओ गओ आय, बता दओ जै है।

- प्रेरितन के काम 23:11

पर ओई रात प्रभु ने ऊके ऐंगर ठांड़े होकें कई; हिम्मत धर; कायसे जैसे तेंने यरूशलेम में हिम्मत से मोरी गवाही दई आय, ओई तरहां तोय रोम में भी गवाही देने पर है।

- प्रेरितन के काम 26:15

मैंने कई, प्रभु तें को आय? प्रभु ने कई, मैं यीशु आंव, जीहां तें सता रओ आय।

- प्रेरितन के काम 6:4

पर हम तो बिन्तवाई और बचन की सेवा में लगे रै हैं।

- रोमियों 1:5

ओई से हम हां दया और भले सन्देस प्रचार करबे मिलो; कि ऊके नाओं से सबरी जातन के मान्स बिसवास कर के ऊ की मानें।

- रोमियों 15:16

कि मैं दूसरी जातवारन के लाने मसीह यीशु कौ चाकर होकें परमेसुर के भले सन्देसे की सेवा याजक घांई करों; जीसे दूसरी जातवारन कौ मानो दओ जाबो, पवित्तर आत्मा से पवित्तर बनके अपनाओ जाबे।

- दूसरी कुरिन्थियों 4:1

सो जब हम पै ऐसी दया भई, कि ऐसो काज हम हां मिलो, तो हम हिम्मत नईं हारत।

- दूसरी कुरिन्थियों 5:18

सबरी बातें परमेसुर कुदाऊं से आंय, जीनें मसीह में होकें हमसे मेल कर लओ, और परमेसुर के संग्गै मान्स जुड़ जाबें जौ काज हम हां दओ।

- गलतियों 1:12

कायसे बो बचन मोहां मान्स से नईं मिलो, और कोऊ ने मोहां नईं सिखाओ, अकेले यीशु मसीह की जोत से मिलो।

- गलतियों 2:2

मोरो जाबो ईसुर के बताए भओ: और जो बचन में अन्य जातियन में परचार करत हों, बो मैंने उन हां बता दओ; पै अकेले में उन हां जौन बड़े कहात हते, कि ऐसो नईं होबे, कि मोरी अबै की, और आंगे की दौड़ बेकार जाबै।

- इफिसियों 3:3

जौ भेद मोहां जोत से मिलो, जैसो मैं पेंला थोड़े में लिख चुको आंव।

- कुलुस्सियों 1:23

सो तुम अपने बिसवास जौन तुम ने करो आय ऊ में पक्के बने रओ, और सुसमाचार सुने पै जौन आस तुमाई बढ़ी हती, जी को परचार ई संसार में भओ; जीहां मैं पौलुस ने तुम हां सुनाओ।

- कुलुस्सियों 1:25

परमेसुर की मन्सा से मोहां उनकी कलीसिया को काम करबेवारो धरो, और मोहां तुम लौ पठैओ, कि मैं तुम हां उनको पूरो ज्ञान बताओं।

- कुलुस्सियों 1:7

ओई बातें तुम ने हमाए प्यारे भईया इपफ्रास जौन हमाए संग्गै सेवा करत आय सुनी, इपफ्रास हमाई समझ से पिरभू यीशु मसीह को पक्को काम करबेवारो आय।

- 1 थिस्सलुनीकियों 3:2

और हम ने तीमुथियुस हां जौन यीशु मसीह में हमाओ भईया, और परमेसुर को बचन परचार करबेवारे आंय, तुम लौ पठैव कि बो तुम हां बिसवास में पक्को करे।

- 1 तीमुथियुस 1:12

मैं अपने प्रभु यीशु मसीह को, धन्न मानत आंव जीने मोहां ऐसो बल दओ; कि उन ने मोपै बिसवास करके अपनी सेवा के लाने धरो।

- 1 तीमुथियुस 4:6

तें भईयन हां समझा के इन बातन की याद करा, तो तें यीशु मसीह को अच्छो सेवा करबेवारो हुईये: और बिसवास की बातन हां और जौन बातें सिखाई गई आंय, और जिन हां तें मानत आय, तें बढ़त रै है।

- 2 तीमुथियुस 4:5

परन्त तें सबरी बातन में होसयार रै, दुख उठाबे हां तईयार रै, और सुसमाचार सुनात जा और जौन काज तोहां दओ आय ऊहां पूरो कर।