- प्रेरितन के काम 24:8 - Bundeli Holy Bible

⁸ और ईपे दोस लगाबे वालन हां तोरे आंगू आबे कौ हुकम दओ, जिन बातन के बारे में हम ऊ पै दोस लगात आंय, अगर तें खुद ऊसे पूछतांछ कर ले, तो तोय इन सब कौ ज्ञान हो जै है।”

- प्रेरितन के काम 24:8 ပူးပေါင်းရင်းမြစ်များ

- लूका 23:14

तुम ई मान्स हां मोरे ऐंगर जौ लांछन लगा के लाए आव कि जौ मान्सन हां विद्रोह के लाने भड़कात आय, और तको, मैं ने तुम सब के सामूं ऊ की जांच परख करी आय, पर जिन बातन कौ ईपे लांछन लगात आव, उन बातन के बारे में मैं ने ईमें कछु दोष नईं पाओ आय।

- प्रेरितन के काम 23:30

जब मोय जौ बताओ गओ, की ऊ मान्स के बिरुद्ध घात रची जा रई आय, तो मैंने ईहां तुरतईं तोरे ऐंगर पठै दओ; और ईपे दोस लगाबे वालन हां सोई हुकम दओ, की बे तोरे ऐंगर ईके बिरुद्ध दोस लगाबें।

- प्रेरितन के काम 23:35

और जौ जानके की जौ किलकिया कौ रहवासी आय; ऊने कई जब तोपे दोस लगाबेवाले भी आ हैं, तब मैं तोरी सुनवाई कर हों: और ऊ ने हुकम दओ की ऊहां हेरोदेस के किले में, रखवारी में धरो जाबै।

- प्रेरितन के काम 24:7

पर सेनापति लुसियास ने आके ऊहां जबरदस्ती हमाए हाथन से छुड़ा लओ।

- प्रेरितन के काम 24:9

यहूदियन ने भी ई दोस में ऊ को संग दओ, और दाबा करो की जे बातें ऐंसई आंय।

- प्रेरितन के काम 25:5

फिन ऊ ने कई, तुम में से जौन खास जनें आंय बे मोरे संग्गै निंगे, और अगर ई मान्स ने कोऊ बुरव काज करो आय, तो उते ऊ पे दोस लगाबें।