- प्रेरितन के काम 24:16 - Bundeli Holy Bible

¹⁶ ई लाने मैं भी परमेसुर और मान्सन के आंगू अपनी सोच हां निरदोस बनाए धरबे की सदा कोसिस करत आंव।

- प्रेरितन के काम 24:16 ပူးပေါင်းရင်းမြစ်များ

- प्रेरितन के काम 23:1

पौलुस ने बड़ी पंचायत की कोद टकटकी लगात भए कई, भईया हरौ, मैंने आज लौ परमेसुर के आंगू पूरी तौर से खरो जीवन बिताओ।

- रोमियों 2:15

बे नैम व्यवस्था की बातन हां अपने अपने हियन पे लिखी दिखात आंय, और उन की समज सोई गवाह होत आय, और उन के सोच उन हां लांछन लगात, या बिन लांछन ठैरात आंय।)

- रोमियों 9:1

मैं मसीह में सांची कैत आंव, लबरी नईं कै रओ और मोरो सोच सोई पवित्तर आत्मा में गवाई देत आय।

- पैली कुरिन्थियों 10:32

तुम न यहूदियन, न यूनानियन, और न परमेसुर की मण्डली के लाने उपटा के कारण बनो।

- पैली कुरिन्थियों 4:4

कायसे मोरो हिया मोहां कोऊ बात में दोस नईं देत, परन्त ईसें मैं निरदोस नईं ठैरत, कायसे मोहां जांचबेवारो पिरभु आय।

- दूसरी कुरिन्थियों 1:12

कायसे हम अपने हिये की जा बात मानत आंय, कि और ऊ पै बड़वाई करत आंय, कि संसार में और तुमाए बीच हमाई चाल परमेसुर को भाबेवारी पवित्तर और सांची हती, और ऐसो संसार के ज्ञान से नोंई, अकेले परमेसुर की दया से भई।

- दूसरी कुरिन्थियों 4:2

और हम ने बुरय कामन हां छोड़ दओ आय, और बनके नईं चलत, और न परमेसुर के बचन में कछु मिलात आंय, अकेले सांची बातें उजागर करत आंय, और परमेसुर हां जानत भए सबरन के हिये पै अपनी बात बैठा देत आंय।

- 1 थिस्सलुनीकियों 2:10

तुम और परमेसुर हां पता आय, कि हम तुमाए बीच जौन ने बिसवास धरो, कैसे साजे और बिन खोट धरम से रए।

- 1 तीमुथियुस 1:19

और बिसवास और साजे मन से करत जा, कछु जन ने जे बातें छोड़ दई आंय, सो उनको बिसवास को जहाज मानो डूब गओ।

- 1 तीमुथियुस 1:5

मोरे कैबे को मतलब जौ आय, कि सांचे मन और साजे हिये से, और बैर न रखबेवाले के बिसवास से प्रेम बढ़त आय।

- 1 तीमुथियुस 3:9

और साजे मन से बिसवास की बातन हां ध्यान में धरबेवारो होबै।

- 2 तीमुथियुस 1:3

मैं अपने परमेसुर की सेवा अपने बड़े बूढ़न की रीत से साजे विवेक से करत आंव, और उनकी दया से तुमाए काजें बिन्तवारी करत आंव।

- तीतुस 1:15

साजे मान्सन के लाने सब साजो आय, और बुरय और बिसवास न करबेवारन हां कछु साजो नईंयां; कायसे उनकी समझ और उनको हिया साजो नईंयां।

- इब्रानियों 10:22

सो परमेसुर लौ साफ हिये, और बिसवास से, और अपने मन हां शुद्ध करके और अपने मन हां बुरई बातन से दूर करके, और अपनी देह हां साफ पानू से सपर के आओ।

- इब्रानियों 13:18

हमाए काजें बिन्तवारी करत रईयो, हमाओ जी ठीक ठाक आय; और हम अपने जीवन में अच्छो रहो चाहत आंय।

- इब्रानियों 9:14

तो पिरभू यीशु मसीह को रकत जौन बिलकुल बिन पाप हते, परमेसुर के सामूं निषपाप बलदान चढाओ, तो बो तुम हां बुरय काज से पूरे मन से काय न पवित्तर कर है, कि तुम जीयत परमेसुर की सेवा करो।

- 1 पतरस 2:19

कायसे जदि कोई परमेसुर कौ बिचार कर के अन्याय से पीड़ा उठात भओ दुख सहत आय, तो जौ बिलात नोंनो आय।

- 1 पतरस 3:16

और अपनी समज सोई सुद्ध राखो, ई लाने कि जिन बातन के बारे में तुमाई बदनामी होत आय, उन के बारे में बे जौन तुमाए मसीही साजे चाल चलन कौ अपमान करत आंय लज्जित होबें।

- 1 पतरस 3:21

और ओई पानू की कनौत सोई, जाने कि बपतिस्मा, यीशु मसीह के जी उठबे से, अब तुम हां बचात आय; (ऊसे देयां कौ मैल हटाबे को मतलब नईंयां, पर सुद्ध विवेक से परमेसुर के बस में हो जाबे कौ मतलब आय)।