- प्रेरितन के काम 23:12 - Bundeli Holy Bible

¹² जब दिन भओ, तो यहूदियन ने बदला लैबे की सोची, और जौ कहके सौगंध खाई की जब लौ पौलुस हां मार न डालें, तब लौ न खा हैं और न पी हैं।

- प्रेरितन के काम 23:12 ပူးပေါင်းရင်းမြစ်များ

- उत्पत्ति 37:18

जैसई उनोंरन ने ऊहों दूर सें आत हेरो, तौ ऊके लिगां आबे के पैलईं ऊहों मार डालबे की सोची।

- नहेम्याह 10:29

अपने भईया रईसों सें मिलकें खुद हों ई स्राप और कौल के अधीन करो, कि हम यहोवा परमेसुर की ऊ ब्‍यवस्‍था पै चलहैं जो ऊके दास मूसा के द्वारा दई गई आय, और अपने पिरभु यहोवा परमेसुर के सब हुकम, नियम और बिधियां मानबे में चौकसी करहैं।

- एस्तेर 2:22

जा बात मोर्दकै हों पता चली, और ऊने एस्‍तेर रानी हों जा बात बताई, और एस्‍तेर ने मोर्दकै कौ नाओं लैकें राजा होंं चितौनी दई।

- मत्ती 26:4

और उन ने आपस में यीशु हां मसकईं पकड़बे और मार डारबे की साजिस रची।

- मत्ती 26:74

तब बो मेंटत भए कौल खान लगो, कि मैं ऊ मान्स हां नईं चीनत; और तुरतईं मुरगा ने बांग दई।

- मत्ती 27:25

तब लोगन ने कई, ई को खून हम पे और हमाई सन्तान पे होए।

- प्रेरितन के काम 23:13

बदला लैबेवाले चालीस से अधक हते।

- प्रेरितन के काम 23:14

तब बे मुखिया पुरोहितन और सियानन के ऐंगर जाके कहन लगे, हम ने पक्के से मन बना लओ आय; की जब लौ पौलुस हां न मार डालें, तब लौ कछु न चीख हैं।

- प्रेरितन के काम 23:21

ई लाने तें उन की न सुनिये, कायसे उन में से चालीस से अधक मान्स ऊ की घात में लगे भए आंय, जिन ने एक होकें जा सौगंध खाई आय, की जब लौ पौलुस हां न मार डालें, तब लौ न खा हैं और न पी हैं, बे अबै सोई तईयार आंय और तोरे हुकम की बाट देखें आंय।

- प्रेरितन के काम 23:30

जब मोय जौ बताओ गओ, की ऊ मान्स के बिरुद्ध घात रची जा रई आय, तो मैंने ईहां तुरतईं तोरे ऐंगर पठै दओ; और ईपे दोस लगाबे वालन हां सोई हुकम दओ, की बे तोरे ऐंगर ईके बिरुद्ध दोस लगाबें।

- प्रेरितन के काम 25:3

और जा छूट मांगी, कि बो पौलुस हां यरूशलेम पठै दे, कायसे बे ऊहां गैल में मरवाबे की ताक में हते।

- प्रेरितन के काम 9:23

जब कुल्ल दिना हो गए, तो यहूदियन ने जुड़ के शाऊ ल की हत्या करबे कौ जतन करो।

- प्रेरितन के काम 9:24

पर उन की योजना शाऊ ल हां मालूम हो गई: बे तो ऊहां मार डालबे हां फाटकों पे दिन रात ऊ की घात में लगे रैत हते।

- पैली कुरिन्थियों 16:22

हमाओ पिरभु आबेवारो आय।

- दूसरी कुरिन्थियों 11:26

मोहां बेर बेर यात्रा में; नदियों की परेसानी में; भड़यों के जोखम में; अपने जात बिरादरी वारन से परेसानी में; दूसरे बिरादरी वारन से परेसानी में; शहरन की परेसानी में; जंगल की परेसानी में; समद्र की परेसानी में; नकली भईयन से परेसानी में।

- गलतियों 3:13

मसीह जौन हमाए काजें श्रापित कहाए, हम हां मोल लेके नैम के श्राप से छुड़ा लओ कायसे ऐसो पोथी में लिखो आय, कि जौन काठ में लटकाओ जै है ऊ श्रापित आय।

- 1 थिस्सलुनीकियों 2:16

बे यहूदियन हां छोड़ दूसरन से तरन तारन की बातें करबे हां रोकत आंय, कि अन्यजाति के लाने अपने पाप कौ घड़ा भरत रैबें; परन्त अब उन पै सोई परमेसुर को कोप आबेवारो आय।

- यहोशू 6:26

फिन ओई बेरा यहोशू ने इस्राएलियन के सामूं जा कौल रखी, और कई, “जौन मान्‍स उठकें ई नगर यरीहो हों फिन सें बनाए ऊ यहोवा परमेसुर कुदाऊं सें स्रापित होए।” जब ऊ ऊकी नीं डालहै तब ऊकौ जेठो मोंड़ा मरहै, और जब ऊ ऊके फाटक लगवाहै तब ऊकौ हल्‍को मोंड़ा मर जैहै।

- यहोशू 7:1

परन्‍त इस्राएलियन ने अरपन करी भई बस्‍त के बारे में बिस्‍वासघात करो; मतलब यहूदा गोत्र कौ आकान, जौन जेरहवंसी जब्‍दी कौ पोता और कर्मी कौ मोंड़ा हतो, ऊने अरपन करी बस्‍तों में सें कछु ले लओ, ई कारन यहोवा परमेसुर कौ गुस्‍सा इस्राएलियन पै भड़क उठो।

- यहोशू 7:15

तब जौन मान्‍स अरपन करी बस्‍त रखे भए पकड़ो जैहै, ऊ और जो कछु ऊकौ होए सब आगी में डालकें जला दओ जाए; कायसे ऊने यहोवा परमेसुर की बाचा हों तोड़ो आय, और इस्राएल में बुरओ काम करो आय’।”