- प्रेरितन के काम 23:1 - Bundeli Holy Bible

¹ पौलुस ने बड़ी पंचायत की कोद टकटकी लगात भए कई, भईया हरौ, मैंने आज लौ परमेसुर के आंगू पूरी तौर से खरो जीवन बिताओ।

- प्रेरितन के काम 23:1 ပူးပေါင်းရင်းမြစ်များ

- मत्ती 5:22

परन्त मैं तुमन से कैत हों, कि जौन कोनऊ अपने भईया पे खुन्सयाबे, ऊहां कचहरी में सजा मिल है: और जो कोऊ अपने भईया हां निकम्मो कै है बो पंचायट में दोषी ठहर है; और जो कोऊ कैबे “अरे मूरख” बो नरक की आगी के दण्ड के जोग हुईये।

- प्रेरितन के काम 22:1

हे भईया हरौ, और बूढ़ो, मोरो कहबो सुनो, जीहां मैं अब तुमाए सामूं कात हों।

- प्रेरितन के काम 22:30

पर दूसरे दिना जौ जानबे के लाने की यहूदियन ने काय ईपे दोस लगाओ आय, ऊ ने ऊके बन्ध खोल दए; और मुखिया पुरोहितन और महापंचायत हां इकट्ठो होबे कौ हुकम दओ, और पौलुस हां लै जाके उन के आंगू ठांड़ो कर दओ।

- प्रेरितन के काम 22:5

ई बात की गवाही महापुरोहित और सियानन की बैठक दे सकत आय; मैंने भाईयन के नाओं पाती लई और ई मतलब से दमिश्क हां चलो, कि उते के लोगन हां बन्दी बना के दण्ड दिलाबे यरूशलेम लै जाओं।

- प्रेरितन के काम 23:15

ई लाने अब तुम, और बड़ी पंचायत मिलके सेनापति हां समझाओ, की ऊहां अपने ऐंगर बहाने से टेरो, जानो की तुम ऊके बारे में खूब जांच परख करबो चाहत आव, हम ऊहां इते पोंचबे के पैलईं ऊहां मार डालबे के लाने तईयार रै हैं।

- प्रेरितन के काम 23:20

ऊ ने कई; यहूदी तोसे जा मांग करबे के लाने एक हो गए आंय, की पौलुस हां कल बड़ी पंचायत के आंगू लाबें, जानो की बे ऊ की और जांच परख कराबो चाहत आंय।

- प्रेरितन के काम 23:28

तब जौ पता लगाबे के लाने की बे की काजें ऊ पे दोस लगा रए आंय, मैं ऊहां उन की महापंचायत में ले गओ।

- प्रेरितन के काम 23:6

जब पौलुस ने जौ हेरो, की एक झुण्ड सदूकियन कौ आय और दूसरो फरीसियन को, तो बो महा पंचायत में हल्ला करके कहन लगो, भईया हरौ, मैं फरीसी आंव और फरीसियन के वंस कौ आंव, मरे भयन की आस और फिन से जी जाबे के काजें ही मोरो न्याव हो रओ आय।

- प्रेरितन के काम 24:16

ई लाने मैं भी परमेसुर और मान्सन के आंगू अपनी सोच हां निरदोस बनाए धरबे की सदा कोसिस करत आंव।

- प्रेरितन के काम 6:15

तब सबरे मान्सन ने जौन महापंचयात में बैठे हते, ऊ पे आंखें गड़ाईं तो ऊकौ मों सरगदूत घांई तको।

- पैली कुरिन्थियों 4:4

कायसे मोरो हिया मोहां कोऊ बात में दोस नईं देत, परन्त ईसें मैं निरदोस नईं ठैरत, कायसे मोहां जांचबेवारो पिरभु आय।

- दूसरी कुरिन्थियों 1:12

कायसे हम अपने हिये की जा बात मानत आंय, कि और ऊ पै बड़वाई करत आंय, कि संसार में और तुमाए बीच हमाई चाल परमेसुर को भाबेवारी पवित्तर और सांची हती, और ऐसो संसार के ज्ञान से नोंई, अकेले परमेसुर की दया से भई।

- दूसरी कुरिन्थियों 4:2

और हम ने बुरय कामन हां छोड़ दओ आय, और बनके नईं चलत, और न परमेसुर के बचन में कछु मिलात आंय, अकेले सांची बातें उजागर करत आंय, और परमेसुर हां जानत भए सबरन के हिये पै अपनी बात बैठा देत आंय।

- 2 तीमुथियुस 1:3

मैं अपने परमेसुर की सेवा अपने बड़े बूढ़न की रीत से साजे विवेक से करत आंव, और उनकी दया से तुमाए काजें बिन्तवारी करत आंव।

- इब्रानियों 13:18

हमाए काजें बिन्तवारी करत रईयो, हमाओ जी ठीक ठाक आय; और हम अपने जीवन में अच्छो रहो चाहत आंय।

- 1 पतरस 3:16

और अपनी समज सोई सुद्ध राखो, ई लाने कि जिन बातन के बारे में तुमाई बदनामी होत आय, उन के बारे में बे जौन तुमाए मसीही साजे चाल चलन कौ अपमान करत आंय लज्जित होबें।