- प्रेरितन के काम 22:30 - Bundeli Holy Bible

³⁰ पर दूसरे दिना जौ जानबे के लाने की यहूदियन ने काय ईपे दोस लगाओ आय, ऊ ने ऊके बन्ध खोल दए; और मुखिया पुरोहितन और महापंचायत हां इकट्ठो होबे कौ हुकम दओ, और पौलुस हां लै जाके उन के आंगू ठांड़ो कर दओ।

- प्रेरितन के काम 22:30 ပူးပေါင်းရင်းမြစ်များ

- मत्ती 10:17

मगर मान्सन से होसियार रहियो, कायसे बे तुम हां कचहरियन में सौंप हैं, और अपनी कचहरियन में कोड़े लगवा हैं।

- मत्ती 27:2

फिन उन ने ऊहां बांधो और लै जाके राज्यपाल पिलातुस के हाथन में सौंप दओ।

- मत्ती 5:22

परन्त मैं तुमन से कैत हों, कि जौन कोनऊ अपने भईया पे खुन्सयाबे, ऊहां कचहरी में सजा मिल है: और जो कोऊ अपने भईया हां निकम्मो कै है बो पंचायट में दोषी ठहर है; और जो कोऊ कैबे “अरे मूरख” बो नरक की आगी के दण्ड के जोग हुईये।

- प्रेरितन के काम 21:11

हमाए ऐंगर आके ऊ ने पौलुस को करियाई कौ फेंटा लओ, और अपने हाथ गोड़े बांधके कई; पवित्र आत्मा जौ कहत आय, जी मान्स कौ जो करियाई कौ फेंटा आय, ऊहां यरूशलेम में यहूदी ऐई तरहां बांध हैं, और अन्यजातियन के हाथ में दें हैं।

- प्रेरितन के काम 21:33

तब सेनापति ने ऐंगर आके ऊहां पकड़ लओ; और ऊहां दो सांकलन में बांधबे कौ हुकम दओ और पूछन लगो, जौ को आय, और ऊ ने का करो आय?

- प्रेरितन के काम 22:5

ई बात की गवाही महापुरोहित और सियानन की बैठक दे सकत आय; मैंने भाईयन के नाओं पाती लई और ई मतलब से दमिश्क हां चलो, कि उते के लोगन हां बन्दी बना के दण्ड दिलाबे यरूशलेम लै जाओं।

- प्रेरितन के काम 23:1

पौलुस ने बड़ी पंचायत की कोद टकटकी लगात भए कई, भईया हरौ, मैंने आज लौ परमेसुर के आंगू पूरी तौर से खरो जीवन बिताओ।

- प्रेरितन के काम 23:15

ई लाने अब तुम, और बड़ी पंचायत मिलके सेनापति हां समझाओ, की ऊहां अपने ऐंगर बहाने से टेरो, जानो की तुम ऊके बारे में खूब जांच परख करबो चाहत आव, हम ऊहां इते पोंचबे के पैलईं ऊहां मार डालबे के लाने तईयार रै हैं।

- प्रेरितन के काम 23:20

ऊ ने कई; यहूदी तोसे जा मांग करबे के लाने एक हो गए आंय, की पौलुस हां कल बड़ी पंचायत के आंगू लाबें, जानो की बे ऊ की और जांच परख कराबो चाहत आंय।

- प्रेरितन के काम 23:28

तब जौ पता लगाबे के लाने की बे की काजें ऊ पे दोस लगा रए आंय, मैं ऊहां उन की महापंचायत में ले गओ।

- प्रेरितन के काम 23:6

जब पौलुस ने जौ हेरो, की एक झुण्ड सदूकियन कौ आय और दूसरो फरीसियन को, तो बो महा पंचायत में हल्ला करके कहन लगो, भईया हरौ, मैं फरीसी आंव और फरीसियन के वंस कौ आंव, मरे भयन की आस और फिन से जी जाबे के काजें ही मोरो न्याव हो रओ आय।

- प्रेरितन के काम 26:29

पौलुस ने कई, परमेसुर करे, चाए तनक या बिलात बेरा में, न केवल तें, पर बे सबरे सोई जौन आज मोरी सुन रए आंय, इन बंधनों हां छोड़, बे मोरे घांई हो जै हैं।

- प्रेरितन के काम 5:21

बे जौ सुन के भुनसारो होतई मन्दर में जाके बचन सुनाऊ न लगे: तब महायाजक और ऊके संगियन ने महापंचायत हां और इस्राएलिययन के सब बूढ़े पुरनियन हां जोड़ो, और कैदखाने में कहला पठैओ कि उन हां ले आओ।