- प्रेरितन के काम 2:46 - Bundeli Holy Bible

⁴⁶ और बे हर एक दिन एक मन होकें मन्दर में जुड़त हते, और घर घर रोटी तोड़त भए खुसी और मन की सीधाई से भोजन करत हते।

- प्रेरितन के काम 2:46 ပူးပေါင်းရင်းမြစ်များ

- नहेम्याह 8:10

फिन ऊने उनसें कई, “जाकें चिकनो चिकनो भोजन करौ और मीठो मीठो रस पियो, और जिनके लाने कछु तईयार नईं भओ होबै उनके लिगां सोई भोजन पठैओ; कायसे आज कौ दिना हमाए पिरभु के लाने पवित्तर आय; और उदास नें रओ, कायसे यहोवा परमेसुर कौ आनंद तुमाए पक्‍के गढ़ जैसो आय।”

- मत्ती 6:22

सरीर कौ दिया आंख आय: ई लाने जदि तोरी आंख साफ होए, तो तोरो सबरो सरीर उजयारा हुईये।

- लूका 11:41

पर जौन कछु भीतर आय ऊए दान कर दो, तो तको, सब कछु तुमाए लाने शुद्ध हो जै है।

- लूका 24:30

जब यीशु उन के संग्गै खाना खाबे हां बिराजो, तो ऊ ने रोटी लेके धन्नवाद करो, और रोटी तोड़ के उन हां देन लगो।

- लूका 24:53

और लगातार मन्दर में जाके परमेसुर की स्‍तुति भजन करत हते।

- प्रेरितन के काम 16:34

और उनहां अपने घरै लै जाके, ऊ ने तुरतईं रोटी परोसी और सबरे कुनवा के संग्गै परमेसुर पे भरोसा करके बिलात खुसी मनाई।

- प्रेरितन के काम 2:42

और बे प्रेरितन से शिक्षा पाबे, और संगति रखबे में और रोटी तोड़बे में और बिनती करबे में लगे रएं।

- प्रेरितन के काम 20:7

सप्ताह के पैले दिना जब हम रोटी तोड़बे के लाने जुड़े, तो पौलुस दूसरे दिना चले जाबे पे हते, पौलुस उनसे आधी रात लौ बातें करत रओ।

- प्रेरितन के काम 3:1

पतरस और यूहन्ना तीसरे पहर बिन्तवाई की बेरा मन्दर में जा रए हते।

- प्रेरितन के काम 5:21

बे जौ सुन के भुनसारो होतई मन्दर में जाके बचन सुनाऊ न लगे: तब महायाजक और ऊके संगियन ने महापंचायत हां और इस्राएलिययन के सब बूढ़े पुरनियन हां जोड़ो, और कैदखाने में कहला पठैओ कि उन हां ले आओ।

- प्रेरितन के काम 5:42

बे रोजीना मन्दर में और घर घर में बचन सुनात, और ई बात कौ भलो सन्देसो सुनाबे से, कि यीशु ही मसीह आय न रुके।

- रोमियों 12:8

यदि कोई बचन कौ परचारक होबै, तो बचन परचार में लगो रैबे; दान देबेवारो मुठी खोल के देबे, जौन अगुवाई करे, बो जोस से करे, जौन दया करे, बो खुसी से करे।

- पैली कुरिन्थियों 10:16

बो धन्नबाद कौ कटोरा, जी पे हम धन्नबाद करत आंय, का मसीह के रकत की संगत नईंयां? बो रोटी जिये हम तोड़त आंय, का बो मसीह की देयां की संगत नईंयां?

- दूसरी कुरिन्थियों 1:12

कायसे हम अपने हिये की जा बात मानत आंय, कि और ऊ पै बड़वाई करत आंय, कि संसार में और तुमाए बीच हमाई चाल परमेसुर को भाबेवारी पवित्तर और सांची हती, और ऐसो संसार के ज्ञान से नोंई, अकेले परमेसुर की दया से भई।

- दूसरी कुरिन्थियों 11:3

अकेले मोहां डर आय कि जैसे सरप ने होसियारी से हव्वा हां बिलोर दओ, ऊंसई तुमाओ मन को सीधोपन और साजोपन जौन मसीह के संग्गै होबो चईये कहूं बिगड़ न जाबै।

- इफिसियों 6:5

हे चाकरो, जौन संसार में तुमाए मालक आंय, उनसे डर के उनके बस में रओ, जैसे तुम यीशु मसीह की कई करत आव, ऊं सई उनकी सोई करो।

- कुलुस्सियों 3:22

हे चाकरो, अपने मालिक की बात मानो और सबरी बातन में उन हां खुस राखो, और ऐसो न करो कि जब बे तकत होबें तो दिखाबे हां तुम से डरके करें, पूरो मन लगाके काम करो।