- प्रेरितन के काम 2:4 - Bundeli Holy Bible

⁴ और बे सबरे पवित्तर आत्मा से भर गए, और जौन भांत पवित्तर आत्मा ने उन हां बोलबे की समझ दई, बे औरें दूसरी दूसरी भाषा बोलन लगे।

- प्रेरितन के काम 2:4 ပူးပေါင်းရင်းမြစ်များ

- मत्ती 10:19

जब बे तुम हां पकरवाएं तो चिन्ता न करियो, कि हम की विधी से; या का कै हैं: कायसे जो कछु तुम हां कहने हुईये, बो ओई बेरा तुम हां बता दओ जै है।

- मरकुस 16:17

और बिसवास करबे वालन में जे निसानी हुईयें कि बे मोरे नाओं से बुरई आत्मन हां निकाल हैं।

- लूका 1:15

कायसे बो पिरभु के सामूं महान हुईये; बो दाखन कौ रस और दारू कभऊं न पी है; बो अपनी माताई के गरभ से पवितर आत्मा से पूरो भर जै है।

- लूका 1:41

जैसई इलीशिबा ने मरियम कौ परनाम सुनो, उंसई बच्चा ऊके पेट में उछल पड़ो, और इलीशिबा पवित्तर आत्मा से भर गई।

- लूका 1:67

ऊ को बाप जकरयाह पवित्तर आत्मा से भर गओ, और आगमबानी करन लगो।

- लूका 12:12

कायसे पवित्तर आत्मा ओई बेरा तुम हां सिखा दै है, कि का कैबो चईये।

- लूका 21:15

कायसे मैं तुम हां सोच और समज देंहों, कि तुमाए सबरे बिरोधी तुमाओ सामना या वादविवाद न कर सक हैं।

- लूका 4:1

फिन यीशु पवित्तर आत्मा से भरो भओ, यरदन से लौटो; बो आत्मा के सिखाए से चालीस दिना लौ हार में फिरत रओ; और छलिया शैतान ऊहां परखत रओ।

- यूहन्‍ना 14:26

परन्त संग्गी यानि पवित्र आत्मा जीहां बाप मोरे नाओं में पठै है, बो तुम हां सब बातें सिखा है, और सब कछु जौन मैंने तुम से कई आय, तुम हां खबर करा है।

- यूहन्‍ना 20:22

और जब बो जौ कह चुको, तो ऊ ने उन पे फूंको और उन से कई, पवित्र आत्मा लेओ।

- प्रेरितन के काम 1:5

कायसे यूहन्ना ने तो पानू से बपतिस्मा दओ आय, पर थोड़े दिना के पछारें तुम पवित्तर आत्मा से बपतिस्मा पा हौ।

- प्रेरितन के काम 1:8

पर जब पवित्तर आत्मा तुम पे आ है तब तुम बल पा हौ; और यरूशलेम और सबरे यहूदिया और सामरिया में, और धरती के छोर लौ मोरे गवाह हुईयो।

- प्रेरितन के काम 10:46

कायसे उन ने उन हां भांत भांत की भाषा बोलत और परमेसुर की बड़ाई करत सुनो।

- प्रेरितन के काम 10:47

ई पे पतरस ने कओ; का कोई पानू हां रोक सकत आय, कि बे बपतिस्मा न पाएं, जिन ने हमाए घांई पवित्तर आत्मा पाओ आय?

- प्रेरितन के काम 11:15

और जैसई मैंने बोलबो शुरू करो, वैसई पवित्र आत्मा उन पै भी ओई रीत से उतरो, जैसो शुरू में हम पे उतरो हतो।

- प्रेरितन के काम 11:24

कायसे बो भलो मान्स हतो; और पवित्र आत्मा और भरोसे से भरपूर हतो: और बिलात लोग प्रभु के ऐंगर आए।

- प्रेरितन के काम 13:52

और चेले खुसी और पवित्र आत्मा से सदा भरपूर होत गए।

- प्रेरितन के काम 13:9

पर शाऊ ल ने जौन पौलुस भी कहात हतो, पवित्र आत्मा से भरपूर होकें ऊ की कोद गौर से हेर के कई।

- प्रेरितन के काम 15:8

और परमेसुर जौन मन हां जानत आय, हमाई तरहां उनहां भी पवित्र आत्मा देके, उन की कोद में गवाही दई।

- प्रेरितन के काम 19:6

जब पौलुस ने उन पे अपनो हाथ धरो, बे तरह तरह की बोली बोलन लगे और अगमबाणी करन लगे।

- प्रेरितन के काम 2:11

बे औरें अपनी अपनी भाषा में उनसे परमेसुर के बड़े बड़े कामन की चरचा सुनत हते।

- प्रेरितन के काम 2:3

और उन हां आगी की सी जीभें फटत भई दिखानी; और उन में से हर जने पे आ ठैरीं।

- प्रेरितन के काम 4:31

जब बे बिन्तवाई कर चुके, तो बा जांगा जिते बे जुड़े हते हल गई, और बे सबरे पवित्तर आत्मा से भर गए, और परमेसुर कौ बचन हियाव से सुनात रए।

- प्रेरितन के काम 4:8

तब पतरस ने पवित्तर आत्मा से भर के उन से कओ।

- प्रेरितन के काम 6:3

ई लाने हे भईया हरौ, अपने में से सात नामी मान्सन हां जौन पवित्तर आत्मा और समझदारी से भरे होबें, नबेर लेओ, कि हम उन हां ई काम पे ठैरा देबें।

- प्रेरितन के काम 6:5

जा बात सबरी मण्डली हां नोनी लगी, और उन ने स्तिफनुस नाओं के एक जनें हां जौन बिसवास और पवित्तर आत्मा से भरो हतो, और फिलिप्पुस और प्रुखुरुस और नीकानोर और तीमोन और परमिनास और अन्ताकीवासी नीकुलाउस हां जौन यहूदी मत में आ गओ हतो, नबेर लओ।

- प्रेरितन के काम 6:8

स्तिफनुस अनुग्रह और सामर्थ से भर के मान्सन में बड़े बड़े अदभुत काम और चिन्ह दिखात हतो।

- प्रेरितन के काम 7:55

पर ऊ ने पवित्तर आत्मा से भरके सरग कोद तको और परमेसुर की मईंमा करी और यीशु हां परमेसुर के सूदे हाथ ठांड़ो तको और कओ।

- प्रेरितन के काम 8:17

तब उन ने उन पे हाथ धरे और उन ने पवित्तर आत्मा पाओ।

- प्रेरितन के काम 9:17

तब हनन्याह उठ के ऊ घर में गओ, और ऊ पे अपनो हाथ धर के कओ, हे भाई शाऊ ल, पिरभु याने कि यीशु, जौन ऊ गैल में, जीसे तें आओ आय तोहां दिखाई दओ हतो, ओई ने मोय पठैओ आय, कि तें फिन के तकन लगै और पवित्तर आत्मा से भरपूर हो जाबै।

- रोमियों 15:13

परमेसुर जौन आसा को दैबेवारो आय, तुम हां बिसवास करबे में सबरी भांत की खुसी से सान्ति भर देबे, कि पवित्तर आत्मा के बल से तुमाई आसा बढ़त जाय।

- पैली कुरिन्थियों 12:10

फिन कोऊहां अचरज के काम करबे हां सक्ति; और कोऊहां अगमबानी की; और कोऊहां आत्माओं की जांच परख; और कोऊहां कुल्ल भांत की भाषा; और कोऊहां भाषा कौ मतलब बताबो।

- पैली कुरिन्थियों 13:1

जदि मैं मान्सन और सरगदूतन की बोलियां बोलों, और प्रेम न धरों, तो मैं ठनठानात भओ पीतल, और झनझानात भई झांझ आंव।

- पैली कुरिन्थियों 13:8

प्रेम कभऊं टलत नईंयां; अगमबानी होबें तो मिट जै हैं; भाषाएं बोली होबें तो जात रै हैं; ज्ञान होबे, तो मिट जै है।

- पैली कुरिन्थियों 14:18

मैं अपने परमेसुर कौ धन्न मानत आंव, कि मैं तुम सबरन से बढ़के दूसरी दूसरी भाषा में बोलत आंव।

- पैली कुरिन्थियों 14:5

मैं चाहत आंव, कि तुम सबरे दूसरी भाषाओं में बातें करो, परन्त और अधक जौ चाहत आंव कि अगमवानी करो: कायसे कि दूसरी भाषा बोलबेवारो समाज की बढ़ती के लाने अनुवाद न करे तो अगमवानी कैबेवारो ऊसे बढ़ के आय।

- इफिसियों 3:19

और मसीह के ऊ प्रेम हां जान सकौ, जौन ज्ञान से बायरे आय, कि तुम परमेसुर की सबरी बातन में पक्के हो जाओ।

- इफिसियों 5:18

और दाखन के रस पीके बेसुर्त न हो, कायसे ऐसे में बुरय काम होत आंय, पै आत्मा से भरत जाओ।

- इफिसियों 6:18

और सबरी बेरा मन से बिन्तवारी करत रओ, सो जगत रओ, और सब तरन तारन पाए भईयन के लाने बिन्तवारी करत रओ।

- 1 पतरस 1:12

उन पे जौ उजागर करो गओ, कि बे अपनी नोंई परन्त तुमाई सेवा के लाने जे बातें कओ करत हते, जी की खबर अब तुम हां उन से जौन सरग से पठैओ गओ: तुम हां भलो सन्देसो सुनाओ, और इन बातन हां सरगदूत सोई ध्यान से देखबे की मनसा राखत आंय।

- 2 पतरस 1:21

कायसे कोनऊं आगमवानी मान्सन की मनसा से कभऊं नईं भई, पर भगत जनें पवित्तर आत्मा से आज्ञा पाके परमेसुर कुदाऊं से बोलत हते।