- प्रेरितन के काम 18:26 - Bundeli Holy Bible

²⁶ बो प्रार्थनाघर में बिना भय के बोलन लगो, पर जब प्रिस्किल्ला और अक्विला ने ऊ की सुनी, तो उन ने ऊहां एक कोद लै जाके, परमेसुर की गैल के बारे में और भी सही सही समझाओ।

- प्रेरितन के काम 18:26 ပူးပေါင်းရင်းမြစ်များ

- मरकुस 10:15

मैं तुम से सांची कैत आंव, जो कोऊ परमेसुर के राज्य हां बच्चा की नाईं न अपनाए, ऊ ऊ में कभऊं पिड़ न पाहै।

- लूका 19:26

मैं तुम से कैत आंव, कि जीके ऐंगर आय, ऊ ए और दओ जै है; और जीके ऐंगर नईंयां ऊसे ऊ सोई जौन ऊके ऐंगर आय ऊसे ले लओ जै है।

- लूका 24:27

तब यीशु ने मूसा और सबरे आगमवकतन से शुरु कर के सबरे पवित्तर धरम पोथी में से, अपने बारे में लिखी भईं बातन कौ मतलब, उन हां समजा दओ।

- यूहन्‍ना 7:17

जदि कोऊ मान्स ऊ की मनसा पूरी करबे हां तईयार आय, तो बो ई सीख सें जान जै है, कि जे परमेसुर की कोद से आय, या मैं अपनी कोद से कैत आंव।

- प्रेरितन के काम 14:3

ई लाने बे उते बिलात दिन लौ रए, और प्रभु पे भरोसा धरत भए, बेखटके परचार करत रए, और प्रभु उन के हाथन से चमत्कार और अचरज के काज करवा के अपनी आसीस के बोलन की गवाही देत रओ।

- प्रेरितन के काम 18:18

तब पौलुस ने उते और बिलात दिना लौ रुक के, भाईयन से विदा लई और प्रिस्किल्ला और अक्विला संग्गै पानू की गैल से सीरिया हां चलो गओ, किंखिया में ऊ ने मूड़ मुड़वाओ कायसे ऊ ने मन्नत मानी हती।

- प्रेरितन के काम 18:25

ई मान्स हां प्रभु के गैल की सीख दई गई हती, बो बड़े आत्मिक जोस से भरके यीशु के बारे में सही सही सुनात और सिखात हतो, पर बो केवल यूहन्ना के बपतिस्मा के बारे में जानत हतो।

- प्रेरितन के काम 19:8

बो प्रार्थनाघर में जाके तीन महिना लौ बेखटके बोलत रओ, और परमेसुर के राज्य के बारे में बतकाव करत और उनहां समझात रओ।

- प्रेरितन के काम 28:23

तब ऊके लाने एक दिना ठहराओ गओ, और बिलात जनें ऊ की रहबे की जांगा पे आए, ऊ ने परमेसुर के राज्य के बारे में सोचत भए, गवाही देके उनहां समझाओ, और भुनसारे से संजा लौ मूसा की रीति और आगमवक्तन की पोथियन से यीशु के बारे में उनहां समझाबे की कोसिस करत रहो।

- प्रेरितन के काम 8:31

ऊ ने कओ, जब लग कोऊ मोय न समजाए मैं कौन भांत समझ सकत आंव? ऊ ने फिलिप्पुस से कओ, रथ में चढ़ के मोरे ऐंगर बैठ।

- पैली कुरिन्थियों 12:21

आंख हाथ से नईं कै सकत, कि तें मोरे काम कौ नईंयां, और न मूड़ गोड़न से कै सकत आय, कि तें मोरे काम कौ नईंयां।

- पैली कुरिन्थियों 3:18

कोऊ अपने आप हां धोखा न देबे: जदि तुम में से कोऊ ई संसार में अपने आप हां ज्ञानी समझे, तो मूरख बने; कि ज्ञानी हो जाबै।

- पैली कुरिन्थियों 8:2

जदि कोऊ समझे, कि मोहां कछु पता आय, तो जैसो जानो चईये ऊंसो अबै लौ नईं जानत।

- इब्रानियों 6:1

सो अब हमें समझवारो हो जाओ चईये, जौन पिरभू मसीह की पेंला की बातें नईं, परन्त बड़े हो जाबो चईये, कि समझें कि हम ने कैसे अपने बुरय कामन हां छोड़ के अपनो चित्त परमेसुर की बातन पै लगाओ।

- 2 पतरस 3:18

परन्त हमाए पिरभु, और तारन करबेवारे यीशु मसीह के अनुग्रह और सान्ति में बढ़त जाओ।