- प्रेरितन के काम 16:34 - Bundeli Holy Bible

³⁴ और उनहां अपने घरै लै जाके, ऊ ने तुरतईं रोटी परोसी और सबरे कुनवा के संग्गै परमेसुर पे भरोसा करके बिलात खुसी मनाई।

- प्रेरितन के काम 16:34 ပူးပေါင်းရင်းမြစ်များ

- लूका 15:32

अब खुसी मनाबो और मगन होबो चईये, कायसे जौ तोरो भाई मर गओ हतो फिन जी गओ आय; हिरा गओ हतो, अब मिल गओ आय।

- लूका 19:6

बो तुरतऊं उतर के खुसी से ऊ ए अपने घरै ले गओ।

- लूका 5:29

तब लेवी ने अपने घर में यीशु के लाने एक बड़ो भोज दओ; और चुंगी लेबेवारन कौ और औरन मान्सन कौ जौन ऊके संग्गै जेबे हां बिराजे हते, एक बड़ो झुण्ड हतो।

- प्रेरितन के काम 11:14

बो तोय ऐंसी बतें बता है, जीके द्वारा तें और तोरो सबरो कुटुम्ब उद्धार पा है।

- प्रेरितन के काम 16:15

जब ऊ ने और ऊके घर बारन ने बपतिस्मा लओ, तो हम से बिनती करी, अगर तुम मोय परमेसुर की बिसवासिनी मानत आव, तो आके मोरे घरै ठहरो; और बा हमें मनाकर ले गई।

- प्रेरितन के काम 16:35

जब भुनसारो भओ तब खास हाकिमन ने जौ कह के सिपाहियन हां पठैव, उन मान्सन हां छोड़ देओ।

- प्रेरितन के काम 2:46

और बे हर एक दिन एक मन होकें मन्दर में जुड़त हते, और घर घर रोटी तोड़त भए खुसी और मन की सीधाई से भोजन करत हते।

- प्रेरितन के काम 8:39

जब बे पानू में से कड़ के ऊपर आए, तो पिरभु कौ आत्मा फिलिप्पुस हां उठा ले गओ, और खोजे ने ऊहां फिन न तको, और खोजा अपनी गैल पे खुसी खुसी चलो गओ।

- रोमियों 15:13

परमेसुर जौन आसा को दैबेवारो आय, तुम हां बिसवास करबे में सबरी भांत की खुसी से सान्ति भर देबे, कि पवित्तर आत्मा के बल से तुमाई आसा बढ़त जाय।

- रोमियों 5:11

अकेले जौ नईं, पर हम अपने पिरभु यीशु मसीह के द्वारा हमाओ मेल मिलाप भओ आय, परमेसुर में खुसी मनात आंय।

- रोमियों 5:2

जी के द्वारा बिसवास के काजें ऊ दया, जी में हम बने आंय, हमाई पोंच सोई भई, और परमेसुर की मईमा की आसा पे घमण्ड करें।

- गलतियों 5:22

अकेले आत्मा के फल प्रेम, आनन्द, मेल मिलाप, धीरज धरबो।

- फिलिप्पियों 4:17

जौ नईंयां कि मोहां कछु चईये परन्त मैं चाहत आंव कछु ऐसी बातें, जौन से आगे हां तुमाओ फायदा होबे।

- फिलिप्पियों 4:4

पिरभू में हमेसा खुस रओ; मैं फिन कैत आंव कि खुस रओ।

- फिलेमोन 1:7

कायसे भईया, तोरो प्रेम जो प्रभु से और मान्सन से लगो आय, ऊसे हमाए मन हां अच्छो लगो, सुनो आय कि तोसें मण्डली के जनन के मन हरे हो गए आंय।

- 1 यूहन्‍ना 3:18

हे लड़को, हम अपने मों की बोली से नईं, परन्त अपने कामन और सत्त से प्रेम करबें।