- प्रेरितन के काम 14:23 - Bundeli Holy Bible

²³ फिन उन ने हरएक मण्डली में सियानन हां ठहराके, उपवास के संग्गै प्रार्थना करी, और उनहां प्रभु के हाथन में सौंप दओ, जी पे उन ने भरोसा करो हतो।

- प्रेरितन के काम 14:23 ပူးပေါင်းရင်းမြစ်များ

- मत्ती 17:21

जब बे गलील में हते, तो यीशु ने उन से कई; मान्स कौ पूत मान्सन के हाथन में पकड़वाओ जा है।

- मरकुस 3:14

तब ऊ ने बारह मान्सन हां अपने ऐंगर रख लओ, कि बे ऊके संगै संगै रएं, और ऊ उन हां पोंचाबे, कि बे प्रचार करें।

- लूका 2:37

बा चौरासी बरस से बिधवा हती: और मन्दर हां न छोड़त हती पर उपवास और बिन्तवाई कर दिन रात भजन भक्ति करत हती।

- लूका 23:46

यीशु ने जोर से टेर के कओ; हे पिता, मैं अपनी आत्मा तोरे हाथ में सौंपत आंव: और जौ कै कें प्रान छोड़ दओ।

- प्रेरितन के काम 1:22

जौ सई रै है कि उन में से एक जनो हमाए संग्गै ऊके जी उठबे कौ गवाह हो जाए।

- प्रेरितन के काम 1:24

और जौ क ह के बिन्तवाई करी; कि हे पिरभु, तें जो सबन के हिये जानत आय, जौ उजागर कर कि इन दोईयन में से तेंने कीहां नबेरो आय।

- प्रेरितन के काम 11:30

उन ने ऐंसई करो; और बरनाबास और शाऊ ल के हाथन प्राचीनन के ऐंगर कछु पठै दओ।

- प्रेरितन के काम 14:26

उते से बे जहाज से अंताकिया गए, जिते बे परमेसुर की आसीस में, ऊ काज के लाने सौंपे गए जीहां उन ने पूरो करो हतो।

- प्रेरितन के काम 15:23

उन ने उनके हाथन जा पाती पठैई, प्रेरितन और उन भाईयन की कोद से, जौन सियाने आंय अन्ताकिया, सीरिया और किलिकिया के भाईयन हां, जौन गैर यहूदियन में से आंय, परनाम।

- प्रेरितन के काम 15:4

जब बे यरूशलेम पोंचे, तो उन कौ सत्कार मण्डली, प्रेरितन और सियानन द्वारा करो गओ, तब उन ने बो सब कछु कह सुनाओ, जौन परमेसुर ने उन के संग्गै करो हतो।

- प्रेरितन के काम 15:6

प्रेरित और सियाने ई बारे में बिचार करबे के लाने जमा भए।

- प्रेरितन के काम 20:17

ऊ ने मीलेतुस से इफिसुस हां खबर पाठेय के, और मण्डली के सियानन हां अपने ऐंगर टिरवाओ।

- प्रेरितन के काम 20:32

और अब मैं तुमहां परमेसुर, और ऊके आसीस के बचन हां सोंपत आंव, जौन तुमाई तरक्की कर सकत आय, और सब पवित्र करे गए लोगन के संग्गै बिरासत दे सकत आय।

- दूसरी कुरिन्थियों 8:19

इतनो नईं, मण्डली ने सोई सोचो कि दान के काम में बो हमाए संग्गै जाबे, सो हम जा सेवा ईसे करत आंय, कि पिरभू को मान बढ़े और हमाए मन को राजी होबो पता हो जाबे।

- 1 तीमुथियुस 5:1

कोई बूढ़े जने हां न डांटिये; परन्त बाप समझ के समझा दईये, और जुआनन हां भईया सोच के, और बूढ़ियन हां मताई सोच के।

- 1 तीमुथियुस 5:22

कोई बिसवासी पै झट्टई हाथ न धरियो और दूसरन के पाप में संग्गी न हुईयो: अपने हां साजो बनाए राखियो।

- 2 तीमुथियुस 1:12

ऐई से मैं जे दुख उठा रओ आंव, और लजात नईंयां, कायसे मैंने जिन पै बिसवास धरो आय उन हां जानत आंव; और मोहां पक्को आय, कि जौन जीवन मैंने उन हां दे दओ आय ऊहां साजो धरे रै हैं।

- 2 तीमुथियुस 2:2

जौन बातें तेंने बिलात जनन के सामूं मोय से सुनी आंय, उन हां दूसरे बिसवास करबेवारन हां सुना दे; जौन औरन हां बेई बातें सिखाबें।

- तीतुस 1:5

मैं ई काजें तोहां क्रेते में छोड़ आओ हतो, कि तें जौन बातें बचीं आंय उन हां ठीक ठाक करे, और जैसी मैंने कई हती कि हरएक जांगा पै प्राचीनन हां काम पै लगाए।

- याकूब 5:14

जदि तुम में कोई रूगिया बिमार आय, तो समाज के बड़े बूढ़न हां बुलाबै, और बे पिरभु के नाओं से ऊपै तेल लगा के ऊके लाने बिन्तवाई करें।

- 1 पतरस 5:1

तुम में जौन धार्मिक बूढ़े आंय, मैं उनईं घांई धार्मिक बूढ़ों और मसीह की पीड़ाओं को गवाय और उजागर होबेवारी मईमां में संगसाथी होकें जा विनय करत आंव।

- 1 पतरस 5:10

अब परमेसुर जौन सबरी दया कौ दाता आय, जीने तुम हां मसीह में अपनी सदा की मईमा के लाने बुलाओ आय, तुमाए तनक बेरा लौ पीड़ा उठाबे के पाछें खुद तुम हां सिद्ध, पक्को, सकतीवान और पक्को कर है।

- 2 यूहन्‍ना 1:1

मैं सियाने ने ऊ निबरी भई बईयरें और उनके लड़कावारन हां लिखो, जिन हां परमेसुर सांचो प्रेम धरत आय, ई लाने कि हम ने उनकी सांची बातन हां मानो आय, और उन हां पक्को पकड़ें आय, जौन बातें पक्की आंय।

- 3 यूहन्‍ना 1:1

मैं सियाने ने जा चिठिया लिखी प्यारे गयुस के नाओं, जीहां मैं मन से चाहत आंव।