- प्रेरितन के काम 13:16 - Bundeli Holy Bible

¹⁶ तब पौलुस ठांड़ो भओ और हाथन से इसारो करके कहन लगो; हे इस्राएलियो, और प्रभु को भय मानबेवालो सुनो।

- प्रेरितन के काम 13:16 ပူးပေါင်းရင်းမြစ်များ

- मत्ती 11:15

जीके सुनबे के कान होबें, बो सुन ले।

- लूका 1:22

जब बो बायरें कड़ो, तो उन से बोल न सको: सो बे जान गए, कि ऊने मन्दर में कोनऊं दर्शन पाओ आय; और बो उन से इसारो करत रओ, और गूंगो रह गओ।

- लूका 1:50

और ऊ की दया उन पे, जौन ऊसे डरत आंय, पीढ़ी से पीढ़ी लौ बनी रैत आय।

- लूका 23:40

पर दूसरे ने ऊहां डांट के कओ, का तें परमेसुर से सोई नईं डरात? तें सोई ओई सजा पा रओ आय।

- प्रेरितन के काम 10:2

ऊ भक्त हतो, और अपने सबरे घराने सुदा परमेसुर से डरात हतो, और यहूदी मान्सन हां कुल्ल दान देत, और बिरोबर परमेसुर से बिन्तवाई करत हतो।

- प्रेरितन के काम 10:35

जाने कै हर जाति में जौन ऊसे डरत और धरम के काम करत आय, बो ऊ ए साजो लगत आय।

- प्रेरितन के काम 12:17

पर ऊ ने उनहां सान्त रहबे कौ इसारो हाथन से करके बताओ, कि प्रभु ने मोय की तरहां जेलखाने से बायरें काड़ो, फिन ऊ ने कई, याकूब और भाईयन हां जौ बता दईयो, तब बो उते से कड़ के कोई दूसरी जांगह निंग गओ।

- प्रेरितन के काम 13:26

हे भईया हरौ, इब्राहीम के बच्चो; और तुम में से जौन परमेसुर कौ भय मानत आय, तुमाए लाने ही उद्धार कौ बचन पठैव गओ आय।

- प्रेरितन के काम 13:46

तब पौलुस और बरनाबास ने जोर देके कई, जौ जरूरी हतो, की परमेसुर कौ बोल पेंला से तुम हां सुनाओ जातो: पर ई लाने की तुम ऊ को नईं मानत आव, और अपने आपई हां अनन्त जीवन के लाने नईं ठहरात आव, तो हेरो, हम गैर यहूदियन की कोद जात आंय।

- प्रेरितन के काम 19:33

तब भीड़ में कछु लोग ने सिकन्दर हां, जीहां यहूदियन ने आंगू ठांड़ो कर दओ हतो, सिकन्दर ने हाथ से इसारो करके बचाव में बैठक हां बोलबो चाहो।

- प्रेरितन के काम 2:14

तब पतरस प्रेरितों के संग्गै ठांड़ो भओ और ऊं ची आवाज में कओ, हे यहूदियो और यरूशलेम के सबरे रैबेवारो, मोरी बातन हां समजो और कान लगा के मोरी बातें सुनो।

- प्रेरितन के काम 2:22

हे इस्राएलियो, जे बातें सुनो: कि यीशु नासरी नाओं को एक मान्स हतो बो परमेसुर कोद से आओ हतो जा बात ऊके द्वारा करे गए सामर्थ के काम, आश्चर्य कर्म और चिन्हों से साबित आय, जौन परमेसुर ने तुमाए बीच ऊके द्वारा करे, जीहां तुम जानत आव।

- प्रेरितन के काम 21:40

जब ऊ ने हुकम दै दओ, तो पौलुस ने छिड़ियन पै ठांड़े होकें अपने हाथन से लोगन की कोद इसारो करो, और जब उते सन्नाटा छा गओ, तो ऊ ने लोगन से इब्रानी बोली में कई।

- प्रेरितन के काम 22:22

बे ऊके ई कथन हां तो सुनत रए; फिन जोर से चिल्या के कहन लगे, ऐसे मान्स कौ धरती पे से अन्त कर देओ, कायसे ऊ को जीयत रहबो सही नईंयां।

- प्रेरितन के काम 3:12

जौ तक के पतरस ने मान्सन से कओ; हे इस्राएलियो, तुम ई मान्स पे काय चकित होत आव, और हमाई कोद ई भांत काय तक रय आव, कि मानो हमईं ने अपने बल या भक्ति से ईहां निंगबे जोग बना दओ आय।

- यूहन्‍ना के दरसन कौ खुलासा 2:11

जीके कान होबें, बो सुन लेबें कि आत्मा मण्डलियन से का कैत आय: कि जौन इन बातन में पक्को बनो रै है ऊहां दूसरी मृत्यु से कछु न हुईये।

- यूहन्‍ना के दरसन कौ खुलासा 2:17

जीके कान होबें, बो सुन लेबें कि आत्मा मण्डलियन से का कैत आय; जौन इन बातन हां मान है, ऊहां मैं गुप्त मन्ना में से दै हों; और ऊहां एक सफेद पथरा सोई दै हों, और ऊ पथरा पै एक नाओं लिखो हुईये, जीहां केवल बे जान हैं जीहां बो मिल है।

- यूहन्‍ना के दरसन कौ खुलासा 2:29

जीके कान होबें, बो सुन लेबें कि आत्मा मण्डलियन से का कैत आय।

- यूहन्‍ना के दरसन कौ खुलासा 2:7

जीके कान होबें, बे सुन लेबें कि आत्मा मण्डलियन से का कैत आय: कि जो जय पाबै, मैं ऊहां जीवन दैबेवारे पेड़ में से जो परमेसुर के सरगलोक में लगो आय, ऊके फल खैबे हां दै हों।