- प्रेरितन के काम 12:9 - Bundeli Holy Bible

⁹ बो बायरें कड़ो और ऊके पाछें पाछें चलो गओ; पर ऊ की समझ में जौ नईं आ रओ हतो, कि जो कछु सरगदूत कर रओ आय, बो सांची आय, पर ऊ ने जा सोची, कि मैं कोई दरसन हेर रओ आंव।

- प्रेरितन के काम 12:9 ပူးပေါင်းရင်းမြစ်များ

- उत्पत्ति 45:26

और ऊसें जा कई, “यूसुफ अब लौ जिन्‍दा आय, और पूरे मिस्र देस पै राज ओई करत आय।” परन्‍त ऊने उनकौ बिस्‍वास नें करो और ऊ अपने आपे में नें रओ।

- उत्पत्ति 6:22

यहोवा परमेसुर के ई हुकम के अनसार नूह ने करो।

- यूहन्‍ना 2:5

ऊ की मताई ने चाकरन से कई, जो कछु बो तुम से कय, ओई करियो।

- प्रेरितन के काम 10:17

जब पतरस अपने हिये में दुबधा कर रओ हतो, कि जो दर्शन मैंने तको आय, बो का हो सकत आय? तो तको, बे मान्स जिन हां कुरनेलियुस ने पठैओ हतो, शमौन के घर कौ पता लगा दोरे पे आ ठांड़े भए।

- प्रेरितन के काम 10:3

ऊ ने दिन के तीसरे पहर दर्शन में साफ साफ तको, कि परमेसुर कौ एक सरगदूत ऊके ऐंगर आओ और कैन लगो; हे कुरनेलियुस।

- प्रेरितन के काम 11:5

मैं याफा नगर में प्रार्थना कर रओ हतो, मैंने बेसुध होकें एक दर्शन हेरो, कि एक बड़ी चदरा घांई कोऊ बस्त, चारऊं कोने से लटकत भई, आकास से उतर रई आय, बो ठीक मोरे ऐंगर आ गई।

- प्रेरितन के काम 12:8

सरगदूत ने ऊसे कई; करियाई बांध और अपनी पनईयां पहिन ले, ऊ ने वैसई करो, फिन ऊ ने ऊसे कई, अपने उन्ना पहिन के मोरे पाछें आ।

- प्रेरितन के काम 26:19

ई लाने हे राजा अग्रिप्पा, मैंने ऊ स्वर्गीय दरसन के हुकम कौ नईं टालो।

- प्रेरितन के काम 9:10

दमिश्क में हनन्याह नाओं कौ एक चेला हतो, ऊसे पिरभु ने दर्शन में कओ, हे हनन्याह! ऊ ने कओ; हओ पिरभु।

- इब्रानियों 11:8

बिसवास से इब्राहीम हां जब परमेसुर ने टेरो तो ऊ जांगा निकल गओ जौन ऊहां मिलबेवारी हती, बो जौ न जानत हतो, कि बा कैसी जांगा आय; परन्त चलो गओ।