- प्रेरितन के काम 12:5 - Bundeli Holy Bible

⁵ ई तरहां पतरस जेलखाने में धरो गओ, पर मण्डली ऊके लाने परमेसुर से एक मन से प्रार्थना करत रई।

- प्रेरितन के काम 12:5 ပူးပေါင်းရင်းမြစ်များ

- मत्ती 18:19

मैं तुम से फिन कहत आंव, अगर तुम में से दो जनें धरती पे प्रार्थना के लाने एक मन हुईंयें, तो बो मोरे स्वर्गीय बाप की कोद से उन के लाने पूरी हो जै है।

- लूका 18:1

फिन यीशु ने ई के बारे में कि लगातार बिन्तवाई करो और हियाव न छोड़ो चाहिये उन से जा कनौत कई।

- प्रेरितन के काम 12:12

जब ऊहां जौ मालूम भओ तो ऊ यूहन्ना की मताई मरियम के घरै गओ, जौन मरकुस सोई कहात आय; जिते बिलात लोग जमा होकें प्रार्थना कर रए हते।

- प्रेरितन के काम 12:4

और ऊ ने ऊहां पकड़वा के जेलखाने में डाल दओ, और चार चार सिपाईयन के चार दल हां पहरा पे ई लाने धरो, कि फसह के पाछें ऊहां बायरें मान्सन के सामूं लाओ जाबै।

- प्रेरितन के काम 12:6

जी रात हेरोदेस ऊहां बायरें काड़बेवालो हतो, पतरस दो जंजीरन से बंधो भओ, दो सिपाईयन के बीच में सो रओ हतो: और पहिरेदार द्वार पे रखनवारी कर रओ हतो।

- पैली कुरिन्थियों 12:26

ई लाने जदि एक अंग में पिरातो होबे, तो सबरे अंग ऊके संग्गै पीड़ा पाऊ त आंय; और जदि एक अंग की बड़वाई होत आय, तो ऊके संग्गै सबरे खुसी मनात आंय।

- दूसरी कुरिन्थियों 1:11

तुन सोई जुड़के बिन्तवारी करके हमाओ हाथ बटा हौ, कि जौन बरदान मिलो आय, उनसे बिलात जनें हमाए लाने धन्न मानें।

- 1 थिस्सलुनीकियों 5:17

हमेसा बिन्तवारी करत रओ।

- इब्रानियों 13:3

जौन जेहल में आय, उनको ध्यान रखियो जौ मानके कि तुमई जेहल में आव; जीके संग्गै बुरओ होबे उनकी सोई चिन्ता करियो, जौ सोच के तुम उन के संग्गै आव।

- याकूब 5:16

ई लाने तुम अपने अपने पापन हां एक दूजे के सामूं मान लेओ; और एक दूजे के लाने बिन्तवाई करो, जीसे चंगे हो जाओ; धर्मी जन की बिन्तवाई के असर से भौत कछु हो सकत आय।