- प्रेरितन के काम 11:26 - Bundeli Holy Bible

²⁶ जब बो ऊहां मिल गओ तो ऊहां अन्ताकिया लै आओ, तब ऐसो भओ कि बे पूरे एक बरस लौ मण्डली के संग्गै मिलत और बिलात लोगन हां सीख देत रए, और चेले सब से पेंला अन्ताकिया में मसीही कहलाए।

- प्रेरितन के काम 11:26 ပူးပေါင်းရင်းမြစ်များ

- मत्ती 28:19

ई लाने जाओ और सब जातन के लोगन हां चेला बनाओ, और उन हां बाप, पूत और पवित्रआत्मा के नाओं से बपतिस्मा देओ।

- यूहन्‍ना 2:2

यीशु और ऊके चेले सोई ब्याव के बुलौआ में आए हते।

- प्रेरितन के काम 1:15

और उनई दिना में पतरस भईयन के संग्गै जौन एक सौ बीस के लगभग इकट्ठे जुड़े हते, ठांड़ो होकें कैन लगो।

- प्रेरितन के काम 11:20

पर उन में से कछु क्रुप्रुस और कुरेनी हते, जौन अन्ताकिया पोंच के यूनानियन हां भी प्रभु यीशु कौ सन्देसो सुनाउन लगे।

- प्रेरितन के काम 11:22

जब उन की चरचा यरूशलेम की मण्डली के कानों लौ पोंची, तो उन ने बरनावास हां अन्ताकिया पठैय दओ।

- प्रेरितन के काम 11:27

उनईं दिना कछु अगमवकता यरूशलेम से अन्ताकिया हां आए।

- प्रेरितन के काम 11:29

चेलन ने ठानी, कि हरएक अपनी अपनी हैसियत के अनसार यहूदिया में रहबे वाले भाईयन की मदद के लाने कछु पठैय।

- प्रेरितन के काम 14:20

पर चेले जब ऊके चारऊं कोद आ ठांड़े भए, तो बो उठो और नगर में गओ और दूसरे दिना बो बरनाबास के संग्गै दिरबे चलो गओ।

- प्रेरितन के काम 14:22

और चेलन के मन पक्को करत रए कि पक्के बने राबें, जौ कह के हिम्मत बंधात रए; हम हां बिलात दुख पीड़ा उठाके परमेसुर के राज में जाने आय।

- प्रेरितन के काम 14:23

फिन उन ने हरएक मण्डली में सियानन हां ठहराके, उपवास के संग्गै प्रार्थना करी, और उनहां प्रभु के हाथन में सौंप दओ, जी पे उन ने भरोसा करो हतो।

- प्रेरितन के काम 14:27

उते पोंच के उन ने मण्डली हां जमा करो और जौन कछु परमेसुर ने उनके संग्गै करो हतो, ऊहां कह सुनाओ और जौ भी कि कैसे, परमेसुर ने गैर यहूदियन के लाने भरोसे कौ द्वार खोल दओ।

- प्रेरितन के काम 14:28

तब बे चेलन के संग्गै बिलात दिना लौ रए।

- प्रेरितन के काम 18:27

जब ऊ ने ऊ पार अखाया हां जाबो चाहो, तो भाईयन ने ऊहां हिम्मत बंधाई और चेलन हां लिखो, की ऊ को सत्कार करियो और जब बो उते पोंचो, तो ऊ ने उन लोगन की बिलात मदद करी, जिन ने आसीस के द्वारा भरोसा करो हतो।

- प्रेरितन के काम 19:9

पर जब कछु लोगन ने कड़ो होकें ऊ की नईं मानी और भीड़ के आंगू ई धरम हां भलो बुरो कहन लगे, तो बो चेलन हां लैके उन से अलग हो गओ, और तुरन्नुस की पाठशाला में रोजीना बतकाव करत रओ।

- प्रेरितन के काम 20:1

दंगा थम जाबे के पाछें पौलुस ने चेलन हां टेरो, उनहां समझाबे के बाद उन से विदा लैके, बो मकिदुनिया कोद चल दओ।

- प्रेरितन के काम 20:30

और तुमाए बीच ऐसे लोग ठांड़े हुईयें, जौन चेलन हां अपने लिगां खेंच लैबे के लाने ऊंट पटांग बात कर हैं।

- प्रेरितन के काम 21:4

और चेलन से भेंट करके हम उते सात दिना लौ रए, और बे आत्मा की अगुवाई से पौलुस से कहत रए, की यरूशलेम में गोड़े न धरियो।

- प्रेरितन के काम 26:28

तब अग्रिप्पा ने पौलुस से कई, तें तनक समझाबे से मोय मसीही बनाओ चाहत आय।

- प्रेरितन के काम 6:1

उन दिना में जब चेलन की गिनती कुल्ल बढ़न लगी, तब यूनानी भाषा बोलबेवारे इब्रानी भाषा बोलबेवारन पे कुड़कुड़ऊन लगे, कि रोज रोज की सेवकाई में हमाई बिधवाओं की सुधि नईं लई जात।

- प्रेरितन के काम 6:5

जा बात सबरी मण्डली हां नोनी लगी, और उन ने स्तिफनुस नाओं के एक जनें हां जौन बिसवास और पवित्तर आत्मा से भरो हतो, और फिलिप्पुस और प्रुखुरुस और नीकानोर और तीमोन और परमिनास और अन्ताकीवासी नीकुलाउस हां जौन यहूदी मत में आ गओ हतो, नबेर लओ।

- प्रेरितन के काम 9:19

बो कैऊ दिना उन चेलन के संग्गै रओ जो दमिश्क में हते।

- प्रेरितन के काम 9:38

ई लाने कि लुद्दा याफा के ऐंगर हतो, चेलन ने जौ सुन के कि पतरस उते आय, दो मान्स पठै के ऊसे बिन्तवाई करी, कि हमाए इते आबे हां अबेर न कर।

- पैली कुरिन्थियों 11:18

कायसे कि पैले तो मैं जौ सुनत आंव, कि जब तुम मण्डली में जुड़त आव, तो तुमए बीचा फूट रैत आय और मैं कछु कछु सांची सोई मानत आंव।

- पैली कुरिन्थियों 12:12

कायसे जौन भांत देयां तो एकई आय, परन्त ऊ में अंग बिलात आंय, और ऊ एक देयां के सबरे अंग, बिलात होबे पे सोई सबरे जुड़ के एकई देयां आय, ओई भांत मसीह सोई आय।

- पैली कुरिन्थियों 14:23

सो जदि समाज एक जांगा जुड़ी होबे, और सबरे जने दूसरी दूसरी भाषा बोलें, और जौन पढ़ो लिखो नईंयां और बिसवास न करबेवारे मान्स भीतरे आ जाबें, तो का बे तुम हां पगला न कै हैं?

- पैली कुरिन्थियों 4:17

ऐई लाने मैंने तीमुथियुस हां जौन पिरभु में मोरो बिसवास जोग लड़का आय, तुमाए ऐंगर पठैओ आय, ऊ तुम हां मसीह में मोरी चाल सुमरन करा है, जैसो कि मैं हर जांगा मंडलियन हां सिखाओ करत आंव।

- इफिसियों 3:15

जिनसे सरग और धरती पै, एक एक वंस को नाओं धरो जात आय।

- याकूब 2:7

का बे ऊ साजे नाओं हां नईं निंदरत, जीके तुम कहात आव?

- 1 पतरस 4:14

फिन जदि मसीह के नाओं के लाने तुम हां निन्दरो जात आय, तो तुम धन्न आव; कायसे मईमा की आत्मा, जौन परमेसुर की आत्मा आय, तुम पे छाया करत आय।

- 1 पतरस 4:16

पर जदि मसीही होबे के काजें बो पीड़ा पाए, तो लज्जित न होय, पर ई बात के लाने परमेसुर की मईमा करे।

- 1 यूहन्‍ना 2:27

जैसे उन ने तुम हां अपनाओ, और जिन में तुम बने आव; सो अब कोई हां तुम हां और नईं चिताने, कायसे बे तो आपऊ तुम हां सबरी बातें बतात आंय; कोऊ सांचो आय लबरा नईंयां, सो जौन बातें उन ने बताई उन हां मानो।

- यूहन्‍ना के दरसन कौ खुलासा 3:18

ई लाने मैं तोहां सम्मति देत आंव, कि आगी में ताओ भओ सोना मोसे मोल ले कि सांचऊ में धनी हो जाबै; और सफेद उन्ना लैके पैर ले कि तोहां नंगेपन जैसी सरम न होबै; और अपनी आंखें आंजबे हां बढिया सुरमा लै ले, कि तोहां दिखान लगै।