- प्रेरितन के काम 11:24 - Bundeli Holy Bible

²⁴ कायसे बो भलो मान्स हतो; और पवित्र आत्मा और भरोसे से भरपूर हतो: और बिलात लोग प्रभु के ऐंगर आए।

- प्रेरितन के काम 11:24 ပူးပေါင်းရင်းမြစ်များ

- मत्ती 12:35

भलो मान्स अपने हिये के भले भण्डार से नोंनी बातें काड़त आय; और बुरओ मान्स अपने भण्डार से बुरई बातें काड़त आय।

- मत्ती 19:17

ऊने कई, तें मोय से भले काम के बारे में काय पूंछत आय? केवल एकई तो भलो आय; अगर तें जीवन में जाबो चाहत आय, तो आज्ञाओं कौ पालन कर।

- लूका 23:50

धरम पंचयात कौ एक पंच हतो ऊ को नाओं यूसुफ हतो, ऊ साजो और धरमी मान्स हतो।

- यूहन्‍ना 7:12

और भीड़ ऊके बारे में कुड़कुड़ान लगी, कछु लोग कह रए हते; बो भलो मान्स आय, दूसरे कह रए हते; नईं, बो लोगन हां भरमात आय।

- प्रेरितन के काम 11:21

प्रभु कौ हाथ उन पे हतो, और बड़ी गिनती में लोग भरोसा करके प्रभु की कोद फिरे।

- प्रेरितन के काम 2:4

और बे सबरे पवित्तर आत्मा से भर गए, और जौन भांत पवित्तर आत्मा ने उन हां बोलबे की समझ दई, बे औरें दूसरी दूसरी भाषा बोलन लगे।

- प्रेरितन के काम 2:47

और परमेसुर की भक्ति करत हते, और सब जने उन से खुस हते: और जो उद्धार पात हते, उनको प्रभु रोजीना उन में मिला देत हतो।

- प्रेरितन के काम 24:16

ई लाने मैं भी परमेसुर और मान्सन के आंगू अपनी सोच हां निरदोस बनाए धरबे की सदा कोसिस करत आंव।

- प्रेरितन के काम 5:14

बिसवास करबेवारे कुल्ल मान्स और बईयरें पिरभु की मण्डली में और अधिक आके मिलत रए।)

- प्रेरितन के काम 6:3

ई लाने हे भईया हरौ, अपने में से सात नामी मान्सन हां जौन पवित्तर आत्मा और समझदारी से भरे होबें, नबेर लेओ, कि हम उन हां ई काम पे ठैरा देबें।

- प्रेरितन के काम 6:5

जा बात सबरी मण्डली हां नोनी लगी, और उन ने स्तिफनुस नाओं के एक जनें हां जौन बिसवास और पवित्तर आत्मा से भरो हतो, और फिलिप्पुस और प्रुखुरुस और नीकानोर और तीमोन और परमिनास और अन्ताकीवासी नीकुलाउस हां जौन यहूदी मत में आ गओ हतो, नबेर लओ।

- प्रेरितन के काम 6:8

स्तिफनुस अनुग्रह और सामर्थ से भर के मान्सन में बड़े बड़े अदभुत काम और चिन्ह दिखात हतो।

- प्रेरितन के काम 9:31

ई भांत सबरे यहूदिया, और गलील और सामरिया में मण्डली हां चैन मिलो, और ऊ की बढ़त होत रई; और बो पिरभु के डर और पवित्तर आत्मा की शान्ति में और आंगू बढ़त जात हती।

- रोमियों 15:15

पर मैंने कऊं कऊं सुमरन कराबे हां तुम हां हिम्मत कर के लिखो, जौ ऊ दया के काजें भओ, जौन परमेसुर ने मोय दओ आय।

- रोमियों 5:7

का कोई धरमी मान्स के लाने अपनी जान दै है, जौ तो अन्होनो आय, परन्त हो सकत आय कोऊ भले मान्स के लाने अपनी जान की बाजी लौ लगा देबे।