- प्रेरितन के काम 11:23 - Bundeli Holy Bible

²³ ऊ ने उते पोंच के, परमेसुर के अनुग्रह हां हेरो तो बो खुस भओ; और उन सबई हां हिम्मत देन लगो कि बे पूरे मन से प्रभु के भरोसे में बने रएं।

- प्रेरितन के काम 11:23 ပူးပေါင်းရင်းမြစ်များ

- मत्ती 16:24

तब यीशु ने अपने चेलन से कई; अगर कोऊ मोरे पाछें आबो चाहे, तो बो अपने आप हां त्यागे, और अपनो क्रूस उठाके मोरे पछें हो ले।

- मरकुस 2:5

यीशु ने, उनकौ बिसवास हेर के, ऊ लकवा के मारे से कओ; ऐ बेटा, तोरे पाप क्षमा हो गए।

- यूहन्‍ना 15:4

तुम मोय में बने रओ और मैं तुम में, जैसे डाल जदि दाख की बेल से नईं जुड़ी रैत, तो बो अपने आप नईं फलत, वैसई तुम भी अगर मोय में जुड़े न रए तो नईं फल सकत।

- प्रेरितन के काम 13:43

जब प्रार्थना सभा खतम हो गई तो बिलात यहूदी और यहूदी धर्म में आए भए भक्तन में से बिलात लोग पौलुस और बरनाबास के पाछें हो लए; उन ने बतकाव करत भए उन से बिनती करी कि परमेसुर के आसीस में बने रएं।

- प्रेरितन के काम 14:22

और चेलन के मन पक्को करत रए कि पक्के बने राबें, जौ कह के हिम्मत बंधात रए; हम हां बिलात दुख पीड़ा उठाके परमेसुर के राज में जाने आय।

- प्रेरितन के काम 14:26

उते से बे जहाज से अंताकिया गए, जिते बे परमेसुर की आसीस में, ऊ काज के लाने सौंपे गए जीहां उन ने पूरो करो हतो।

- प्रेरितन के काम 15:40

पर पौलुस ने सीलास हां चुन लओ, और भाईयन हां प्रभु के हाथन में सौंप के, बो उते से चलो गओ।

- प्रेरितन के काम 20:24

मैं अपने प्राण हां कोऊ भी तरहां अपने लाने प्यारो नईं समझत आंव, अगर समझत आंव, तो केवल ई लाने की में जीवन हां और ऊ काज हां, जौन मोय प्रभु यीशु मसीह से मिली आय, पूरी करों, यानि मैं परमेसुर के आसीस के सन्देसे की चित्त लगा के गवाही देओं।

- प्रेरितन के काम 20:32

और अब मैं तुमहां परमेसुर, और ऊके आसीस के बचन हां सोंपत आंव, जौन तुमाई तरक्की कर सकत आय, और सब पवित्र करे गए लोगन के संग्गै बिरासत दे सकत आय।

- प्रेरितन के काम 4:36

यूसुफ नाओं को कुप्रुस कौ एक लेवी हतो, जी कौ नाओं प्रेरितन ने बर-नबा (जाने कि सान्ति कौ पूत) धरो हतो।

- रोमियों 12:8

यदि कोई बचन कौ परचारक होबै, तो बचन परचार में लगो रैबे; दान देबेवारो मुठी खोल के देबे, जौन अगुवाई करे, बो जोस से करे, जौन दया करे, बो खुसी से करे।

- पैली कुरिन्थियों 15:58

सो हे मोरे प्यारे भईया हरौ, पक्के बने रओ, और पिरभु के काम में बढ़त जाओ, कायसे कि जानत आव, कि तुमाई मैनत पिरभु में अकारथ नईंयां।

- दूसरी कुरिन्थियों 1:17

सो जा मरजी जौन मोरी भई तो का मैंने अपने मन से करो आय? जौन बात करत आंव का बिना सोचे करत आंव, और सबरी बातन हां करो चाहत आंव।

- दूसरी कुरिन्थियों 6:1

हम जौन उनके संग्गै काम करत आंय ऐसो समझात आंय, कि परमेसुर ने जौन दया तुमाए ऊ परै करी आय, ऊहां ऐसई न जानो।

- कुलुस्सियों 1:6

जौन सुसमाचार तुम ने सुनो और जीहां संसार के मान्सन ने मानो, और ऊ पै चित्त लगाओ मानो कि जी दिना से तुम ने ऊ सुसमाचार हां सुनो, और पूरे मन से बिसवास करो, और परमेसुर की दया जौन उन ने करी ऊहां चीनो आय, और ऊहां मन में बसाओ आय।

- 2 तीमुथियुस 3:10

तेंने अपने उपदेस, और अपनी चाल, और बिसवास, और सैबेवारो मन, प्रेम और धीरज, और सताए जाबे में सोई मोरे संग्गै दुख उठाओ आय।

- यहोशू 22:5

अकेले ई बात की पूरी चौकसी करियो कि जौन-जौन हुकम और नैम ब्‍यवस्‍था यहोवा परमेसुर के दास मूसा ने तुम हों दई आय ऊहों मानकें अपने यहोवा परमेसुर सें प्रेम रखौ, ऊकी पूरी गैलों पै निंगौ, ऊके हुकम मानौ, ऊकी भक्‍ति में लगे रओ, और अपने पूरे मन और पूरे प्रान सें ऊकी सेवा करो।”

- यहोशू 23:8

परन्‍त जैसो आज के दिना लौ तुम अपने यहोवा परमेसुर की भक्‍ति में लीन रैत आव, बैसई रए करियो।

- 1 पतरस 5:12

मैं ने सिलवानुस के हाथ, जिये मैं बिसवास जोग भाई मानत आंव, तनक में लिख के तुम हां समजाओ आय और जा गवाय दई आय, कि परमेसुर की सांची दया जाई आय, ऐई में पक्के बने रओ।

- 1 यूहन्‍ना 2:28

सो लड़को, उनकजनों के मानो, कायसे जब बे फिन आहें, तो हम बिना खटके उनके सामूं ठांड़े हुईयें।

- 3 यूहन्‍ना 1:4

मोहां ईसे बढ़के कोऊ भलो नईं लगत, कि मोरे लड़कावारे सत्त पे चलत आंय।

- यहूदा 1:4

कायसे कछु जनें चुपके से हमाए संग्गै जुड़ गए आंय, जिन हां पैले से लिखो आय कि उन हां दण्ड दओ जाबै, कायसे बे सच्चे नईयां, और परमेसुर की दया हां छोड़ बुरय कामन में लगे रैत आंय, और हमाए महाबली मालक और पिरभु यीशु मसीह हां नईं मानत।