- प्रेरितन के काम 10:42 - Bundeli Holy Bible

⁴² और ऊ ने हम हां हुकम करो, कि मान्सन में परचार करो; और गवाय दो, कि बो ओई आय; जीहां परमेसुर ने जीयत भए और मरे भयन कौ न्यायी ठहराओ आय।

- प्रेरितन के काम 10:42 ပူးပေါင်းရင်းမြစ်များ

- लूका 16:28

कायसे मोरे पांच भईया आंय, बो इन बातन की गवाई उन के सामूं देबे, ऐसो न होय कि बे सोई ई पीड़ा की जांगा में आएं।

- लूका 22:22

कायसे मान्स कौ पूत तो जैसो ऊके लाने ठैराओ गओ हतो, पर हाय ऊ मान्स पे, जीके द्वारा बो पकड़वाओ जा रओ आय।

- प्रेरितन के काम 1:2

ऊ दिना लौ जब बो उन प्रेरितन हां जिन हां ऊ ने नबेरो हतो, पवित्तर आत्मा के द्वारा हुकम देके ऊ परै उठाओ न गओ।

- प्रेरितन के काम 1:8

पर जब पवित्तर आत्मा तुम पे आ है तब तुम बल पा हौ; और यरूशलेम और सबरे यहूदिया और सामरिया में, और धरती के छोर लौ मोरे गवाह हुईयो।

- प्रेरितन के काम 17:31

कायसे ऊ ने एक दिना ठहराओ आय, जीमें एक मान्स के द्वारा, जीने ऊहां ठहराओ आय, बो धर्म से जगत कौ न्याव कर है, और ऊ ने मरे भयन में से ऊहां जिला के, ई बात हां सबरे मान्सन पे साबित कर दई आय।

- प्रेरितन के काम 24:25

अब बो धर्म की और आबेवाले न्याव की बतकाव कर रओ हतो, तो फेलिक्स ने डरा के कई, ई बेरा तो तें जा, बेरा मिलबे पे मैं तोय फिन टेर हों।

- प्रेरितन के काम 5:20

जाओ, मन्दर में ठांड़े होकें, ई जीवन की सबरी बातें मान्सन हां सुनाओ।

- रोमियों 2:16

जौन दिना परमेसुर, मोरे भले सन्देसे के अनसार, पिरभु यीशु मसीह के द्वारा मान्सन की लुकी भई बातन कौ न्याय कर है।

- दूसरी कुरिन्थियों 5:10

कायसे हम सबरन की सबरी बातें मसीह जब न्याय करबे बैठ हैं तो खुल जै हैं, एक एक जनें अपने भले और बुरय कामन को इनाम जौन संसार में रैत करे आंय पाबें।

- 2 तीमुथियुस 4:1

परमेसुर और यीशु मसीह के सामूं जौन जीयत और मरे जनों कौ न्याव कर है, जब बे फिन के परगट हुईयें, और अपनो धरम को राज जमै हैं जौ सोच के तोहां चिताए देत आंव।

- 2 तीमुथियुस 4:8

आगे परमेसुर जौन सांचे आंय मोरे काजें धरम को मुकुट धरें आंय, जौन मोहां दै हैं और मोहां नईं, परन्त उन हां सोई दै हैं, जौन उनके फिन के आबे की प्रेम से बाट तकें आंय।

- 1 पतरस 4:5

पर बे ऊहां जौन जीयत और मरे भयन कौ न्याय करबे हां तईयार आय, लेखा दें हैं।

- यूहन्‍ना के दरसन कौ खुलासा 1:7

तको, ऊ बादरन के संग्गै आबेवारे आय; और सबरे जनें उन हां तक हैं, और जिन ने उन हां पसुरिया में चाक दओ हतो, बे भी उन हां तक हैं, और संसार के सबरे कुल उन के कारन छाती पीट हैं। हओ। आमीन।

- यूहन्‍ना के दरसन कौ खुलासा 22:12

हेरो, मैं झट्टई आवेवारो आंव; और एक एक जन के काम कौ इनाम मैं उन हां दै हों।