- प्रेरितन के काम 10:38 - Bundeli Holy Bible

³⁸ परमेसुर ने कौन भांत से यीशु नासरी हां पवित्तर आत्मा और सामर्थ से भर दओ: बो भलाई करत, और सब हां जौन शैतान छलिया के सताए भए हते, साजो करत फिरो; कायसे परमसुर ऊके संग्गै हतो।

- प्रेरितन के काम 10:38 ပူးပေါင်းရင်းမြစ်များ

- मत्ती 12:15

जौ जानके यीशु उते से कड़ गओ; और बिलात लोग ऊके पाछें हो लए; और ऊने उन सब हां साजो करो।

- मत्ती 12:28

पर जदि मैं परमेसुर के आत्मा के द्वारा दुष्टआत्मन हां काड़त आंव, तो परमेसुर कौ राज्य तुमाए ऐंगर आ पोंचो आय।

- मत्ती 9:19

यीशु उठो और अपने चेलन के संग्गै ऊके पाछें चल दओ।

- मत्ती 9:35

यीशु सब नगरन और गांवन में जाके उन के प्रार्थनाघरन में प्रवचन देत, और राज्य के सन्देस कौ प्रचार करत भओ, और सब भांत की बीमरियन और हर तरह की कमजोरिन हां दूर करत रओ।

- मरकुस 6:6

और ऊ ने उनके अबिसवास पै अचम्भा करो और चारऊ तरफ के गांवन में उपदेस करत फिरो।

- लूका 3:22

तब पवित्तर आत्मा कबूतर की भांत ऊ पै उतरो, और जा आकासवानी भई, तें मोरो प्यारो पूत आय, मैं तोसें खुस आंव।

- लूका 4:18

कि पिरभु कौ आत्मा मोपे आय, ई लाने कि ऊ ने गरीब-गुरवन हां भलो सन्देसो सुनाबे के लाने मोरो अभिषेक करो आय, और मोय ई लाने पठैओ आय, कि जौन बन्धुए आंय उन हां छुटकारे कौ और अन्धरन हां तकबे कौ भलो सन्देसो सुनाऔ और कुचले भए हां छुड़ाओं।

- लूका 9:42

ऊ आ ई रओ हतो कि दुष्ट आत्मा ने पटको और मड़ोरो, परन्त यीशु ने ऊ अशुद्ध आत्मा हां डपटो और मोंड़ा हां साजो कर के ऊके बाप हां सौंप दओ।

- लूका 9:56

कायसे मान्स कौ पूत मान्सन के प्रानन हां नास करबे हां नईं, पर बचाबे हां आओ आय: और बे कोऊ और नगर में चले गए।

- यूहन्‍ना 10:32

यीशु ने उन से कई, मैंने बाप की कोद से तुम हां बिलात साजे काज दिखाए आंय, उन में से की काज के लाने तुम मोय पत्थरा मारत आव?

- यूहन्‍ना 16:32

तको, बो घड़ी आ रई आय बल्कि आ पोंची कि तुम फैल फुट होकें अपने अपने घरन हां भग जै हौ, और मोय अकेलो छोड़ दै हौ, फिन भी मैं अकेलो नईं हुईयों कायसे बाप मोरे संग्गै आय।

- यूहन्‍ना 3:2

ऊ ने रात में यीशु के ऐंगर आके कई, हे गुरू, हम जानत आंय, कि तें परमेसुर की कोद से आओ भओ गुरू आय; कायसे इन चिन्ह हां जौन तें दिखात आय, कोऊ नईं दरसा सकत, जब लौ परमेसुर ऊके संग्गै नईं होबै।

- यूहन्‍ना 3:34

कायसे जीहां परमेसुर ने पठैव आय, बो परमेसुर की बातें करत आय, कायसे बो बिना भेदभाव के ऊहां आत्मा देत आय।

- यूहन्‍ना 6:27

ऊ रोटी के लाने मेहनत नईं करो जौन नास हो जात आय, परन्त ऊ रोटी के लाने जौन अनन्त जीवन लौ बनी रहत आय, जीहां मान्स कौ पूत तुम हां दै है, कायसे बाप यानि परमेसुर ने ओई पे अपनी छाप लगाई आय।

- प्रेरितन के काम 10:37

बो सन्देसो तुम जानत आव जौन यूहन्ना के बपतिस्मा के परचार के पाछें गलील से शुरू होकें सबरे यहूदिया में फैल गओ।

- प्रेरितन के काम 2:22

हे इस्राएलियो, जे बातें सुनो: कि यीशु नासरी नाओं को एक मान्स हतो बो परमेसुर कोद से आओ हतो जा बात ऊके द्वारा करे गए सामर्थ के काम, आश्चर्य कर्म और चिन्हों से साबित आय, जौन परमेसुर ने तुमाए बीच ऊके द्वारा करे, जीहां तुम जानत आव।

- इब्रानियों 1:9

तेंने धरम से प्रेम करो और अधरम से बैर रखो; ईसे तुमाए परमेसुर ने तुम हां तुमाए सबरे दोस्तन से अधिक खुस करो।

- 1 पतरस 5:8

हुसयार रओ, और जागत रओ, कायसे तुमाओ बिरोधी शैतान, गरजबे वाले नाहर घांई ई ताक में रैत आय, कि कीहां फाड़ खाबै।

- 1 यूहन्‍ना 2:20

हमें तो पवित्तर परमेसुर ने न्यारो करो आय, और जे सबरी बातन हां तुम जानत आव।

- 1 यूहन्‍ना 3:8

जौन जनो पाप करत आय, बो मानो शैतान छलिया के उसकाय बुरय काम करत आय, कायसे शैतान छलिया पेंला से पाप करबेवारो आय: परन्त परमेसुर के बेटा यीशु मसीह ईसे परगट भए, कि शैतान छलिया के कामन हां खतम करें।