- प्रेरितन के काम 1:11 - Bundeli Holy Bible

¹¹ और कहन लगे; हे गलील के मान्सन, तुम काय इते ठांड़े सरग कुदाऊं तक रए आव? जौई यीशु, जौन तुमाए ऐंगर से सरग पे उठा लओ गओ आय, जौन रीति से तुम ने ऊहां सरग पे जात तको आय ओई रीति से बो फिन आ है।

- प्रेरितन के काम 1:11 ပူးပေါင်းရင်းမြစ်များ

- मत्ती 16:27

कायसे मान्स कौ पूत अपने सरगदूतन के संग्गै अपने बाप की मईमा में आ है, और ओई बेरा बो हर एक मान्स हां ऊके कामन के अन्सार फल दै है।

- मत्ती 16:28

मैं तुम से सांची कहत आंव, कि जो इते ठांड़े आंय, उन में से कितेक ऐसे आंय; कि जब लौ मान्स के पूत हां ऊके राज्य में आत भए न हेर लै हैं, तब लौ मृत्यु कौ सुवाद कभऊं न चीख हैं।

- मत्ती 24:30

तब मान्स के पूत की चिन्हार आकास में दिखाई दै है, और धरती की सब जातन के लोग छाती पीट हैं; और लोगबाग मान्स के पूत हां बड़े ठाठ बाट और बल के संग्गै आकास के बादरन पे आत हेर हैं।

- मत्ती 25:31

जब मान्स कौ पूत अपनी मईमा में आ है, और सब सरगदूत ऊके संग्गै आ हैं तो बो अपनी मईमा के सिंहासन पर बिराज है।

- मरकुस 13:26

तब लोग मान्स के बेटा हां बड़ी सामर्थ और महिमा के संग्गै बादरन में आत तक हैं।

- मरकुस 14:70

लेकिन पतरस फिन बदल गओ और तनक देर बाद उन ने जौन ऐंगर ठांड़े हते फिन पतरस से कओ; जरूर तें उन में से एक आय; कायसे तें गलील प्रदेश कौ भी आय।

- मरकुस 16:19

अन्त में प्रभु यीशु उन से बातें करबे के बाद सरग पै उठा लओ गओ, और परमेसुर के दांए कोद बैठ गओ।

- लूका 21:27

तब बे मान्स के पूत हां सामर्थ और बड़ी मईमां के संग्गै बादल पे आत तक हैं।

- लूका 24:5

जब बे डरा गईं, और धरती कुदाऊं मों करें ठांड़ी रईं; तब उन ने उन से कओ; तुम जीयत हां मरे भयन में काय ढूंढ़ रई आव?

- यूहन्‍ना 14:3

और अगर मैं जाके तुमाए लाने जांगह तईयार कर हों, तो फिन आके तुम हां अपने इते लै जैहों, कि जिते मैं रओं उतईं तुम भी रओ।

- प्रेरितन के काम 1:2

ऊ दिना लौ जब बो उन प्रेरितन हां जिन हां ऊ ने नबेरो हतो, पवित्तर आत्मा के द्वारा हुकम देके ऊ परै उठाओ न गओ।

- प्रेरितन के काम 1:22

जौ सई रै है कि उन में से एक जनो हमाए संग्गै ऊके जी उठबे कौ गवाह हो जाए।

- प्रेरितन के काम 1:9

जौ कह के बो उन के तकत ऊ परै उठा लओ गओ, और बादरन ने ऊहां, उन की आंखन से लुका लओ।

- प्रेरितन के काम 13:31

और जौन ऊके संग्गै गलील से यरूशलेम आए हते, उनहां बिलात दिना लौ दरसन देत रओ; जे बेई आंय जौन अबै लोगन के सामूं गवाह आंय।

- प्रेरितन के काम 2:7

और बे सबरे चकित और अचम्भित होकें कैन लगे; तको, जे जौन बोल रए आंय का सबरे गलील के रैबेवारे नईंयां?

- प्रेरितन के काम 3:12

जौ तक के पतरस ने मान्सन से कओ; हे इस्राएलियो, तुम ई मान्स पे काय चकित होत आव, और हमाई कोद ई भांत काय तक रय आव, कि मानो हमईं ने अपने बल या भक्ति से ईहां निंगबे जोग बना दओ आय।

- प्रेरितन के काम 3:21

जरूरी आय कि बो सरग में ऊ बेरा लौ रय जब लक कि बो सबरी बातन कौ सुदार न कर ले, जी की चरचा पुराने टैम से परमेसुर ने अपने पवित्र अगमवकतन के मों से करी आय।

- 1 थिस्सलुनीकियों 1:10

और उनके पुत्तर पिरभू यीशु मसीह के सरग से फिन के आबे की रस्ता तकत रओ, जीहां उन ने मरे भयन में से जिला दओ, जौन हम हां नरक के दुख से बचात आय।

- 1 थिस्सलुनीकियों 4:16

कायसे पिरभू खुद सरग से उतर है; ऊ बेरा बड़ी जोर की अग्या हुईये, और बड़े दूत और तुरही के फूके जाबे की आवाज हुईये, और जौन पिरभू यीशु मसीह पै बिसवास धरें मर गए हते, बे पेंला जी उठ हैं।

- इब्रानियों 9:28

ऊंसई पिरभू यीशु मसीह बिलात जनों के पापन हां हरबे हां एकई बेर बलदान भए, और जब बे फिन के संसार में आहें तो पाप हां हरबे हां नईं, परन्त जौन उनकी आस लगाए आंय उनको तरन तारन कर हैं।

- यूहन्‍ना के दरसन कौ खुलासा 1:7

तको, ऊ बादरन के संग्गै आबेवारे आय; और सबरे जनें उन हां तक हैं, और जिन ने उन हां पसुरिया में चाक दओ हतो, बे भी उन हां तक हैं, और संसार के सबरे कुल उन के कारन छाती पीट हैं। हओ। आमीन।