- 2 तीमुथियुस 4:8 - Bundeli Holy Bible

⁸ आगे परमेसुर जौन सांचे आंय मोरे काजें धरम को मुकुट धरें आंय, जौन मोहां दै हैं और मोहां नईं, परन्त उन हां सोई दै हैं, जौन उनके फिन के आबे की प्रेम से बाट तकें आंय।

- 2 तीमुथियुस 4:8 ပူးပေါင်းရင်းမြစ်များ

- उत्पत्ति 18:25

ई तरहां कौ काम करबो तोए सें दूर रए कि दुस्‍ट के संगै धरमी हों भी मार डाले, और धरमी और दुस्‍ट दोई की एकई दसा होए। जौ करबो तोए सें दूरई रए; का पूरी पृथ्‍वी कौ न्‍याय करबेवारो न्‍याय नें करे?”

- मत्ती 24:36

ऊ दिन या ऊ घड़ी के बारे में कोऊ नईं जानत; न तो सरग के दूत, और न पूत, पर केवल बाप।

- मत्ती 7:22

ऊ दिना बिलात लोग मोसें कै हैं; हे पिरभू, हे पिरभू, का हम ने तोरे नाओं से आगे की बातें नईं बताईं, और तोरे नाओं से भूत प्रेत हां नईं काड़ो, और तोरे नाओं से बिलात अचरज के काम नईं करे?

- लूका 10:12

मैं तुम से कैत आंव, ऊ दिना ऊ नगर की दसा से सदोम की दसा सहबे जोग हुईये।

- रोमियों 2:5

पर तें अपनी जिद और हठीले मन के अनसार, जब परमेसुर कौ सच्चो न्याओ परगट हुईये, अपने लाने दण्ड कमा रओ आय।

- रोमियों 8:23

और अकेले ओई नईं पर हम सोई जिन लौ आत्मा कौ पेंला फल आय, आपई अपने में कराहत आंय; और लरका बिटिया होबे हां, अपने देयां के छुटकारे की बाट जोहत आंय।

- पैली कुरिन्थियों 2:9

परन्त जैसो लिखो आय, जिन बातन हां आंखन ने नईं तको, और न कान ने सुनो, और जौन मान्स के हिये में नईं समाई, उनईं हां परमेसुर ने अपने प्रेम करबेवारन के लाने तईयार करी आंय।

- पैली कुरिन्थियों 3:13

तो सबरे जन कौ काम उजागर हो जै है, कायसे ऊ दिना पता पड़ है; और बो आगी से उजागर हुईये: और आगी ई सबरे मान्सन कौ काम परख है।

- पैली कुरिन्थियों 9:25

और सबरे पैलवान सबई परकार कौ संयम करत आंय, बे तो नास होबेवारे मुकट को पाबे के लाने जौ सब करत आंय, परन्त हम तो ऊ मुकट के लाने करत आंय, जौन नास न हुईय।

- दूसरी कुरिन्थियों 5:2

ई में तो हम गुहार भरत, और जा आस धरत आंय; कि अपने सरग के घर हां पहन लेबें।

- फिलिप्पियों 3:11

कि मैं सोई ऊंसई जी उठों, जैसे मसीह मरे भयन में से जी उठे हते।

- कुलुस्सियों 1:5

कि जी बस्त की तुम आस लगाए आव जौन तुमाए लाने सरग में धरी आय, जीके लाने तुम ने सुसमाचार में सोई सुनो हतो।

- 1 थिस्सलुनीकियों 1:10

और उनके पुत्तर पिरभू यीशु मसीह के सरग से फिन के आबे की रस्ता तकत रओ, जीहां उन ने मरे भयन में से जिला दओ, जौन हम हां नरक के दुख से बचात आय।

- 1 थिस्सलुनीकियों 5:4

परन्त भईया हरौ, तुम तो अंधियारे में नईयां, कि पिरभू के आबेवारो दिना चोर घांई आ जाबै।

- 2 थिस्सलुनीकियों 2:8

जब बो अधरम करबेवारे आहें, तो पिरभू यीशु मसीह अपनी मों की फूंक से मार डाल है, और अपने आबे के तेज से भसम कर डाल है।

- 1 तीमुथियुस 6:19

और आंगू के लाने एक अच्छी नी डाल राखें, कि सत्य के जीवन हां बस में कर लेबें।

- 2 तीमुथियुस 1:10

जब से प्रभु यीशु मसीह हमाए हिये में आय तो मानो उजयारो हो आओ, जीने मृत्यु हां खतम करो, और हम हां हमेसा हां बैकुण्डवास पहुंचबे को ज्ञान दओ।

- 2 तीमुथियुस 1:12

ऐई से मैं जे दुख उठा रओ आंव, और लजात नईंयां, कायसे मैंने जिन पै बिसवास धरो आय उन हां जानत आंव; और मोहां पक्को आय, कि जौन जीवन मैंने उन हां दे दओ आय ऊहां साजो धरे रै हैं।

- 2 तीमुथियुस 1:18

(प्रभु ऊपे अपनी दया बनाए रखे) जौन जौन काज ऊनें इफिसुस में करे उनकी सोई तोहां पता आय।

- 2 तीमुथियुस 2:5

अखाड़े में लड़बेवारो पहलवान अच्छे से नईं लड़त तो इनाम नईं मिलत।

- 2 तीमुथियुस 4:1

परमेसुर और यीशु मसीह के सामूं जौन जीयत और मरे जनों कौ न्याव कर है, जब बे फिन के परगट हुईयें, और अपनो धरम को राज जमै हैं जौ सोच के तोहां चिताए देत आंव।

- तीतुस 2:13

और जौन आस हम लगाए आंय कि महाबली परमेसुर और पिरभु यीशु मसीह जिन ने हमाओ तरन तारन करो आय, उनकी फिन के आबे की गैल तकें रैबें।

- इब्रानियों 12:11

जा तो सांची आय कि अबै की सीख से हम हां पिरातो होत आय, परन्त सीख से हम सुधर जाबें तो हम भले रै हैं।

- इब्रानियों 9:28

ऊंसई पिरभू यीशु मसीह बिलात जनों के पापन हां हरबे हां एकई बेर बलदान भए, और जब बे फिन के संसार में आहें तो पाप हां हरबे हां नईं, परन्त जौन उनकी आस लगाए आंय उनको तरन तारन कर हैं।

- याकूब 1:12

धन्न आय बो मान्स, जौन परीक्षा में पक्को कड़े; कायसे बो परीक्षा में खरो कड़ के जीवन कौ बौ मुकुट पा है, जी कौ कौल पिरभु ने अपने प्रेम धरबेवारन हां दओ आय।

- 1 पतरस 1:4

जाने कि एक न मरबेवारी और निर्मल, और हमेसा की मीरास के लाने, जौन तुमाए लाने सरग में धरी आय।

- 1 पतरस 5:4

जब परधान रखवारो आ है, तब तुम हां मईमा कौ मुकट दओ जै है, जौन कभऊं नास न हुईये।

- यूहन्‍ना के दरसन कौ खुलासा 1:7

तको, ऊ बादरन के संग्गै आबेवारे आय; और सबरे जनें उन हां तक हैं, और जिन ने उन हां पसुरिया में चाक दओ हतो, बे भी उन हां तक हैं, और संसार के सबरे कुल उन के कारन छाती पीट हैं। हओ। आमीन।

- यूहन्‍ना के दरसन कौ खुलासा 19:11

फिन मैंने सरग हां एकदम खुलो तको; और एक सफेद घुड़वा आय; और ऊ पै एक सवार आय, जो बिसवास करे जोग आय; और बो धरम के संग्गै न्याव और लड़ाई करत आय।

- यूहन्‍ना के दरसन कौ खुलासा 2:10

जौन दुख तोहां झेलबे पड़ हैं, उन से न डरा: कायसे शैतान छलिया तुम में से कछु लोगन हां जेहल में डलवा है कि तुमाओ बिसवास परखो जाबै; और तुम हां दस दिना लौ दुख उठाने पड़ है: मरबे लौ बिसवास धर; तो मैं तुम हां सरग को जीवन दै हों।

- यूहन्‍ना के दरसन कौ खुलासा 22:20

जो इन बातन की गवाह देत आय, बो ऐसो कैत आय, हओ, मैं जल्दी आबेवारो आंव। आमीन। हे पिरभू यीशु आओ।

- यूहन्‍ना के दरसन कौ खुलासा 4:10

और चौबीसई प्राचीन सिंहासन पै बिराजेवारे के सामूं गिर जै हैं, और उनहां जौन जीयत रै हैं परनाम कर हैं; और अपने मुकुट उनके सामूं ऐसो कैत धर दै हैं।

- यूहन्‍ना के दरसन कौ खुलासा 4:4

और ऊ सिंहासन के चारऊं कोद चौबीस सिंहासन आंय; और इन पै चौबीस प्राचीन उजरे उन्ना पैरे बिराजे आंय, और उनके मूड़ पै सोने के मुकुट धरे आंय।