- 2 तीमुथियुस 4:7 - Bundeli Holy Bible

⁷ मैंने अच्छी कुस्ती लड़ी आय मानो मैंने अपनी दौड़ पूरी कर लई आय, और अपने बिसवास में पक्को बनो रओ आंव।

- 2 तीमुथियुस 4:7 ပူးပေါင်းရင်းမြစ်များ

- लूका 11:28

यीशु ने उत्तर दओ, हओ; पर धन्न बे आंय, जौन परमेसुर कौ बचन सुनत और मानत आएं।

- लूका 8:15

पर साजे खेत के बे आंय, जौन बचन सुनके भले और अच्छे हिये में संभालें रैत आंय, और धीरज से फल लात आंय।

- यूहन्‍ना 17:6

मैंने तोरो नाओं उन मान्सन हां बताओ जिन हां तेंने संसार में से मोय दओ हतो: बे तोरे हते और तेंने उन हां मोय दओ और उन ने तोरे बचन हां मान लओ आय।

- यूहन्‍ना 4:34

यीशु ने उन से कई, मोरी रोटी जा आय कि अपने पठैबेवाले की मन की बात पूरी करों और ऊ को काज पूरो करों।

- प्रेरितन के काम 13:25

जब यूहन्ना अपनो काज पूरो करबे पे हतो, तो ऊने कई, तुम मोय का समझत आव? मैं बो नईं आंव! पर हेरो, मोरे पाछें एक आबेवालो आय, ऊके गोड़ों की पनईयां के बन्ध मैं खोलबे लाक नईंयां।

- प्रेरितन के काम 20:24

मैं अपने प्राण हां कोऊ भी तरहां अपने लाने प्यारो नईं समझत आंव, अगर समझत आंव, तो केवल ई लाने की में जीवन हां और ऊ काज हां, जौन मोय प्रभु यीशु मसीह से मिली आय, पूरी करों, यानि मैं परमेसुर के आसीस के सन्देसे की चित्त लगा के गवाही देओं।

- गलतियों 2:2

मोरो जाबो ईसुर के बताए भओ: और जो बचन में अन्य जातियन में परचार करत हों, बो मैंने उन हां बता दओ; पै अकेले में उन हां जौन बड़े कहात हते, कि ऐसो नईं होबे, कि मोरी अबै की, और आंगे की दौड़ बेकार जाबै।

- फिलिप्पियों 1:30

और जैसो काम तुम ने मोहां करत तको आय ऊं सई तुम सोई करौ, तुम अबै सोई सुनत आव, कि मैं ऊं सई काज करत जात आंव।

- 1 तीमुथियुस 1:18

मोरे बेटा तीमुथियुस, जौन बातें तोरे लाने पेंला से कई गई हतीं, मैं तोसे कैत आंव कि उन हां करत जा।

- 1 तीमुथियुस 6:12

बिसवास की अच्छी कुस्ती लड़; और ऊ अनन्त जीवन को धर ले, जीके लाने तें बुलाओ गओ, और बिलात गवाह के सामूं अच्छो स्वीकार करो हतो।

- 1 तीमुथियुस 6:20

हे तीमुथियुस ई बात की रखनवारी कर और जी समज हां समज कहबो भूल आय, ऊके असुद्ध बतकाव और बिरोध की बातन से दूर रह।

- 2 तीमुथियुस 1:14

पवित्रात्मा जौन हमाए हिये में बल देत आय, जौन काम उन ने दओ आय ऊहां सुतारो धरे रै।

- 2 तीमुथियुस 3:10

तेंने अपने उपदेस, और अपनी चाल, और बिसवास, और सैबेवारो मन, प्रेम और धीरज, और सताए जाबे में सोई मोरे संग्गै दुख उठाओ आय।

- यूहन्‍ना के दरसन कौ खुलासा 3:10

तेंने मोरे बचन हां धीरज से मानो आय, ईसे मैं तोहां परीक्षा की ऊ बेरा में बचाए रख हों, जो धरती पे रहबेवारन हां परखबे के लाने संसार पै आबेवालो आय।

- यूहन्‍ना के दरसन कौ खुलासा 3:8

कि मैं तोरे कामन हां जानत आंव, (हेर, मैंने तोरे सामूं एक द्वार खोल रखो आय, जीहां कोई बन्द नईं कर सकत) तें बड़ो बली नईंयां, पर मोरे बचन कौ पालन करो आय और मोरे नाओं से नईं मुकरो।

- यूहन्‍ना के दरसन कौ खुलासा 6:11

और उन सबरन हां सफेद उन्ना दओ गओ और उन से कहो गओ, कि और थोड़ी बेरा लौ आराम करो, जब लौ तुमाए संग्गी सेवा करबेवारे, और भईया, जौन तुमाए जैसे कतल होबेवारे आंय, उन सबरन की गिनती पूरी न हो जाबै।