- 2 तीमुथियुस 1:3 - Bundeli Holy Bible

³ मैं अपने परमेसुर की सेवा अपने बड़े बूढ़न की रीत से साजे विवेक से करत आंव, और उनकी दया से तुमाए काजें बिन्तवारी करत आंव।

- 2 तीमुथियुस 1:3 ပူးပေါင်းရင်းမြစ်များ

- लूका 2:37

बा चौरासी बरस से बिधवा हती: और मन्दर हां न छोड़त हती पर उपवास और बिन्तवाई कर दिन रात भजन भक्ति करत हती।

- प्रेरितन के काम 22:3

मैं यहूदी आंव, जौन किलकिया के तरसुस में जन्मो; पर ई नगर में मोरो पलबो पुसबो भओ और गमलिएल के चरनन मैं बैठ के पुरखन की रीतियन के अनसार कड़ाई से सीखो, और परमेसुर के लाने उमंग से भरो भओ हतो, जैसे आज तुम सब आव।

- प्रेरितन के काम 23:1

पौलुस ने बड़ी पंचायत की कोद टकटकी लगात भए कई, भईया हरौ, मैंने आज लौ परमेसुर के आंगू पूरी तौर से खरो जीवन बिताओ।

- प्रेरितन के काम 24:14

पर मैं तोरे आंगू जौ मान लेत आंव, की जी चाल हां जे बुरई चाल कहत आंय, ओई के अनसार मैं अपने पुरखन के परमेसुर कौ काज करत आंव: और जौन बातें रीत के अनसार आंय मानत हों, और जौन कछु आगमवक्तन के शास्त्रन में लिखी आंय, उन सब हां मानत हों।

- प्रेरितन के काम 24:16

ई लाने मैं भी परमेसुर और मान्सन के आंगू अपनी सोच हां निरदोस बनाए धरबे की सदा कोसिस करत आंव।

- प्रेरितन के काम 26:4

मोरो चाल चलन जवानी से लैके अबै लौ जैसो रहो यानि मैंने ईहां शुरू से अपनी जात के बीच, और यरूशलेम में कैसे गुजारो, ईहां सब यहूदी जानत आंय।

- प्रेरितन के काम 27:23

कायसे परमेसुर जीको मैं आंव, और जीको काज करत आंव, ऊ को एक सरगदूत आज रात मोरे ऐंगर आके ठांड़ो भओ।

- रोमियों 9:1

मैं मसीह में सांची कैत आंव, लबरी नईं कै रओ और मोरो सोच सोई पवित्तर आत्मा में गवाई देत आय।

- दूसरी कुरिन्थियों 1:12

कायसे हम अपने हिये की जा बात मानत आंय, कि और ऊ पै बड़वाई करत आंय, कि संसार में और तुमाए बीच हमाई चाल परमेसुर को भाबेवारी पवित्तर और सांची हती, और ऐसो संसार के ज्ञान से नोंई, अकेले परमेसुर की दया से भई।

- गलतियों 1:14

अपनी जात भईयन जौन मोरी उमर के हते उनसे आगे बढ़ो भओ हतो, और अपने बाप दादन की रीत हां मानबे में बहुत आगे हतो।

- इफिसियों 1:16

तुमाए लाने धन्न मानबो नईं छोड़त, और अपनी बिन्तवारी में तुम हां याद करत आंव।

- 1 थिस्सलुनीकियों 3:10

हम रात दिना बिन्तवारी करत आंय, कि तुम लौ आके पिरभू की और बातें बताएं।

- 1 तीमुथियुस 1:19

और बिसवास और साजे मन से करत जा, कछु जन ने जे बातें छोड़ दई आंय, सो उनको बिसवास को जहाज मानो डूब गओ।

- 1 तीमुथियुस 1:5

मोरे कैबे को मतलब जौ आय, कि सांचे मन और साजे हिये से, और बैर न रखबेवाले के बिसवास से प्रेम बढ़त आय।

- 1 तीमुथियुस 5:5

जौन सांचई बिधवा होबै, और उनको और कोई न होबै; बे केवल परमेसुर के आसरे होबें, और रात दिना बिन्तवाई करबे में लगी रैबें।

- 2 तीमुथियुस 1:5

मोहां याद आत आय, कि तोरी नानी लोइस, और तोरी मताई योनीके अपने बिसवास में पक्के हते, और मोहां पता आय, कि तें सोई उन जैसो आय।

- 2 तीमुथियुस 3:15

तें तो बालकपन से पवित्र शास्त्र की बातन हां जानत आय, जिनके मानबे से तोरो तरन तारन होत आय, और तें और होसयार हो जै है।

- इब्रानियों 13:8

यीशु मसीह बदलत नईंयां, बे जैसे कल हते सो आज सोई आंय, और कल ऊंसई बने रै हैं।