- 2 तीमुथियुस 1:12 - Bundeli Holy Bible

¹² ऐई से मैं जे दुख उठा रओ आंव, और लजात नईंयां, कायसे मैंने जिन पै बिसवास धरो आय उन हां जानत आंव; और मोहां पक्को आय, कि जौन जीवन मैंने उन हां दे दओ आय ऊहां साजो धरे रै हैं।

- 2 तीमुथियुस 1:12 ပူးပေါင်းရင်းမြစ်များ

- मत्ती 12:21

और ओई के नाओं में अन्य जातियन आस धर हैं।

- मत्ती 24:36

ऊ दिन या ऊ घड़ी के बारे में कोऊ नईं जानत; न तो सरग के दूत, और न पूत, पर केवल बाप।

- मत्ती 7:22

ऊ दिना बिलात लोग मोसें कै हैं; हे पिरभू, हे पिरभू, का हम ने तोरे नाओं से आगे की बातें नईं बताईं, और तोरे नाओं से भूत प्रेत हां नईं काड़ो, और तोरे नाओं से बिलात अचरज के काम नईं करे?

- लूका 10:12

मैं तुम से कैत आंव, ऊ दिना ऊ नगर की दसा से सदोम की दसा सहबे जोग हुईये।

- लूका 23:46

यीशु ने जोर से टेर के कओ; हे पिता, मैं अपनी आत्मा तोरे हाथ में सौंपत आंव: और जौ कै कें प्रान छोड़ दओ।

- यूहन्‍ना 17:15

मैं तोसे जा बिनती नईं करत हों, कि तें उन हां संसार से उठा ले, परन्त जौ कि तें उन हां ऊ दुष्ट से बचाए रखिये।

- यूहन्‍ना 6:44

मोरे ऐंगर कोऊ नईं आ सकत, जब लौ बाप जीने मोय पठैव आय, ऊहां अपने ऐंगर खेंच न ले; और मैं अखिरी दिना ऊहां फिन जिला दें हों।

- प्रेरितन के काम 13:46

तब पौलुस और बरनाबास ने जोर देके कई, जौ जरूरी हतो, की परमेसुर कौ बोल पेंला से तुम हां सुनाओ जातो: पर ई लाने की तुम ऊ को नईं मानत आव, और अपने आपई हां अनन्त जीवन के लाने नईं ठहरात आव, तो हेरो, हम गैर यहूदियन की कोद जात आंय।

- प्रेरितन के काम 13:50

पर यहूदियन ने भक्त और धनी बईयरनऔर नगर के बड़े खास जन हां भड़काओ, और पौलुस और बरनावास के खिलाफ उपद्रव कराके उनहां अपने इलाके से काड़ दओ।

- प्रेरितन के काम 21:13

तब पौलुस ने कई, तुम जौ का कर रए आव, की रो रो के मोरे मन हां तोड़ रए आव, मैं तो प्रभु यीशु के नाओं के लाने यरूशलेम में न केवल बांधे जाबे, पर मरबे हां सोई तैयार आंव।

- प्रेरितन के काम 7:59

बे स्तिफनुस पे पत्थरा मेंकत रए, और ऊ जौ कै कें बिन्तवाई करत रओ; हे पिरभु यीशु, मोरी आत्मा हां स्वीकार कर।

- प्रेरितन के काम 9:16

और मैं ऊहां बता हों, कि ऊहां मोरे नाओं के काजें कैसे कैसे दुख पीड़ा उठाबे पड़ हैं।

- रोमियों 1:16

कायसे मैं भले सन्देस देबे से नईं लजात, ई लाने कि बो सब कोऊ जौन बिसवास करत आंय, पेंला तो यहूदी, फिन यूनानी के उद्धार के लाने परमेसुर की तागद आय।

- रोमियों 9:33

जैसो लेख आय; तको मैं सिय्यौन में एक ठेस लगबे कौ पत्थरा, और ठोकर खाबे की एक टोर धरत आंव; और जौन ऊ पे बिसवास कर है, बो न लजा है।

- पैली कुरिन्थियों 1:8

बो तुम हां आखीर तक पक्को सोई कर है, कि तुम हमाए पिरभु यीशु के फिन के आबे के दिना लौ बिना लांछन ठैरो।

- पैली कुरिन्थियों 3:13

तो सबरे जन कौ काम उजागर हो जै है, कायसे ऊ दिना पता पड़ है; और बो आगी से उजागर हुईये: और आगी ई सबरे मान्सन कौ काम परख है।

- फिलिप्पियों 1:20

मोरे मन की जा चाहना आय, कि मैं कभऊं नेंचो न हेरों, परन्त हिम्मत धरों कि पिरभू की बड़ाई मोरी देह से होत रैबे, जैसो अबै होत आय, चाहे मैं जीओं और चाहे मर जाओं।

- फिलिप्पियों 3:10

मैं पिरभू यीशु मसीह हां और उनके मरे भयन में से जी उठबे के जस हां जानो चाहत आंव, और क्रूस पै जौन पीड़ा उन ने सही ऊहां समझन चाहत आंव, और उनके मरबे जैसो मैं सोई हो जाओं।

- फिलिप्पियों 3:21

जौन अपने बल से सबरी बस्तन हां अपने बस में कर सकत आय, हमाई ई देह को रूप बदल के, उनकी देह जैसो बना दें हैं।

- फिलिप्पियों 3:8

और पिरभू के जस और मान की बड़ी बातन हां पाके मैंने और सबरी बातन हां छोड़ दओ, पिरभू हां पाके मैंने दूसरी सबरी बातें छोड़ दईं, बे मोरे लाने कूड़ा घांई आंय।

- 1 थिस्सलुनीकियों 2:16

बे यहूदियन हां छोड़ दूसरन से तरन तारन की बातें करबे हां रोकत आंय, कि अन्यजाति के लाने अपने पाप कौ घड़ा भरत रैबें; परन्त अब उन पै सोई परमेसुर को कोप आबेवारो आय।

- 1 थिस्सलुनीकियों 5:4

परन्त भईया हरौ, तुम तो अंधियारे में नईयां, कि पिरभू के आबेवारो दिना चोर घांई आ जाबै।

- 1 तीमुथियुस 6:20

हे तीमुथियुस ई बात की रखनवारी कर और जी समज हां समज कहबो भूल आय, ऊके असुद्ध बतकाव और बिरोध की बातन से दूर रह।

- 2 तीमुथियुस 1:14

पवित्रात्मा जौन हमाए हिये में बल देत आय, जौन काम उन ने दओ आय ऊहां सुतारो धरे रै।

- 2 तीमुथियुस 1:16

उनेसिफुरुस के घर के जनन पे प्रभु दया करें, कायसे ऊने कई बेरा मोरे हिये हां मानो ठण्डो करो, और मैं जेहल में आंव ईसे नईं सरमाओ।

- 2 तीमुथियुस 1:18

(प्रभु ऊपे अपनी दया बनाए रखे) जौन जौन काज ऊनें इफिसुस में करे उनकी सोई तोहां पता आय।

- 2 तीमुथियुस 1:8

सो परमेसुर की गवाही से, और मोरे से जो उनके नाओं से जेहल में आंव, लजाईयो न, परन्त मोरे संग्गै सेवा में दुख उठाबे हां तईयार रै।

- 2 तीमुथियुस 2:9

उनईं बातन पै मैं बुरय मान्सन जैसो दुख उठा रओ आंव, इते लौ कि जेहल में आंव; परन्त परमेसुर कौ बचन खुलो आय।

- 2 तीमुथियुस 4:8

आगे परमेसुर जौन सांचे आंय मोरे काजें धरम को मुकुट धरें आंय, जौन मोहां दै हैं और मोहां नईं, परन्त उन हां सोई दै हैं, जौन उनके फिन के आबे की प्रेम से बाट तकें आंय।

- तीतुस 3:8

जे बातें सांची आंय, और मोरी जा चाहना आय, कि तें इन बातन हां खुल के बताए कि जीने परमेसुर पै बिसवास धरो आय, बे भले कामन में लगे रैबें, कायसे जे बातें बढ़िया और मान्सन के भले की आंय।

- इब्रानियों 12:2

और हम अपनी नजर हां यीशु मसीह पै लगाबें; जौन हमें आगे लै चलत आय, जिन ने क्रूस पै चढ़ाए जाबे की निन्दा सई; और आज मजे से अपने बाप के संग्गै सरग में सिंहासन पै बिराजे आंय।

- इब्रानियों 2:18

कायसे जब पिरभू की जांच भई, और क्रूस को दुख उठाओ, तो बो उन की भी सहायता कर सकत आय, जिन मान्सन की जांच होत आय।

- इब्रानियों 7:25

सो जौन पिरभू यीशु मसीह पै बिसवास धरके परमेसुर लौ पोंच हैं; बे उनको पूरो पूरो तरन तारन करत आय, और परमेसुर के सामूं उनके लाने बिन्तबारी करत आंय।

- 1 पतरस 1:5

जी की रक्षा परमेसुर की सकती से, बिसवास से ऊ तारण के लाने, जौन आबेवारे टैम में उजागर होबेवारी आय, करी जात आय।

- 1 पतरस 4:16

पर जदि मसीही होबे के काजें बो पीड़ा पाए, तो लज्जित न होय, पर ई बात के लाने परमेसुर की मईमा करे।

- 1 पतरस 4:19

ई लाने जौन परमेसुर की मन्सा के अनसार पीड़ा उठात आंय, बे भलो करत भए, अपने प्रान हां बिसवास जोग धरती के रचबेवारे के हाथ में सौंप देबें।

- यहूदा 1:24

जौन तुम हां बिलुरबे से बचा लै है, और पाप से धोके उजरो कर लै है, अपने सरग लोक के तेज में।