- 2 पतरस 3:17 - Bundeli Holy Bible

¹⁷ ई लाने हे प्यारे भईया हरौ, तुम और पेंलई से इन बात हां जान के हुसयार रओ, कि अधरम जन की गलती में फंस के अपने पक्के बिसवास हां कऊं हिरा न दो।

- 2 पतरस 3:17 ပူးပေါင်းရင်းမြစ်များ

- मत्ती 16:11

तुम काय नईं समजत कि मैं ने तुम से रोटी के बारे में नईं कई? पर जौ कि तुम फरीसी और सदूकियन के खमीर से चौकन्ने रहियो।

- मत्ती 16:6

यीशु ने उन से कई, हेरो; फरीसी और सदूकियन के खमीर से चौकन्ने रहियो।

- मत्ती 7:15

लबरे आगमवकतन से चौकन्ने रहियो, जौन गाड़रन के भेष धरके तुमाए ऐंगर आत आंय, पर भीतरै से बे भूखे फाड़खाबे वारे बिगना आंय।

- यूहन्‍ना 16:4

और जे बातें मैंने ई लाने तुम से कईं, कि जब उन की बेरा आए तो तुम खबर रखियो, कि मैंने तुम हां ईके बारे में बता दओ हतो: और जे बातें मैंने तुम से शुरू से ई लाने नईं कईं, कायसे मैं तुमाए संग्गै हतो।

- प्रेरितन के काम 2:42

और बे प्रेरितन से शिक्षा पाबे, और संगति रखबे में और रोटी तोड़बे में और बिनती करबे में लगे रएं।

- रोमियों 16:18

कायसे ऐसे मान्स हमाए पिरभु यीशु मसीह की नईं, पर अपने पेट की सेवा करत आंय; और चिकनी चुपड़ी बातन से सूदे सादे मन के मान्सन हां बहका देत आंय।

- पैली कुरिन्थियों 10:12

ई लाने जौन समजत आय, कि मैं पक्को आंव, ऊ हुंसयार रैबे; कि क ऊं गिर न पड़े।

- पैली कुरिन्थियों 15:58

सो हे मोरे प्यारे भईया हरौ, पक्के बने रओ, और पिरभु के काम में बढ़त जाओ, कायसे कि जानत आव, कि तुमाई मैनत पिरभु में अकारथ नईंयां।

- दूसरी कुरिन्थियों 11:3

अकेले मोहां डर आय कि जैसे सरप ने होसियारी से हव्वा हां बिलोर दओ, ऊंसई तुमाओ मन को सीधोपन और साजोपन जौन मसीह के संग्गै होबो चईये कहूं बिगड़ न जाबै।

- गलतियों 5:4

तुम जौन नैम द्वारा धरमी बनो चाहत आव, मसीह से अलग और दया से गिरे भए आव।

- इफिसियों 4:14

कि हम आगे बच्चन घांई नईं रैबें, जौन मान्सन की ठगाई और चालाकी से उनके फंसाबे की चाल, और उनके कैबे से, एक एक बयार से उछाले, और इते उते घुमाए जात आंय।

- फिलिप्पियों 3:2

उन कुत्तन से संभले रईयो, उन बुरय काम करबेवारन से बच के रईयो, जौन काट कूट करत आंय उनसे बचियो।

- कुलुस्सियों 2:5

मैं तुमसे अबै बिलात दूर आंव, पै आत्मा में होकें बिलकुल ऐंगर आंव, और मोहां खुसी आय कि तुम हां जैसो रओ चईये वैसई आओ, और तुमाओ बिसवास यीशु मसीह पै खीब जमो आय।

- कुलुस्सियों 2:8

चौकन्ने रओ कि कोई तुम हां बेकार बतकाओ में न फंसा लेबे, जौन मान्स की बातें आंय बे सब संसार कौ छल आय, परन्त जे बातें पिरभू की नईंयां।

- 2 तीमुथियुस 4:15

तें सोई ऊसे संभल के रईयो, कायसे ऊने हमाई बातन को बिरोध करो आय।

- इब्रानियों 3:14

जब से हम ने पिरभू यीशु मसीह से मन लगाओ, उनईं बातन पै बने रओ चईये।

- 1 पतरस 5:9

बिसवास में पक्के बनो, और जौ जान के ऊकौ सामना करो, कि तुमाए भाई जौन संसार में आंय, ऐसई पीड़ा भोग रए आंय।

- 2 पतरस 2:7

और धरमी लूत हां जौन अधरमी जनों के बुरए चालचलन से बिलात दुखी हतो, छुटकारो दओ।

- 2 पतरस 3:1

हे प्यारे भईया हरौ, अब मैं तुम हां दूसरी चिठिया लिख रओ आंव, मैं ने दोई चिठियन में सुमरन कराके तुमाए सुद्ध हिये हां उस्केरो आय।

- यूहन्‍ना के दरसन कौ खुलासा 2:5

सो अब चेत जा, कि तें किन बातन में गिरो और फिन से बेई काज कर जौन तें पेंला करत हतो; कायसे तें पेंला जैसे काज न कर है, तो मैं तोरे ऐंगर आहों और तोरी दीवट हां उते से हटा देंहों।